1. KIGINNI: August kha hon zang zousak a tu khathak hon muhsak nawn ziak in kipahthu gen ni. Sept. 1 in Imphal Division in Doctrine kisinsakna nei ding ua Rev Paukhanmang Guite, Director/ Mn in sinsak ding. Sept. 1-4 sung, ESC Chiengkonpang in Crusade nei ding ua, Evan. T. Damkhothang in thu gen ding. Hiai programme-te thumna in phawk ni.

2. NIPINI: Director/Ms makaih in Missionaries zingchiang 2 - 4 sung, empowerment program, Nepal / Himalayan Mission field ah neih hiding. Thumpih ni.

3. SEPPATNI: CES-Kaikho-en Academy, Suangdoh ah Sept. 3-5 sung, Career Counselling & Motivation program nei ding ua, Rev Gin Malsawm, Director SD, Dr. N.Thangginmang leh Mr. T. Kamthianlal-ten sinsak ding uh, thumpih ni.

4. SEPNAWNNI: Dorcas Co-ordinator leh alawmte ABWU Khawmpi zangzou tuni Singapore apan innlam zuan in hong pai ding ua, Sept. 6 in hong tung ding uh, thumna ah phawk ni.

5. NILAINI: September 6-8 sung, Dhemaji Mission field ah Missionaries Empowerment program, Director of Missions makaih in om ding, thumpih ni.

6. NINGANI: Sept. 7 in EBCC Central Lamka Dorka kikhop ah Miss Liankhoman, D/C in thugenna leh ABWU Khawmpi report pe ding thumpih ni. Lamka North Division BYF Khawmpi Sept 6-9 sung om ding ah Rev B. Chinkhengoupau, C/C in seminar paper present ding thumpih ni.

7. SINTAWPNI: Sept 7- 9 sung, EBCC Tribal Colony in “Nungzuihna Chialpi” nei ding ua, Evan. T. Damkhothang in thu gen ding. Sept 8-10 sung, Karbi Anglong Bial Khawmpi om ding a, Rev Gin Malsawm, Director SD in thu gen ding, thumpih ni.

8. KIGINNI: EBCC Lamzang in Sept. 8-9 sung, Church Administration toh kisai kisinsak ding ua, Rev Paukhanmang Guite, Director/Mn in sinsak ding, thumpih ni.

9. NIPINI: Rev Dr Gineithangte nupa in Pathian nasepna tunitan hoihtak a semzom theiz el a a om man un kipahthu gen in thumpih zel ni. Mr. V. Biaklal in Manila, Philipines ah mahni kichawm in Music sinlel, lohchingtak a hon zoh theihna ding in thumpih ni.

10. SEPPATNI: Sept. 10-12 sung, EBCC Jordan in “Nungzuihna chialpi” nei ding ua, Evan. Lianding Guite in thu gen ding, thumpih ni.

11. SEPNAWNNI: Sept 12 in EBCC Chennai in Tualsung Khawmpi nei ding ua, Rev Gin Malsawm, Director, SD in thu gen ding. Tuni Sept 11 apan 15 sung, EBCC Zenhang Lamka in Chialpi nei ding ua, Evan. T. Damkhothang in thu gen ding, thumpih ni.

12. NILAINI: Sept. 12-14 tan ding CES Behiang T in Evangelistic Week zanglel a, Miss Liankhoman, Dorcas Co-ordinator in thu gen ding, thumpih ni.

13. NINGANI: Sept 13-16 sung EBCC Mualnuam in BCDte lak a chialpi nei ding ua, Rev B. Chinkhengoupau, Child Co-ordinator in thu gen ding, thumpih ni.

14. SINTAWPNI: Accounting System thak toh kisai Awareness Campaign, Account Section-ten a bawl uh, Division teng, Mission Field teng leh khopi Saptuam teng ahithei tan a totsuak hita. Saptuamten leng theisiam chiat uh hia theih ahih man in, honpitu Pathian kiang kipahthu gen in, Saptuam chih a sumsaite thumpih ni.

