1. NINGANI: Kha thak dam a i muhnawn ziak in kipahthu gen ni. Khalui a i Saptuam program tuamtuamte Pathian panpihna toh lohchingtak a i zattheih ziak un kipahthu gen ni. Tu khathak manphatak a i zattheihna ding in Pathian khut ah ki kemsak thak ni.

2. SINTAWPNI: Tuni 2 apan March 4 tan EBCC Langol in Second Coming chialpina nei ding ua Rev Gin Malsawm Director SD in thu gen ding. Hiai hun mah in Manipur Mission Field in chialpi nei ding ua Evan. T Damkhothang in thu gen ding, lohching leh gahsuah ahih theihna ding in thum ni.

3. KIGINNI: OMF Meeting March 2-16 sung Singapore, Chiangmai leh Bangkok ah Rev S Vung Minthang GS leh Rev V Thangkhangin, Director of Missions zin ding uh; lamzang leh manpha tak a hun a va zattheihna ding un thumpih ni.

4. NIPINI: March 5 - 10 sung EBC Mini Auditorium, Dorcas Jubilee Guest House ah BCD Teachers Training om ding a hiai hun a CEF (Child Evangelism Fellowship) apan in mi 5 sinsaktu ding hong pai ding ua, Lamka South & North Division BCD heutute lak apan mi 5 tuak sinsakna piak hi ding uh thumna ah phawk ni. 5. SEPPATNI: Manipur Board a Student te Class X, XI, leh XII ten khalui in final exam pan ua March 29 in a nanung pente zouta ding uh buaina omlou a exam ahihtheih zelna ding un Naupangte thumpih ni.

6. SEPNAWNNI: Zingchiang March 7 – 11 sung, Tonglon (T) in Hotdamna chialpi nei ding ua Evan. T Damkhothang in thu gen ding, program lohching tak a a zat theihna ding un thumpih ni. I Saptuam Officete ua i vanzat tuamtuamte Computer, Generator, Printer leh a dangdangte buaina omlou a zat ahihtheih zelna ding in thumna in phawk zel ni.

7. NILAINI: Missions toh kisai a thumna khochih in Nilaini teng a zat ding a kipanthak lohching leh nuamtak a zat ahihtheih zelna ding in thumna ah phawk zel ni.

8. NINGANI: Karbi Anglong Mission Field a Eimiten EBCC Dimapur ah March 9,10 sung Seminar nei ding ua, hiai hun ah Miss Liankhoman, D/C leh Dimzangai in sinsak ding, program lohchingtak a a zattheihna ding un thumpih ni.

9. SINTAWPNI: EBCC Bangalore, Chennai leh Mumbai in March 10-11, sung EBCC Bangalore ah Discipleship Seminar nei ding ua hiai hun ah Rev Paukhanmang Guite, Director of Ministries in sinsak ding, thumpih ni.

10. KIGINNI: Dhemaji Mission Field Office ah demand bawl thei ding om simsim a theih ahihman in i saptuam Office leh semtute lak a huchibang a om louhna ding in thumna in phawkzel ni.

11. NIPINI: Living Hope School Nongtham, Arunachal in March 12- 13 sung Evangelistic Week nei ding ua Rev Chinkhengoupau C/C in thu gen ding. Hiai hun sung mah in BYF Vengnuam Lapawl Orientation om ding a Evan. Lianding Guite in sinsak ding, hiai programte lohchingtak a a zat theihna ding un thumpih ni.

12. SEPPATNI: Karbi Anglong Mission Field a nidang a i lutkhak ngeilouhna, Waising Rangkhelan a gingtu inn 5 Pathian in hon piakthakte pansan a kim leh kiangte a Tangthupha gen sawm ahihman un thumpih ni.

13. SEPNAWNNI: March 14 & 15 in DWC/LSD in Mizoram Division veh ding ua, Mimbung ah M/DWC te toh fellowship nei ding uh, program lohching leh gahsuah ahih theihna ding in thumpih ni.

14. NILAINI: March 15-18 sung EBCC NE Tangnuam ah Thanlon Division BYF Khawmpi om ding a Rev K Kamchinkhup, DS Imphal Div. in thu gen dia, Rev L Khaikhansong, DS/TD leh Pastor Daikhup, Sinjawl in Bible Study zang ding uh, khawmpi lohching ahih theihna ding in thumpih ni.

15. NINGANI: March 15-18 sung EBCC Singngat ah Singngat Division BYF Khawmpi om ding a hiai hun ah Rev N Pumsuanmung Y/C leh Rev G Kamzamuan DS/SD in thu gen ding uh, khawmpi lohching tak a a zat theihna ding un thumpih ni.

