1 KIGINNI: December kha hon pitung i biak Pathian kiang ah kipahthu gen ni. Dec. 1-2 sung, EBCC Delhi, Dwarka in BCD graduation zang ding ua, Evan. Lianding Guite, in thu gen ding. Hiai hun sung mah in ESC Chiengkonpang in Discipleship chialpi nei ding ua, Evan. T Damkhothang in thu gen ding, amaute thumpih ni.

2 NIPINI: WEC/IMM a Candidate Orientation training a i sawl tuailai mi 3 ten lohchingtak in Nov. 30 in training hon zouta uh, kipahthu gen ni. EBC School-te December 4 akipan khawl ding uhi. Suty sung naupangte leh sinsaktuten hun manpha tak a zattheihna ding un thumsak ni.

3 SEPPATNI: Kumtawp Khawmpi 70na gahsuahtak a zat ahihtheihna ding in biakna leh vaihawmnate a hon makaih dingte, thugentu ding Rev L Kham Kho Lun leh Rev Dr Luaichinthang-te thumna in phawk ni.

4 SEPNAWNNI: Zingchiang Dec. 5 in Khawmpi chiang a Ordain dite leh a zite uh Pre-Ordination Orientation om ding, buaina bangmah omlou a lohching leh gahsuah ahihtheihna ding in a tel dingte leh sinsaktu dingte thumna in phawk ni.

5 NILAINI: Tutung khawmpi ah G/S, Director 3, DS 7 leh FS 4 tel ding, teltuten Pathian lungtunna mite a telkhiak theihna ding un thum ni. Dec. 6-10 sung CBA Lanva in Jakob Taona muol ah Hotdamna Camp nei ding ua, Evan. T Damkhothang in thu gen ding, thumpih ni.

6 NINGANI: Zingchiang nitak in EBCC Pethuel ah Miss Liankhoman, DC in thu gen ding, thumpih ni. Khawmpi sung a Biakna leh Phatna pitu ding Central Choir-te leh Phatna Lapawl sa dingte Pathian ompihna ngen in thumsak ni.

7 SINTAWPNI: Khalui a i program tuamtuamte uh zouthei a i om ziak in kipahthu gen ni. MVM (Maharashtra Village Ministry) toh Partnership bawl ding process pai laitak ahi a, Pathian deihna bang a hong lohchinna ding in thum ni.

8 KIGINNI: EBC Kumsim Khawmpi pailel lohchinna ding in thum ni. Zingchiang in Pastor 5 leh Upa ding 14 ordination piak a om dingte leh Ordain petu ding GS leh D/Mn thumpih ni.

9 NIPINI: CES Mizoram a omten December 9 apan January 8, 2019 sung Winter Vacation nei ding uh, manphatak a azat theihna ding un naupangte leh sinsaktute thumpih ni.

10 SEPPATNI: Semtute innkuan damloute Nu Hauzavung, w/o Rev Paukhanmang, D/Mn; Goukhanmang, Missionary Manzarual pasal; Pastor Thuamminlian tapa kum 2 lel kal lam operation ngai; Nengminlun Karbi Anglong tapa damloute thumpih ni.

11 SEPNAWNNI: Dec. 12 in Pricilla Home in Graduation day zang ding ua heutupa Rev Vung Minthang, G/S in thu gen ding thumpih ni. Dec. 10-12 sung, EBCC V Munhoih in BCD Annual Day zang ding ua, Evan. Lianding Guite in thu gen ding, lohching leh gahsuah ahihtheihna ding in thumpih ni.

12 NILAINI: December 13-16 sung EBCC Chingmun in Hotdamna Camp nei ding a, Evan. T Damkhothang in thu gen ding, amah leh a tel dingte thumpih ni. Mission field a semtute Pathian Kha siangthou ompihna ngen in thumpih zel ni.

13 NINGANI: Zingchiang in EBCC Zion Dorka Pawlte leh Miss Liankhoman, Dorcas Co-ordinator in kithuahkhawmna hun zang ding uh. Thugentu ding leh a tel ding Zion mipite thumpih ni.

14 SINTAWPNI: Dec. 14-16 sung EBCC Immanuel Headquarters Veng in Revival Crusade nei ding ua, Evan. Lianding Guite in thu gen ding. Hiai hun mah in EBCC Khominthang in BCD Winter Meet nei ding ua, Rev B. Chinkhengoupau, C/C in thu gen ding, amaute thumpih ni.

