EBC Saptuam in gammial a Missions nna a sep tuin kum 50 chingta hi (1967-2017). Hiai chiang dong hon pitu Pathian tunga kipahthugenna a Golden Jubilee lopna, Missionary-te kipahpihna leh hanthawnna neih dia Central Missions Sub Committee thusawm Convention Executive Committee lemsakpihna bang in “Missionary Conference -cum- EBC Missions Golden Jubilee Celebration (1967-2017)” [MiCoGoJ-2017] program November 30- 3rd December 2017 sung Gospel Centenary Hall, New Lamka a zat dia bawl ahi.

Missionary Conference ahih dungzui in Missionary-te hanthawnna leh thopna hun atam theipen zat kisawm hi. EBC nuai a sem Missionary tengteng hiai hun a hong telkim ding ua lamet ahi.

EBC pawlam (Mission agency & Para-church organization) a Missionary nna sem India gamsung leh khovel mun chih a omte’n hiai Conference hong uap ding uh MiCoGoJ-2017 Executive Committee deih dan ahihman in tuabang mi hongtel thei dingte nakpitak a WELCOME ahi.

Toupa Pathian’ Kha Siangthou thopna tang a Khawmpi gahsuah hiding in thumna ah phawk chiat ni.