1 NILAINI: Khathak mel hon musak i biak Pathian kiang kipahthu gen ni. Rev K. Kamchinkhup, DMs leh Upa T. Paukhansiam, Missions Co-ordinator in Karbi Anglong mission Field vehna neilel uh, Pathian ompihna ngetpih ni.

2 NINGANI: Singtang lou nasemte’n haichi pawi panta ahihman un, nesetheite a kipan Pathian venbitna ngetsak ni. Miss Donzachin in, FMPB Zonal Secretary, NE India zone mohpuakna len in, Guwahati pansan in nasemta hi. Pathian kiang a kipahthu gen in, Toupa deihna bang a hon sep theihna ding in thumpih ni.

3 SINTAWPNI: May 4-5 sung Thangkhal Baptist Church, Tuibuang in Seminar nei ding a, Evan. T. Damkhothang in sinsak ding hi. Hiai hunsung mah in Rev. Gin Malsawm, Director SD in EBCC khuangkhai ah Second Coming Chialpi nei ding, thumna ah phawk ni.

4 KIGINNI: May 5-7 sung EBCC Hiangtam Lamka in Tualsung Mission Khawmpi –cum- Missionary Day zang ding a, Rev. S. Vung Minthang, DM in thu gen ding. May 5 in EBCC Dimapur in Missionary Day zang ding a Upa T. Paukhansiam, Mission Co-ordinator in thu gen ding. Pathian vualzawlna ngen in thumpih ni.

5 NIPINI: May 6-7 sung EBCC Dorcas Veng in Missionary Day zang ding a, Evan. Lianding Guite in thu gen ding. May 7 in Rev V Thangkhanmuan YC in Central Lamka ah thu gen ding, thumna ah phawk ni.

6 SEPPATNI: Zingchiang Missionary Day programme ah Rev. K. Kamchinkhup, DMs in EBCC Bungmual ah thu gen ding a, Rev Ginmalsawm DSD in Mission Compound ah thu gen hi. Thumna ah phawk ni.

7 SEPNAWNNI: Tuni Manipur Sim-tum a Tanchinhoih honglut ni ahihman in, Pathian kiang a kipahthu gen in, hiai Tanchinhoih eitan a khawlmailou a, masawn a apaizel theihna ding in thum ni.

8 NILAINI: May 8-9 sung SIMNEI Annual Board 12th Annual General Body Meeting, Shillong ah om ding a, Upa T Paukhansiam, MC vakihel ding hi. May 9 in EBCC Khominthang in Lapawl Orientation neiding a, Evan. Lianding Guite in sinsak ding. Sintute leh sinsaktu ading in Pathian kha ompihna ngen in thum ni.

9 NINGANI: May 10-12 sung EBCC Hebron in Nute Ni programme zang ding a, Evan. Lianding Guite thugenpi in pang ding hi. Hiai hunsung mah in EBCC Dorcas Veng, Nute Ni programme ah Evan. T Damkhothang in thu gen ding. Pathian kha ompihna ngen in thumpih ni.

10 SINTAWPNI: May 11-12 sung EBCC Delhi, Nute Ni Programme ah Rev Paukhanmang Guite, General Secretary in thu gen ding, hiai hunsung mah in Mrs. Nemngaihmawi, Dorcas Co-ordinator in EBCC Shillong ah thu gen ding hi. Pathian kha polhna ngen in thumpih ni.

11 KIGINNI: Rev. K. Kamchinkhup, Director of Missions in May 11 in Imphal Division Missions Joint Fellowship, EBCC Paite Veng ah hunzang ding a, May 12, Nute Ni in EBCC Vengnuam ah thu gen ding, thumpih ni.

12 NIPINI: Division chih leh khopi Saptuam a BDF te ziak a Pathian kiang a kipahthu gen in, maban honsep zomzelna ding uah thumpih ni.

13 SEPPATNI: EBC in Partnership a Mission-na i seppih, IEM, FMPB, SIM, MVM, TBCA a kipan khamangthang mat a omzel ahihdan report kimuzel hi, kipahthu gen in, missionary te leh a sepna munchiat ua din thum ni.

14 SEPNAWNNI: May 15-18 sung L. Kanaan Bible Church, Behiang in Hotdamna Camp nei ding a, Evan. T. Damkhothang thu gen in pang ding. Camp lohching ahihna ding in thumpih ni.