15 KIGINNI: I gamsung leh nam sung a chidamtak a i om theihna ding in thum ni. I chidamlouhna omte leng Pathian in i hoihna ding a a hon sepsak theihna ding in ngen ni.

16 NIPINI: Dorka Pawlte nasepna DORCED Project nuai a naupang chawmte leh puankhui training-te thumna in phawkzel ni.

17 SEPPATNI: I Missionary-te lak ah sungkuante damlouhna ziak a suty la omkha theisek hi. Hiai bangte hong dam ua, lamzangtak leh thovengtak a hon sep nawn theihna ding un thumpih ni.

18 SEPNAWNNI: OMF a Missionary dia kuan, Rev Khaikhuphang leh a zi RA Visa ngak in Inlam ah omlel uh. Pathian ompihna toh lamzangtak a a muh ua, training a zopnawn theihna ding un thum ni.

19 NILAINI: Tukum i louma a haichi tuamtuam i lakte ziak in kipahthu gen ni. Kum thak chidamtak a Pathian ompihna toh louma i neih theihna ding un thum ni.

20 NINGANI: Kumtawp kuan hita ahihman in mun dangdang a om i ta-le-naute innlam zuan a hong pai dingte bit leh damtak a hong tuntheih chiatna ding un thumna in phawk ni.

21 SINTAWPNI: Damdawi in a damlou a omte sum-le-pai haksa taktak leh kemtu ding neiloute thumpih ni. Damloute enkoltu doctor leh nursete leng thumpih zel ni.

22 KIGINNI: Khristmas leh Kumthak hunte Khristiante ading a ni poimoh mahmah akua akua in manpha leh lohchingtak a hon hihbuaitu omlou a i zattheih chiatna ding un thum ni.

23 NIPINI: EBCC Moriah, Pearsonmun BYF in Dec. 26-30 sung Gilead Tlang ah camp nei ding ua Rev K Kamchinkhup DS Imphal in thu gen ding, amah leh Camp a tel dingte thumna in phawk ni.

24 SEPPATNI: Khristmas leh kumthak program hunte a thugenna hun tangtute tengteng Pathian in a zat a, Saptuamten kumdangte sang a Pathian ompihna lamdangtak i tan theih chiatna ding un thum ni.

25 SEPNAWNNI: Tuni Khristmass tungtawn a gingloute lak a Tangthupha genna hun manphatak ahih theih nading leh damlouhna ziak a Hospital a omte leh Suangkul a omte tanpha inleng Pathian vualzawlna a na tan theihna ding un thum ni.

26 NILAINI: December 27-30 sung EOC Tualnuam in Hotdamna Chialpi neiding a, Evan. T Damkhothang in thu gen ding, thumpih ni.

27 NINGANI: Zingchiang Nov. 28-30 sung EBCC Lungthul D in Dorka Pawl kiphuh nung kum 50 chinna (Dorcas Golden Jubilee) zang ding ua heutupa Rev L Khamkholun leh Miss Liankhoman-ten thu gen ding uh, thumna in phawk ni.

28 SINTAWPNI: Kum thak a maban i sawntouhna ding chiat uah Pathian ompihna toh akipahhuai leh haksate ah Pathian hoihna i muhtheih chiatna ding un thum ni.

29 KIGINNI: Saptuam kemtu ding a Pathian in hon piak Pastorte Khalam ann a hon vak gige theihna ding uh leh, haksatna tuamtuam, thubuai labuai om hun a khenthei ding a Pathian apan pilna ngen in thumsak ni

30 NIPINI: Tukum ading a Pathianni na nungpen i muhnawn theih ziak in kipahthu gen ni. Kum thak a Pathian venbitna nuai a Nipini biakna kikhopnate hihbuaitu omlou a Pathian biakna chitak zawsem a i zattheihna ding un thum ni.

31 SEPPATNI: Tukum ading a ni nanungpen tan hon musak Pa Pathian kiang kipahthu gen ni. Tukum hun paisate a mimal, mipi, khotang, Saptuam gam leh nam sung a Pathian zakdah i genkhak leh i hihkhakte ah Pathian ngaihdamna ngen in thum ni.