15. KIGINNI: Rev. S. Vung Minthang, GS in EBCC Zenhang Lamka ah “Khristian Ethics” sinsakna Sept.15-16 sung nei ding. Hiai hun toh kituak mah in Rev Paukhanmang Guite, Director Mn in EBCC Lungthul (D) ah “Nungzuihna Seminar” makaih ding, thumpih ni.

16. NIPINI: Grace Bible College Principal, Faculty members, Staff leh sintute ziak a kipahthu gen in, Toupa deihna bang a hong khansem theihna din thum ni.

17. SEPPATNI: I Saptuam a semtu, Bible sin a mun tuamtuam a omten lamzangtak a a sinlai chiat uh hon zoh theihna ding un thumpih ni.

18. SEPNAWNNI: September 18 in Bungmual sualdoupawl kum 5 chinna ah Miss Liankhoman, Dorcas Co-ordinator in thu gen ding, thumpih ni.

19. NILAINI: September 20-27 sung, NTBC Delhi in Chialpi nei ding a, Evan. T. Damkhothang in thu gen ding, a tel dingte leh thugentu ding thumpih ni.

20. NINGANI: Sept 20-24 sung, EBCC Guwahati ah Khopi Saptuamte TBDFC Makai camp leh Seminar om ding a, Rev Paukhanmang Guite, Director/Mn, Miss Dimzangai, President CDSC leh Miss Liankhoman, D/C ten hun zang ding, thumna in phawk ni.

21. SINTAWPNI: I Gam leh Nam sung a thunei a vaihawmte, leh Pawl tuamtuam a makaiten Pathian deihdan bang a i namsung chidamna ding a mipite hon makaih ua hon pizel theihna ding un thumpih ni.

22. KIGINNI: Zingchiang 23 in Lamka South Div Missions Khawmpi ah Director of Missions in EBC Missions Policy Highlight nei ding, thumpih ni.

23. NIPINI: Mission nasepna awlmoh ziak a Missionary vakna a pangte ziak in kipahthu gen in, amaute Pathian in a poimoh bang ua a vualzawl zel din ngen in thumsak ni.

24. SEPPATNI: Sept. 26-28 sung, CES Khuangkhai in Evangelistic Week zangding a, Rev B. Chinkhengoupau, Child Co-ordinator in thu gen ding. Thumpih ni.

25. SEPNAWNNI: Sept. 26-30 sung, EBCC Mimbung in Hotdamna chialpi nei ding a, Evan. Lianding Guite in thu gen ding, thumna ah phawk ni. Sept. 28 in Miss Liankhoman D/C in EBCC Central Lamka Dorka kikhop ah thu gen na hun zang ding, midangte adia vualzawlna ahihna ding in thumpih ni.

26. NILAINI: Sept. 27-30 sung, Himalayan Mission Field khawmpi omdinga, Rev V. Thangkhangin, Director of Missions leh Rev Gin Malsawm, Director, SD ten thugenna leh seminar hun makaih ding uh, thumpih ni.

27. NINGANI: Sept. 28-1st October sung, Thanlon Division Kumsim Khawmpi EBCC Bukpi ah om ding a, Rev S. Vung Minthang, GS in thu gen ding, thumna ah phawk ni.

28. SINTAWPNI: EBC Kumsim khawmpi hun in i saptuam a heutute GS, Director, DS leh FSte kitel hun nawnta ding ahih man in Pathian Saptuamte vaihawmtu ding leh pitu ding Pathian deih bang mi telkhiak ahihtheihna ding in thumna in phawk zel ni.

29. KIGINNI: I kumkhat nasepna i loumate a agah lak huntan a bangmah nesia leh hihsetu omlou a chidam leh bittak a i lak theihna ding un thumna in phawkzel ni.

30. NIPINI: Tukha tawp damtak a a hon muhsak ziak in kipahthu gen in, khathak dam leh manphatak a i zat chiat theihna ding un thum ni.