Thumna Makai | KTZ

    KTZ
    Thumna Makai

    Thumna Makai June 2018

    1. SINTAWPNI: Khathak hon musak Pathian kiang ah kipahthu gen ni. June 1-3 sung, NLBC in BCD chialpi nei ding a, Evan. T. Damkhothang leh Evan. Upa Lianding Guite in thu gen ding. June 1-8 sung, CES ten First Semester Exam nei ding thumpih ni.

    2. KIGINNI: EBCC Jordan kiphuhkhiak kum khat chinna June 3 in, kipahthugenna hun zang ding ua, Rev S. Vung Minthang, GS in thu gen ding thumpih ni.

    3. NIPINI: Missionary Day, Dorcas Day leh Pentecost Day programte lohchingtak a i zoh theih ziak un kipahthu genni. June 4-6 sung, V K Tawna High in Evangelistic Week zangding a, Evan. Lianding Guite in thu gen ding thumpih ni.

    4. SEPPATNI: EBCC Bethlehem BYF in June 4-8 sung, GBC ah Camp nei ding ua, Evan. T. Damkhothang leh Rev N. Pumsuanmung in thu gen ding, thumpih ni. Upa Genliankap, Pastor Ordination piak in a om a aman ZRO/ZRA lak a sem ding, thumna in phawkzel ni.

    5. SEPNAWNNI: OMF toh sepkhawm kipatna ding in Rev Khaikhuphang te nupa July 21 in Thailand a tun uh ngai ding ahih man in vaisaina pailel a lamzanna ding in thumna in phawk ni.

    6. NILAINI: June 7-10 sung Gilead Tlang ah, Manipur Evangelical Lutheran Church (MELC) Saptuam a Upate’ zite Camp om ding a, Miss Dimzangai leh Nu Niankhoching te’n thu gen ding uh thumpih ni.

    7. NINGANI: Sum saidan toh kisai a System thak i zat ziak in Local, Division leh Headquarters a sumsaite buaithei mahmah uh, thumpih ni. Nepal Mission Field Office Buttabari a suan dia panlakna a lamzanna ding in thum ni.

    8. SINTAWPNI: June 9-10 sung Children’s day a thu gen dingte: Evan. T. Damkhothang in EBCC Bethany ah, Evan. Lianding Guite in EBCC Shillong leh Rev B. Chinkhengoupau in EBCC Central Lamka ah, amaute thumpih ni.

    9. KIGINNI: June 9-July 8 sung Convention English School (CES) ten Nipi khawl nei ding uh, manphatak a azat theih chiatna ding un thumpih ni. Zingchiang Naupangte Ni lohchingtak a i zattheih chiatna ding un thum ni.

    10. NIPINI: Tuni i Saptuam in naupangte ni i zatna tungtawn a Naupangte’n Khalam leh salam a khanlohna hon neihtheihna ding un thum ni. EBC Aizawl Biakin kichimse theiding a omman in kiphelkhia a, a hoihzaw leh detdou zaw ding Toupan hon piakna ding in thum ni.

    11. SEPPATNI: Heutupa V Vumlunmang IAS in, Manipur Government nuai ah Principal Secretary Health & Family Welfare ban ah Finance lam pokhawm in Imphal ah hong sem a kipahthu gen in Pathian ompihna ngen in thumsak zel ni.

    12. SEPNAWNNI: Khawmpi Lian ban a vaihawmtu lian a i neih uh CEC in June 13 in meeting nei ding uh Pathian deihna bang a vai hon hawm theih zelna ding un amaute thumpih ni.

    13. NILAINI: June 14-16 sung BCD Bungmual in hotdamna chialpi neiding a, Evan. Lianding Guite in thu gen ding thumpih ni. Khochih a Sunday School sinsaktute thumna in phawk zel ni.

    14. NINGANI: June 14-17 sung Thangkhal Baptist Church, Baptist Youth Joint Camp, GBC ah omding a, Evan. T. Damkhothang in thu gen ding, thumpih ni.

    15. SINTAWPNI: Rev Gin Malsawm, Director, SD in June 15- 17 sung EBCC Pethuel ah Pate Ni in Second Coming toh kisai Chialpi neiding, thumpih ni.

