1. NIPINI: April kha dam a hon muhsak ziak in kipahthu gen ni. Tuni in mun tuamtuam ah Easter Sunday program a thugentu dingte tengteng Pathian ompihna ngen in thumsak ni. Rev Paukhanmang Guite, D/Mn in EBCC Bethany ah, Evan. T Damkhothang in EBCC Lamphel ah, Evan. Lianding Guite in EBCC Pethuel ah thu gen ding uh, thumpih ni.

2. SEPPATNI: Tu April kha in sum kum hong kipan a thil kikhek ding om zekzek a, i zuihsiamna ding un Local chih a sumsaite thumpih ni. Convention English School ten tuni April 2 in Mid. Semester Exam pan ua ni 6 in zou ding uh buaina omlou a exam a zoh theihna ding un thumna ah phawk ni.

3. SEPNAWNNI: EBC Central Executive Committee (CEC) nuai a Central Sub Committee tuamtuamten March kha bul apan amau department chiat ah nasep panta ua, Toupa deihna bang a a mohpuaknate uh hon sepsuah theihna ding un thumpih zel ni.

4. NILAINI: Thanlon Division ah Discipleship training April 6-8 sung om ding a, Rev Paukhanmang Guite, D/MN in sinsak ding. Hiai hun toh kituak in Evan. Lianding Guite in CBA Sinai Naupang Camp Jakob Tauna mual ah thu gen ding, hiai programte thumna in phawk ni.

5. NINGANI: Tuni April 5 - 9, tan Dhemaji Mission Field ah Pastoral Care Seminar om ding a hiai hun ah Rev Gin Malsawm, Director SD in sinsak ding, thumpih ni.

6. SINTAWPNI: TBC Ngoiphai in April 5-8 sung Hotdamna Camp nei ding ua Evan. T Damkhothang in thu gen ding thumpih ni. Singtang lam a i kikawmtuahna lampi tuamtuamte nidang sang a nuam zaw a i kikawmtuah theihtak ziak un kipahthu gen ni.

7. KIGINNI: IEM tungtawn a Mission na i sepna uh lohching zel in Kerala State convention leng lohching tak a zouthei uh chih i Missionary Leela akipan in kiza hi. Kipahthu gen in IEM tungtawn a Missionary i sawlte uh thumpih zel ni.

8. NIPINI: Singtang leh phaizang a i loumate uh buaina omlou a a hunhun nisa leh vuahtuite a muhtheih a, louma hoihtak a i sep theih zelna ding in thumna in phawk zel ni.

9. SEPPATNI: Pathian nasepna OMF toh Partnership tungtawn a kong lianpi a hon sak a i om man in kipahthu gen ni. Hiai toh kisai in heutute Rev Vung Minthang GS leh Rev V Thangkhangin, D/Ms te March 4-16 sung, Singapore leh Thailand ah va zin lohching tak in hong tung uhi. Pathian deihna bang a hiai nasepna i bohzui siamna ding un thumna in phawk ni.

10. SEPNAWNI: Sumkum thak i zat ding toh kisai in HQtrs a Account Sectionten March kha in Division leh Field level ah sum saidan toh kisai sinsakna (Awareness) program nei thei ua kipahthu gen in, sintuten sinsak a a ombang ua a zat siamna ding un thumpih ni.

11. NILAINI: Lamka North Div. Dorcas Comt. makaih in EBCC Pearsonmun ah April 12 in L/N Div. a Khochih Dorka makai seminar nei ding ua Miss Liankhoman D/C in Sinsak ding, amah leh atel dingte thumpih ni. Government thusuak dungzui in Skulputen D.El.Ed. training uhi. Hiai training a tel CES a semtu Evan. Teacher tampite, Government leh Private a semten phatuamtak a a zattheih chiatna ding un thumsak ni.

12. NINGANI: Rev Gin Malsawm, DSD leh Centre School Sub Committee ten April 13 in, Lamka North Division ah School Committee Empowerment Program zang ding uh, amaute thumpih ni. EBCC Hiangtam Lamka in April 12- 15 sung Evangelistic Week nei ding ua Evan. T Damkhothang in thu gen ding thumna in phawk ni.

13. SINTAWPNI: EBCC Central Lamka BYF in April 14-15 sung Leaders Training nei ding ua Evan. Lianding Guite in sinsak ding, thumpih ni.

14. KIGINNI: EBCC Lamphel in April 15 in Doctrine toh kisai seminar nei ding ua Rev Paukhanmang Guite, Director Mn. in sinsak ding, a teldingte leh sinsaktu ding thumpih ni.