16. SINTAWPNI: I Saptuam Schoolte lak a khat Ebenezer Academy, Pathian pina toh lohching touzel a amau leh amau kitoudelh thei mahmah ua kipahthu gen ni. Tukum thak in Naupang 1800 val om hi. School a semtu Principal leh a seppih Staff te ban ah sintu naupangte thumpih zel ni.

17. KIGINNI: I nekzonna ding a singtang lou i vatte uh haal hun chiang a kangmei patau luahuai bangmah buaina omlou a hoihtak a i loumate uh i hal theihna ding un thumna in phawk ni.

18. NIPINI: I gam sung adia i kikawmtuahna poimoh mahmah Guite Road hong kibawl ziak in kipahthu gen in, a bawltute vasubuaitu omhetlou leh lamzang tak a hon sep zohpah theihna ding un thumpih ni.

19. SEPPATNI: March 20-24 sung, EBCC Rongali ah Joint TBDF Camp omding a Evan. H Jamkhanmang leh Evan. Jacob Rongpi ten thu gen ding uh, lohchingtak a a zat theihna ding un thumpih ni.

20. SEPNAWNNI: I Saptuam in khamtheih hihzongsangte kepna i neih uh LRRC a nasepna hoihtak in paitou zel, kipahthu gen in huai a semtu Mr Langsanglian leh a seppihte ban ah a kepte uh thumna in phawk zel ni.

21. NILAINI: Rev B Chinkhengoupau C/C in March 23-25 sung EBCC Aizawl ah BCD Sinsaktute Orientation leh Palm Sunday hun zang ding, thumpih ni. I gam leh Nam sung a buaina tuamtuamte omlou a Khrist itna a a poimoh bang a kingaidam leh ki-ittuah a i om theihna ding un thum ni.

22. NINGANI: March 23 – 25 sung, EBCC New Lane, Buangmual in Second Coming toh kisai chialpi nei ding ua Evan. T Damkhothang in thu gen ding, thumna ah phawk ni.

23. SINTAWPNI: Tukum sung in Hqtr in Kho hausate ading in Gospel Camp sai sawm a, huan U Lian camp leng sai sawm hi. Ahun, amun, ami ding leh thugen ding Pathian kiang ah ngen in thum ni.

24. KIGINNI: Zingchiang Palm Sunday Khristian tamzawten i zat ding tungtawn a Pathian thupitak a pahtawi a a omtheihna ding in thugentu ding tengteng thumpih ni. EBCC Khominthang ah Rev Gin malsawm Director SD in thu gen ding, thumpih ni.

25. Nipini: Mun tuamtuam a Khristian sawina mulkimhuai taktak thuakte ading in thumsak ni. Huan sawituten a thilhihte uh tungtawn a Pathian a muhtheihna ding un thumpih ni.

26. SEPPATNI: IEM Head Office leh branch office tuamtuam a semtute leh mun tuamtuam a Missionary te Pathian ompihna toh chidam leh lohchingtak a asep theih zelna ding un thumpih ni. Lamka lam a semtute Miss Tinglamkim leh a seppihte thumna in phawk ni.

27. SEPNAWNNI: Khovel pumpi a Khristian tamzawten March 30, Good Friday leh April 1st Easter Sunday in kikhopna program kizang ding. Hiai hun a thugentu dingte tengteng Pathian in a zatchiat a tu hun nanung a Pathian Khasiangthou nasep thupitak a hongtun theihna ding in thum ni.

28. NILAINI: March 30 Good Friday in Rev Paukhanmang Guite Director of Ministries in EBCC Vengnuam ah thu gen ding thumpih ni.

29. NINGANI: Tutung Good Friday a thugen dingte tungtawn a Kha mangthangten Jesu sihna ziak diktak a theihtel ua amau adia asan theihna ding un thum ni. March 30, Good Friday in Rev Gin Mal Sawm Director SD in EBCC Hebron ah thu gen ding, thumpih ni.

30. SINTAWPNI: Lamka khopi sung-a tagah kepna tuamtuam a semtute leh kep a om naupangte leh Numei omdan hoihlou apan a kibawlhoih utte kepna Pricilla Home a semtute leh huai a kep a omte thumpih ni.

31. KIGINNI: Easter Sunday a thugente tungtawn a gingtute’n Jesu vualzou a a thohnawn bang a vualzou hinkhua i neih theihna ding un thum ni. Rev Paukhanmang Guite, D/Mn in EBCC Bethany ah Easter Sunday in thu gen ding, thumpih ni.