1. NILAINI: July kha hon zang zousak a, August kha hon pitung i biak Pathian kiang kipahthu gen ni. August kha manpha leh lohchingtak a i zat theihna ding in thum ni.

2. NINGANI: August 3-7 sung IEM Society meeting, OTI Hosur ah om ding a, Rev S. Vung Minthang GS va tel ding. August 3-5 sung EBCC Dialkhai in Hotdamna chialpi nei ding a, Evan. T. Damkhothang in thu gen ding thumpih ni.

3. SINTAWPNI: August 3-5 sung EBCC V. Munhoih in Second Coming Chialpi nei ding a, Rev. Gin Malsawm, Director, SD in thu gen ding. Hiai hunsung mah in EBCC Kolkata in Worship-Revival Crusade nei ding a, Evan. Lianding Guite in thu gen ding, thumpih ni.

4. KIGINNI: August 5 nitak in Lamka North Division Missions motivation program, Immanuel EBCC Headquarters veng ah Rev V. Thangkhangin, Director of Missions in thu gen ding a, hiai ni mah in Rev Paukhanmang Guite, Director of Ministries in EBCC G. Mualkawi ah Doctrine seminar makaih ding thumpih ni.

5. NIPINI: EBC sung a sem Pastorte ziak a kipahthu gen in, Toupa’ belamte lamzangtak leh ginomtak a hon kep zel theihna ding un thumpih ni.

6. SEPPATNI: Dhemaji Mission Field, sa leh kha a hong khankhiak theihna ding un huai mun a semtute leh saptuam omte thumpih ni.

7. SEPNAWNNI: Mr Siamkhansang leh Central Choir member-ten mun tuamtuam a biakna toh kisai a Pathian gam na a sep zelnate ua midangte adia phatna la tungtawn a vualzawlna a hih ua, Pathian min thupina ahih theih zelna ding un amau leh a inkuanpihte uh thumna in phawk zel ni.

8. NILAINI: Sikkim a Uttarey & Takuthang tehtuah ah mission nasepna a pansan theih ding mun ngaihtuahna pailel, hong taksuahna ding in thum ni.

9. NINGANI: August 11-12 sung EBC Imphal Division BYF Khawmpi, EBCC Lamphelpat ah om ding a, Evan. T. Damkhothang in thu gen dia, Central Choir-ten phatna Lapawl va sa ding uh, thumpih ni.

10. SINTAWPNI: August 10-12 sung Lamka South Division Dorka Khawmpi om ding a, Rev. S. Vung Minthang GS in thu gen ding. August 11 in EBCC Central Lamka in Departmental joint Fellowship Seminar nei ding a, Rev Paukhanmang Guite, Director of Ministries in sinsak ding, hiai programte thumna ah phawk ni.

11. KIGINNI: August 13 in EBCC Hiangtam Lamka Dorkate toh Seminar nei ding ua, hiai hun ah Miss Liankhoman D/C in hun zang ding, thumpih ni.

12. NIPINI: August 13 in MEBC Thiyam Konjin in Silver Jubilee lawm ding a, Rev S. Vung Minthang GS in hunpi zang ding, thumpih ni.

13. SEPPATNI: DORCED Project nuai a puankhui zilna ding July 9 a honkhiak hita a kipahthu gen in a zilten manpha leh phatuamtak a hon zil theihna ding un thumna in phawk ni.

14. SEPNAWNNI: August 15 in EBCC Tribal Colony in taksa kum 60 tunglamte kithuahkhawmna nei ding ua Miss Liankhoman D/C in hun zang ding, thumpih ni. August 15 IBWU Numei Pawl thum ni manphatak a zat ahih theihna ding in thumna in phawk ni.

15. NILAINI: August 16-19 sung ZPCS, New Zouveng in chialpi nei ding a, Evan. T. Damkhothang in thu gen ding, buaina omlou a lohchingtak a a zat theihna ding un thumpih ni.