15. NIPINI: Transform N E India Leadership Summit toh kisai in Bethel Prayer Centre, Barapani ah zingchiang April 17 – 19 sung program nei ding ua Rev Gin Malsawm, DSD leh Shillong Pastor Vanlalhminglian te vatel ding uh thumna in phawk ni.

16. SEPPATNI: Singtang lam i kikawmtuahna lampi tuamtuamte nidang sang a nuamzaw a i kikawmtuah theihtak ziak un kipahthu gen ni. Mun dangdang a Lamlian bawlte hihbuaitu omlou a na hoihtaktak a a sepzom theih zelna ding un thumpih ni.

17. SEPNAWNNI: EBC Vangai Division in April 20-23 sung, Doctrine toh kisai seminar nei ding ua Rev Paukhanmang Guite, Director Mn. in sinsak ding, a teldingte leh sinsaktu ding thumpih ni.

18. NILAINI: Mizoram Division in BCD khawmpi-cum-Chialpi April 19 – 23 sung EBCC Kawlbem ah nei ding ua, Rev B Chinkhengoupau C/C in thu gen dia, Trainingna leng neihpih kawm ding hi. Program lohching leh gahsuah ahihtheihna ding in thumna in phawk ni.

19. NINGANI: EBCC Lungthul D in April 20-22 sung hotdamna chialpina nei ding ua Evan. T Damkhothang in thu gen ding, amah ban ah telding Saptuamte thumpih ni.

20. SINTAWPNI: Tulai in i gam sung ah Tuailai, adeuh khol in nungak nou leh tangval noute lak ah kingaihsiatna uang mahmah a, mahni hinna kilak leh kithah chihte bangmah a ngai nawnlou tam lawta hi. Hiai lam toh kisai a Counseling Centre hong Miss Muani Tombing, Director Lainat Ministries thumna in phawk ni.

21. KIGINNI: EBC Centre Choir, Imphal Division Choir, Lamka North Division Choir leh khochih a Choir dangdangte tungtawn a i Saptuam a kha khanlohna hong tun theihna ding in amaute thumpih ni.

22. NIPINI: EBCC New Lane, Bungmual in April 25-29 sung Belampu Camp nei ding ua Evan. T Damkhothang in thu gen ding, camp lohching tak a a zat ua, Saptuamte kemtuten Belamputak ahihdan uh a theihsiam semna ding un thumpih ni.

23. SEPPATNI: EBCC Pethuel in April 25 - 28 sung BCD Senior Pawl Camp nei ding ua Rev B Chinkhengoupau Child Coordinator in thu gen ding, thumpih ni.

24. SEPNAWNNI: Zingchiang April 25-27 sung Mizoram Division ah Rev Gin Malsawm, DSD leh Centre School Sub Committee ten School Committee Empowerment toh kisai in thu gen ding uh thumna in phawk ni.

25. NILAINI: Upa Paukhansiam M/C in April 26 – 7 May tan EBCC Central Delhi ah Missionary Day zang kawm in Mimal Missionary Vakna a pangte vehna nei ding, program manphatak a a zat theihna ding un thumpih ni.

26. NINGANI: EBCC Hiangtam Lamka BYF in April 28 in Leaders Orientation, Program nei ding ua Rev Gin Malsawm Director Social Development in sinsak ding, thumpih ni.

27. SINTAWPNI: EBCC Khuangkhai Pastor Area in April 28-30 sung Doctrine kisinsakna nei ding ua Rev Paukhanmang Guite, Director Mn in sinsak ding, a teldingte leh sinsaktu ding thumpih ni.

28. KIGINNI: Sunday School a Naupang lam leh Piching lam sinsaktuten Pathian Thutak sinsakna hoihtak hon neihpih theih zelna ding un Sande Skul heutute salam leh khalam damna ngen in thumsak zel ni.

29. NIPINI: Tulai in mun tuamtuam ah Khristiante lak ah sawina leh gelgawtna uang deuhdeuh hi. Tuabang a sawina leh haksatna thuakte Pathian khamuanna leh ompihna ngen in thumsak ni.

30. SEPPATNI: Tulai a BJP Government nuai a i om kawmkawm a gingtu tampiten Pathian itna, lauhna leh amah adia ginomtak a i khosak theihna ding un akua akua kithumpih chiat ni. Khatawp dam a hon muhsak ziak in kipahthu gen ni.