1. SEPNAWNNI: Kumthak damtak a hon musak i Toupa min phat in, kipahthu gen ni. Jan.1-2 in EBCC Pethuel ah Evan. T Damkhothang in thu gen ding, thumpih ni. Tukum i Saptuam thupi “Pathian pomtak Biakna” chih pansan a Pathian Kha vehna i tanna ding in thum ni.

2. NILAINI: EBCC Pearsonmun in Jan. 3-6 sung chialpi-cum-BCD graduation hun zang ding ua, Rev B Chinkhengoupau, C/C in thu gen ding thumpih ni.

3. NINGANI: Mission Compound Khosuakten Jan. 4 in, Mission Compound Re-union nei ding ua, hiai hun zang ding in mun tuamtuam apan paikhawm ding uhi. Rev Dr Gin neithang in thu gen ding, programme manpha leh lohchingtak a a zattheihna ding un thumpih ni.

4. SINTAWPNI: Kumsim khawmpi 71na a General Secretary, Directors, DS leh FS dia telching a omte ziak in kipahthu gen in Pathian makaihna ngen in thumpih ni. EBCC Zion ah Jan. 5-6 in Second Coming toh kisai Evan. T Damkhothang in gen ding thumpih ni.

5. KIGINNI: Semtu kisuankual dingte dam leh bittak a a sepna mun ding uh atun chiat theihna ding un thumpih ni. EBC School lam in January kha a Admission pannawnta ding uh thumpih ni.

6. NIPINI: Dorcas Tailoring (DOTPROJ) Project nuai a puankhui zilte Khristmas leh Kumthak suty a khawl Jan 7 in lutnawnta ding uh a manphatak a a ziltheih zelna ding un thumpih ni.

7. SEPPATNI: Rev Paukhanmang Guite, GS; Rev S Vung Minthang, Director of Ministries; Rev Gin Malsawm, Director of Social Development leh Rev K Kamchinkhup, Director of Mission ten Pathian ompihna toh Saptuam mipite hon pii theihna ding un thumpih zel ni.

8. SEPNAWNNI: Dorcas Co-ordinator Nu Nemngaihmawi leh Youth Co-ordinator Rev V Thangkhanmuan ten a sepkhak nailouh uh Nna thak sem ding ahihman un manpha leh phatuamtak a hong kizattheihna ding un Pathian ompihna ngen in thumpih zel ni.

9. NILAINI: EBCC Phaitong Dorka Pawl in Jan 10-13 sung, chialpi nei ding ua Miss Liankhoman leh Miss Dimzangai ten thu gen ding uh, lohchingtak a a zattheihna ding un thumpih ni.

10. NINGANI: EBCC Thanlon in Jan 11-13 sung Second Coming Crusade nei ding ua, Evan. T Damkhothang in thu gen ding, lohchingtak a a zattheihna ding un amah leh saptuam mipite thumpih ni.

11. SINTAWPNI: EBCC Central Lamka in Jan 11-15 sung Hotdamna chialpi nei ding ua, Evan. Lianding Guite in thu gen ding, programme lohchingtak a zat ahihtheihna dng in thu gen ding leh a tel ding mite thumpih ni.

12. KIGINNI: BCD Pearsonmun in Jan. 12-13 sung Teachers Orientation nei ding ua, Rev Chinkhengoupau, C/C in sinsak ding, amah leh Sunday School sinsaktute thumpih ni.

13. NIPINI: I Namsung leh i gamsung chidamtak a i om theih zelna ding in Pathian kiang ah thum ni. Huan, kuamah buaina bawl omlou a, mipite Toupa deihdan toh kituak a pi a i omtheihna ding un thum ni.

14. SEPPATNI: DS leh FS dia a thak a telching a omte Pathian apan vision hoihtak nei kawm a na hon sep theihna ding un thumpih zel ni. Manipur Field Office ding bawlna, Malom ah pailel, lamzangtak a zoh ahihna ding in thum ni.

15. SEPNAWNNI: BCD Thanlon in Jan 16-17 sung Sunday School Teachers Orientation Training nei ding a, Rev Chinkhengoupau, C/C in sinsak ding, gahsuah leh lohching ahihtheihna ding in thumpih ni.