    16. KIGINNI: Zingchiang, “Pate Ni” in heutute Rev S. Vung Manthang, GS in EBCC Lamphel ah, Rev Paukhanmang Guite, Director/ Mn in EBCC Dorcas Veng ah, Rev V. Thangkhangin, Director/Ms in EBCC Vengnuam ah, thu gen ding uh amaute thumna ah phawk ni.

    17. NIPINI: Tuni a Pate ni i zat tungtawn a Pathian Kha Siangthou vehna i tan ua Paten Khalam leh salam a a mohpuakna uh hon theihthak sem ua, i inkuante Pathian deihna bang a tunding thaknawn ahong hihtheihna ding in thum ni.

    18. SEPPATNI: June 18 -21 sung BCD Hiangtam Lamka in Evangelistic Week zangding ua, Evan. Lianding Guite in thu gen ding, thumpih ni. I Saptuam a semtu Pastorte, Evan. Teacherte leh office tuam tuam a semte ziak in kipahthu gen in, amaute thumpih zel ni.

    19. SEPNAWNNI: June 19-23 sung BYF V. Munhoih in Nungzuihna Camp, GBC ah nei ding ua, Rev K. Kamchinkhup, DS Imphal leh Evan. T. Damkhothang in thu gen ding, thumna ah phawk ni.

    20. NILAINI: June 22-24 sung Mizoram Division Dorka Khawmpi EBC Mimbung ah om ding a Rev N Thawndoulian DS, leh Mizoram Division sung-a Pastorten thu gen ding uh. Miss Liankhoman, DC leh Mrs. Thangngai in Seminar hun ah sinsakna nei ding uh amaute thumpih ni.

    21. NINGANI: June 22- 27 sung EBCC Guwahati ah, EBCC Shillong, Kolkata & Guwahati huam in, Discipleship seminar omding a, Rev Paukhanmang Guite, Director Mn in sinsak ding, thumpih ni.

    22. SINTAWPNI: June 22- 24 sung BCD Chialpi, EBCC Vengnuam in nei ding ua, Evan. Lianding Guite in thu gen ding thumpih ni.

    23. KIGINNI: June 23- 24 sung EBCC Tuimajang in Second Coming Crusade nei ding a, Rev Gin Malsawm, Director, SD in thu gen ding, thumpih ni.

    24. NIPINI: CES a Evan. Teacher mi lite: Upa S Chinzapau, Upa S Pumzatawn, V Chinzapau leh M Thawnzakhup te June 25-July 5 sung, City Tour in Delhi ah zin ding uh. A zinna uh amau leh a sinsak naupangte ading a zillai manpha leh phatuam a hihtheihna ding in thumpih ni.

    25. SEPPATNI: June 26 - 30 sung EBCC Suangdoh ah Singngat Division BYF Leaders Camp om ding a, Evan. T. Damkhothang leh Evan. Lianding Guite in thu gen ding, thumpih ni.

    26. SEPNAWNNI: Khosakna leh nektak zonna ziak a mun tuamtuam a gari hek a taivel (driver) te’n Pathian phawk kawm-a a zinzel theihna ding uleh amau leng Pathian ompihna toh lamzang tak a a taivel theih zelna ding un thumpih ni.

    27. NILAINI: June 28-30 sung EBCC Maukot in chialpi nei ding a Rev B. Chinkhengoupau C/C in thu gen ding thumpih ni. Rev N Pumsuanmung Y/C in kum 4 sung M. Th. ACA/ETS, Hosur, Tamil Nadu a sin ding in tuni’n kuanta thumna in phawk zel ni.

    28. NINGANI: EBCC Mualnuam in a Saptuam/Biakin kiphuhkhiak nung a kumza chinna (Centenary) lopna program June 29-July 1 sung zang dek ua hiai hun ah Rev S Vung Minthang G/S leh Rev G Kamzamuan DS Singngat ten thu gen ding uh program lohchingtak a a zat theihna ding un thumna in phawk ni.

    29. SINTAWPNI: Saptuam, Government leh Private a semte khabei teng a khaloh la thei zelte ziak in kipahthu gen in, khabei chiang aleng khaloh la theilouten leng a hunhun a a sep thaman uh a san theih zelna ding un thumpih ni.

    30. KIGINNI: Khatawp dam a hon muh sak ziak in Pathian tung ah kipahthu gen ni. Kha thak chidam tak a i zattheih chiatna ding uleh i loumaten leng huih, vuah leh nisate a amau a dia poimoh hun lel a muh theihna ding un thumna in phawk ni.