1 SEPPATNI: March kha damtak a hon zang zousak Pathian kiang kipahthu gen ni. Kum 2018-2019 Financial Year a khawmpi in sum muhdia i ngimzah kheng a, supplementary budget tanpha bawlthei dia Toupa’n honpi ziak in kipahthu gen ni. March 29 apan April 5 sung Rev. K. Kamchinkhup, Director of Missions leh Upa T. Paukhansiam, Missions Coordinator ten Himalayan Mission Field vehna nei ding uh, thumpih ni.

2 SEPNAWNNI: Saptuam sumkum thak ah Toupa’n honpitung nawnta, Pathian hehpihna ziak a nna tampi semsuah thei a om hi in i kithei, kipahthu gen ni. kum 2019-2020 a ginna a budget kibawlte tungzou ngei ding in a vualzawlna ngen ni.

3 NILAINI: EBCC Aizawl in Dinthar a Biakin menchim ziak a phelsiat vek ahih nung in bawlthak din kisa nawn uhi. Nasep kipanta himahleh lei achip thak man in, maban sawn theilou in dinkhawl phawt uhi. Bangkim hihthei Pathian kiang ah thumpih ni.

4 NINGANI: Immanuel Academy, Teikhang leh Kawlbem English School ten school kiphuhkhiak nung kum 25 chinna, Silver Jubilee leh Pathian kiang a kipahthu genna hun March kha in lohchingtak in zangzou uh, kipahthu gen ni. A tangpi in i Saptuam school-ten masawn zel hia theih ahi a, semtute leh sintute thumpih ni.

5 SINTAWPNI: April 6-7 sung EBC Singngat Division sung a Pastor teng, Upa Ordain teng leh Departmental Committee member teng huam in “Divisional Workshop on Worship” thupi a nei in, Rev. S. Vung Minthang Director of Ministries in sinsak ding a, Evangelist leh Coordinator teng leh EBC Central Choir in kithuahpih ding uhi. Hiai hun mah in Dorcas Coordinator in Dorcas pawl toh fellowship nei ding. Programme lohchinna ding in thumpih ni.

6 KIGINNI: Tubang hun a heutu i neih Toupa’n hon piakte General Secretary leh Director thumte leh CEC Chairman leh memberte tengteng in Pathian deihna bang a Saptuamte hon makaih theihna ding un, Pathian apan pilna ngetsak in thumpih ni.

7 NIPINI: Rev. Khaikhuphang leh a zi Nianggelvung, Thailand a missionary dia kuankheten pauzilna sunzom theizel uh. March kha in Module 3 exam lohchingtak in zouthei uhi, kipahthu gen in, maban hoihtak a hon zop zel theihna ding un thumpih ni.

8 SEPPATNI: Mr. Siamnunlian Valte VK Tawna College neitu in a nasemte (Mistry&Jugali) samkhawm in, April 9-11 sung VK Tawna High ah Camp neihpih sawm hi. Evan. T. Damkhothang in thu gen ding hi. Thumna ah phawk ni.

9 SEPNAWNNI: April 10-11 sung EBC Thanlon Division sung a Pastor teng, Upa Ordain teng leh Departmental Committee member teng in “Divisional Workshop on Worship” thupi a nei in, Rev. S. Vung Minthang Director of Ministries in sinsak ding a, Evangelist leh Coordinator teng leh EBC Central Choir in kithuahpih ding uhi. Thumna ah phawk ni.

10 NILAINI: Pathian in A thu a i kibulphuhna ding Grace Bible College hon piak ziak a kipahthu gen in, sintute leh sinsaktute Toupa kha thopna leh makaihna ngetsak in thum ni.

11 NINGANI: April 13 in Imphal Division sung a Pastors, Upate leh Departmental Committee member teng in “Divisional Workshop on Worship” thupi a nei in, Rev. S. Vung Minthang Director of Ministries in sinsak ding a, Evangelist leh Coordinator teng leh EBC Central Choir in kithuahpih ding hi. Programme manpha leh lohchingtak a zat ahihna ding in thumna ah phawk ni.

12 SINTAWPNI: April 13 in Lamka North Division DBYF makaih in Orientation Programme Immanuel Biakin, Headquarters Veng ah om ding a, Rev. K. Kamchinkhup Director of Missions in sinsak ding a, Rev. V. Thangkhanmuan Youth Coordinator in thu gen ding. Pathian ompihna toh lohchingtak a zat ahihna ding in thumpih ni.