16. NINGANI: August 17-19 sung CES Thanlon Division in Career Counselling and motivation, Sinzawl ah nei ding uh. Hiai hun ah heutupa B. Thongzakham, Manager, SBI, Thanlon. Dr. N. Thangginmang, Dental Doctor. Rev L. Khaikhansong, DS Thanlon leh Rev Gin Malsawm, DSD ten sinsak ding uh, thumpih ni.

17. SINTAWPNI: Zingchiang August 18 in EBCC New Lane Dorka Pawl saina in Nungakte ading biik in Seminar nei ding ua hiai hun ah Miss Liankhoman D/C in hun zang ding, thumpih ni.

18. KIGINNI: Zingchiang August 19 in EBCC Zenhang Lamka in Doctrine Seminar nei ding a, Rev. Paukhanmang Guite, Director of Ministries in sinsak ding, thumpih ni.

19. NIPINI: Himalayan Mission Field, Bhuttabari, West Bengal ah Mission Centre kipanta, lamzang tak a a paitheihzelna ding in office a semtute leh mohpuakna neite thumpih ni.

20. SEPPATNI: August 20-26 sung EBCC Kawlbem in Camp nei ding a, Evan. Lianding Guite leh Evan. T. Damkhothang ten thu gen ding, thumpih ni.

21. SEPNAWNNI: Zingchiang August 22 in CEC tutkhawmna om ding mun tuamtuam apan member paikhawm dingte bit leh dam a hong tun ua, meeting lamzangtak a zat theihna ding un thumna in phawk ni.

22. NILAINI: August 22 - 25 sung Ladies Prayer Fellowship (LPF) saina in Gilead Tlang ah Pawl khentuam omlou in nungak camp nei ding ua Miss Liankhoman D/C leh Miss Khawlchin in Hotdamna thu gen ding ua, Miss Muani Tombing leh Mrs. Lienkhotling in Seminar makaih ding uh, thumna in phawk ni.

23. NINGANI: Nektak zonna, i louma a haichite hihsia thei tuamtuamte lak a bangmah hihbuaitu omlou a gah kipahhuaitak i lak theih chiatna ding un Pathian kepbitna ngen in thum ni.

24. SINTAWPNI: August 25 in EBCC Bethlehem in Christian Leadership Seminar nei ding a, Rev. Paukhanmang Guite, Director of Ministries in sinsak ding, lohching leh phatuamtak a a zat theihna ding un thum ni.

25. KIGINNI: Nu-le-paten lametna lianpi toh ta-le-naute sum tam pipi seng a lai a zilsakte un a nu-le-pate uh lametna tan tung ding a laisim a tha-it theihna ding uleh tulai a siatna tuamtuamte lak a bit a a om theihna ding un thumna in thei zel ni.

26. NIPINI: August 27-31 sung Convention English School-ten Pre-semester Exam II veina nei ding uh, chidamtak a naupangten a exam theih chiatna ding un thumna ah phawk ni.

27. SEPPATNI: August 28 in Asian Baptist Women Union 13th Assembly a tel ding in Penang Malaysia ah Miss Liankhoman D/C makaih in Dorka pawl mi 10 hoh ding ua, 5th Sept. in hong tungkik ding uh, lamzang leh lohchingtak a a va tel theihna ding un thumpih ni.

28. SEPNAWNNI: Khalui a GBC Day, lohchingtak a i zattheih ziak a kipahthu gen in, hiai tungtawn a GBC toh kisai a gah tamsem a om theihna ding in GBC nasepna thumpih ni.

29. NILAINI: August 29 apan September 2 sung ESC Chiengkonpang in chialpi nei ding ua, Evan. T. Damkhothang in thu gen ding, thumpih ni.

30. NINGANI: Manipur Mission Field a Mass counselling tungtawn a gingthak omte, khalam kibulphuhna diktak toh hong khankhiakna ding un thumpih ni.

31. SINTAWPNI: Pathian ompihna toh kha tawp damtak a i zattheih man in kipahthu gen in khathak damtak a i zat theihna ding in thum ni.