15 NILAINI: May 16-17 sung EBCC Thanlon ah Division sung a department chih huam in Biakna toh kisai Workshop om ding a, Rev Paukhanmang Guite, GS leh Rev S. Vung Minthang, DM in sinsak ding. Hiai hun sung mah in Youth Co-ordinator leh Dorcas Co-ordinator ten DBYF leh DBDF toh consultative meeting nei ding uhi. Kisinsakna manpha leh gahsuah ahihna ding in thumpih ni.

16 NINGANI: May 16 in BYF, EBCC Hebron in lapawl Orientation nei ding a, Evan. Lianding Guite sinsaktu in pang ding hi. Kisinsakna manpha leh gahsuah ahihna ding in thumpih ni.

17 SINTAWPNI: Mission Fieldte a poimoh bang a zattheih dia Project base tungtawn a thilpiak honglut zelte ziak a kipahthu gen in, manphatak a zat ahihzel theihna ding in thum ni.

18 KIGINNI: May 19 nitak in EBCC Zenhang Lamka in Biakna toh kisai hun zang ding a, Rev. S. Vung Minthang, Director of Ministries in thu gen ding, thumna ah phawk ni.

19 NIPINI: May 20-21 sung EBCC Bethlehem, GCK Veng in Evangelism training saiding a, Rev. K. Kamchinkhup, Director of Mission in sinsak ding hi. Programme lohching leh gahsuah ahihna ding in thumpih ni.

20 SEPPATNI: May 21-25 sung, “Na inkuante omdan ding gelsak in” chih thupi a nei in, Khua Hausa Camp, GBC Campus ah om ding. Evan..T. Damkhothang leh Evan. Lianding Guite thu gen in pang ding ua, camper 70 vel lam-et ahi. Thumna in phawk ni.

21 SEPNAWNNI: India gamsung leh state tuamtuam a vaihawmtute MP leh MLA tengteng ading in thumsak ni. President, Prime Minister leh a cabinet tengteng leng thumsak ni.

22 NILAINI: CEC, Division chih a DWC leh sub-committee tuamtuam ten Pathian deihdan a Saptuam maban ding hongel zel theihna ding un, tunglam a kipan pilna ngen in thumpih ni.

23 NINGANI: School tungtawn a naupangte khalam leh salam a makaih, school a semte ziak a Pathian kiang a kipahthu gen in, sinsakna manpha a piak zel theihna ding un thumpih ni.

24 SINTAWPNI: May 25 in Director of Missions makaih in EBC Mission nasepna toh kisai Consultative Meeting: Conference Room, Dorcas Hall ah om ding. EBC makai luite, semlelte leh DS teng paikhawm dia lam-et ahi. Kimuhkhawmna manpha leh gahsuah ahihna ding in thumpih ni.

25 KIGINNI: MLA, MDC, ZRO, PTC, YPA, SSPP, PLS leh khotang makai ding Toupa’n hon piakte ziak a kipahthu gen in, amaute’n Pathian piak pilna toh vai hon hawm theihna ding un thumpih ni.

26 NIPINI: I Saptuam makai, GS, Directorte leh DS ten Saptuam neitu Pathian deihna bang a hon makaihzel theihna ding un, tunglam apan pilna ngen in thumpih ni.

27 SEPPATNI: May 27 - June 3 tan Rev Gin Malsawm, Director of Social Development leh a team ten Zodawn Ministries Empowerment Programme zang in School vehna nei ding uhi. Programme lohching leh gahsuah ahihna ding in thumna ah phawk ni.

28 SEPNAWNNI: May 29 in Evan. Lianding Guite in EBCC Val veng, Ninevi Revival Crusade ah thu gen ding hi, thugentu leh paikhawm mite ading in thum ni.

29 NILAINI: Toupa’n hon piak i Mission Fieldte ziak a kipahthu gen in, maban aleng hiai fieldte keklian theizel ding in Pathian Kha ompihna leh makaihna ngen in thum ni.

30 NINGANI: May 31 - June2 sung Mizoram Division Dorcas Khawmpi om ding a, Mrs. Nemngaihmawi, Dorcas Co-ordinator in thu gen ding hi. Khawmpi lohching leh gahsuah ahihna ding in thumpih ni.

31 SINTAWPNI: May kha tawptan honpi i biak Pathian kiang kipahthu gen in, A deihlouh dan sepkhak i neihte ah ngaihdam ngen in thum ni.