13 KIGINNI: April 14, Palm Sunday hun ah Rev. Gin Malsawm, Director SD in EBCC Lungthul D ah Church Administration kisinsakna toh kop in thu gen ding a, Rev. K. Kamchinkhup Director of Missions in EBCC Hebron ah, Evan. T. Damkhothang in EBCC Pethuel ah thu gen ding. Thumna ah phawk ni.

14 NIPINI: Tuni in Saptuam chih in Palm Sunday zang ding. Manpha leh lohchingtak a zat ahihna ding leh mimal chih a Jesu Khrist in vualzohna a tan theihna ding in thum ni.

15 SEPPATNI: Mission Field 3te a kipan Grace Bible College a Laisiangthou sinlel naupang 12 te ziak a Pathian kiang a kipahthu gen in, lohchingtak a honzoh chiat ua, tunung a field adia Pathian mizat manpha a hong hihchiat theihna ding un thumpih ni.

16 SEPNAWNNI: Zingchiang, April 17 CEC meeting om ding, Pathian deihna bang a Saptuam maban ding pilvang tak a hon gelkhawm theihna ding un thumna ah phawk ni.

17 NILAINI: April 18-21 sung EBCC Sinzawl ah Good Friday & Easter Sunday huam in Evan. T. Damkhothang in thu gen ding. Hiai hunsung mah in EBCC Kolkata ah Rev. K. Kamchinkhup, DMs in thu gen ding. Pathian kha ompihna toh programme lohchingtak a zat ahihna ding in thumpih ni.

18 NINGANI: April 19-21 sung EBCC G. Mualkawi in Good Friday & Easter Sunday huam in Chialpi nei ding a, Rev. Gin Malsawm, DSD in thu gen ding. Hiai hunsung mah in Rev. S. Vung Minthang DM in EBCC Bethlehem ah thu gen ding. Pathian kha ompihna ngen in thumpih ni.

19 SINTAWPNI: Saptuam chih in tuni in Good Friday zang ding. Jesu Khrist hong sihna leh kipiakna theichian a, Pathian kha vehna i tanchiat theihna ding in thum ni.

20 KIGINNI: April 20-22 sung EBCC Guwahati, Easter Sunday Programme ah Rev. Paukhanmang Guite, General Secretary in thu gen ding. Pathian kha ompihna ngen in thumpih ni.

21 NIPINI: Tuni in Jesu Khrist han apan vualzoutak a a thohnawnna ni ah Saptuam pumpi in Manpha leh lohchingtak a, Pathian kha ompihna toh zat ahihna ding in thum ni.

22 SEPPATNI: April 22-25 sung EBCC Moria in Youth Leadership Seminar nei ding a, Rev. S. Vung Minthang Director of Ministries in sinsak ding, lohchingtak a zat ahihna ding in thumna ah phawk ni.

23 SEPNAWNNI: Khopi sung a nasem, niteng a kiloh a kuan leh bazar a mehzuak a nekzongte chidamna ngetsak in, Pathian lau leh zahtak kawm a ana chiat uh hon sep theih zelna ding un thumpih ni.

24 NILAINI: Government leh private a sem a nekzong khopi leh mun tuamtuam a omte’n Pathian zahtak kawm a hon sep zel theihna ding un thumpih ni.

25 NINGANI: April 26-28 sung EBC North East Tangnuam Pastor Bial Khawmpi EBCC Bungpilon ah om ding, Evan. T. Damkhothang leh Evan. N. Thangsuanpau in thu gen ding. Programme lohchingtak a zat ahihna ding in thumpih ni.

26 SINTAWPNI: April 27-29 sung EBCC Central Delhi in Anniversary leh Kipahthu genna hun zang ding a, Rev. S. Vung Minthang, DM in thu gen ding, thumna ah phawk ni.

27 KIGINNI: Sunday School tungtawn a Toupa’ gam na i sepna in gah hoih leh manpha hon suah zel theihna ding in, sintute leh sinsaktute thumpih ni.

28 NIPINI: EBC Vangai Division a DS, Pastorte, Teacherte leh Upa Ordainte ading bik in Pathian ompihna leh makaihna ngetsak in thum ni.

29 SEPPATNI: Toupa’n pha hon sakpih lam-en in, May 21-25 sung “HAUSA CAMP” GBC ah neih ding in Directorate of Ministries, Dorcas Hall in gel hi. Evan. T. Damkhothang leh Evan. Lianding Guite in thu gen ding. Camp lohching leh gahsuah a hihna ding in thumna ah phawk ni.

30 SEPNAWNNI: April khatawp tan dam a honpitung i Biak Pathian kiang ah kipahthu gen in, A deihlouh dan i sepkhak omte ah a ngaihdamna ngen in thum ni.