16. NILAINI: Mission field a Biakin kibawllel te, MEBC Jiribam, MEBC Wapokpi, Namgharia Dhemaji, EBCC Itanagar, KEBC Paklongkamte lamzangtak a zoh ahihna ding in thum ni.

17. NINGANI: BCD Thanlon Division khawmpi Jan 17-20 sung EBCC Thanlon ah omding a, Evan. Lianding Guite in thu gen ding lohching tak a a zattheihna ding un amah leh a tel dingte thumpih ni.

18. SINTAWPNI: Takuthang, Sikkim a mun kilei ah Land Development kibawl lel. Buaina bangmah omlou a zoh ahihtheihna ding leh Mission Centre poimohtak hong hihtheihna ding in thum ni.

19. KIGINNI: Zingchiang Nipini Skul, Piching leh Naupang a i patni ding ahi a, daltu omlou a i patchiat theihna ding un thum ni. Nipini Skul a sinsaktu dingte tengteng Pathian ompihna ngen in thumpih ni.

20. NIPINI: Tukum i Saptuam thupi tungtawn a Pathian pomtak biakna i piaktheihna ding uleh Saptuam chidam, hing leh gahsuah i hihtheih chiatna ding in Pathian kiang ah thum ni.

21. SEPPATNI: Laisiangthou sinlel, Spring 2019 a zouthei dia lam-et ten hon zoh chiat theihna ding un thumpih ni. Tutung GBC a Bible zouthakte a omna mun chiat ua manphatak a akizattheihna ding un thumpih ni.

22. SEPNAWNNI: WEC a Missionary Candidate 3 te hon pomsak vek uh, kipahthu gen in, maban hong lamzang zelna ding un thumpih ni. Laisiangthou sinlel, Spring, 2019 a zouthei dia lam-et ten honzoh chiat theihna ding un thumpih ni.

23. NILAINI: Missionary te sukha damlouhnate: 1. Evan. Manzarual a pasal Mr. Goukhanmang lupna ngak a damlou. 2. Evan. Minlun’ tanu Manthianmuang kha 3 operation (RFR). 3. Evan. Chinkholal Lethil GBS. Amaute hong damsiangna ding un thumpih ni.

24. NINGANI: January 25-27 sung EBCC NE Tangnuam in BCD Teachers Training leh Naupang Chialpi nei ding a, Rev Chinkhengoupau, Child Co-ordinator in sinsak in thu gen ding, thumna ah phawk ni.

25. SINTAWPNI: February kha sung in EBC sung a semtu Numeite leh semtute zite camp CDSC saina in om ding buaina omlou a sepsuah ahihtheihna ding in thum ni.

26. KIGINNI: Khristian Thukizakna a Article hon gelh zelte, copy la a a na simzelte leh a fee hoihtak a pezel te ziak in kipahthu gen ni. Huan KTZ a hunhun a i muhtheih zelna ding in a saitute leh a vanzat tuamtuamte thumna in phawk zel ni.

27. NIPINI: Lam tuamtuam a Pathian vualzawlna i donte ziak in kipahthu gen ni. Pathian vualzawlna i donte mimal hin pawlpi hitaleh hon vualzawltu Pathian toh hon kichimatsaktu ahihtheihna ding in thumna in phawk ni.

28. SEPPATNI: Pathian in i Saptuam mipite Khamangthangte it a vei leh Khamangthang tamsem a Hotdamna huang a piluttu hi ding a hon zattheih zelna ding in thum ni.

29. SEPNAWNNI: EBCC Songtal in Jan. 30 - Feb 4 sung Hotdamna Camp nei ding ua, Evan. T Damkhothang leh Evan. Lianding Guite in thu gen ding. Camp a tel khempeuhte adia vualzawlna ahihtheihna ding in thumpih ni.

30. NILAINI: February kha a siamsin naupangte lutnawnta ding, i louma i nasep tuamtuamte kiman nawnta ding. Hiaite chidam leh lamzang tak a siamsinna leh nasepna i sutzop theihna ding un thumna in phawk zel ni.

31. NINGANI: Pathian pina ziak in January kha dam in i zangzou ua kipahthu gen ni. Khathak dam leh manphatak a i zattheih chiatna ding un thum ni.