1. SEPPATNI: Pathian pina toh kum 2017 damtak a zangzou in tukum 2018 dam a hon muhsak man in kipahthu gen ni. Kumthak damtak leh manpha tak a i zattheihna ding in thum ni. EBCC Zion in tuni a kipan January 7 tan Kumthak lopna leh Revival Crusade nei ding ua Evan. T. Damkhothang in thu gen ding, thumpih ni.

2. SEPNAWNNI: MiCoGoJ Khawmpi leh EBC Kumsim khawmpi 69na lohchingtak a i zoh theih ziak in kipahthu gen in, khawmpi a thuzakte a gahsuah theihna ding in thum ni. January 4-7 sung Rev Gin malsawm DSD in EBCC Moriah Pearson ah Second Coming toh kisai crusade nei ding thumpih ni.

3. NILAINI: MVM a Missionary Miss Thiannem Vellore CMC Hospital ah November 24, 2017 in “Pituitary Macroademona” operation kibawl, a hong damsiang a, a sepna a sepzom pah theihna ding in thumpih ni.

4. NINGANI: Zingchiang in Rev Chinkhengoupau, C/C in “Restoration” Fellowship program Rayburn College ah thu gen ding, Pathian ompihna ngen in thumpih ni.

5. SINTAWPNI: Semtu kisuankualte Pathian ompihna toh a sepna mun ding chiat uh dam leh kipaktak a a tunkim theih chiat ua semtu lohchingtak ahihtheih chiatna ding un thumpih ni.

6. KIGINNI: Tukum i Saptuam thupi “Nang vualzawlna hi in” (Gen 12:2c) chih ahih dungzui a michih midangte adia vualzawlna i hihtheihna ding un thum ni.

7. NIPINI: Pathian in hon ompihna ziak a Kumthak damtak a hon muhsak toh kiton in tukum i sep i bawlnate ua kum dangteng sang a lamzang, chitak leh manpha sem a i sep theih chiatna ding un thum ni.

8. SEPPATNI: I Saptuam Office a semtute tu kumthak ading a tuni Office a kaipat ni uh buaina omlou a hoihtak a a kaitheih chiatna ding uleh tukum Pathian ompihna thak toh a mohpuaknate chiat uh a sep theihna ding un thumsak ni.

9. SEPNAWNNI: January 10-13 sung BCD Hebron in Sunday School Teachers’ Refresher Camp nei ding ua, Evan. Upa Lianding Guite in thu gen dia, Mr. Nangsonlian in Bible Study makaih ding, thumpih ni.

10. NILAINI: Tulai khovel khantouh toh kiton in nidanglai a sum saidan leh hihdan toh kibang nawnlou ahihman in Local chih, Division chih, GBC, EBH, LRRC leh Head Qtrs a sum saiten hoihtak a hon sai theih zelna ding un thumpih ni.

11. NINGANI: January 12-14 sung EBC Thanlon Division BCD Khawmpi ah Rev. B. Chinkhengoupau, C/C in thu gen ding, January 13 in Rev Gin Malsawm DSD in EBCC Moriah, Pearson ah Sunday School Teachers Orientation nei ding thumpih ni.

12. SINTAWPNI: I saptuam sung a Department tuamtuamten term thak 2018 -2020 a makaitu dia guan a omthakte Pathian deihna bang a mipite hon makaih theihna ding un thumpih ni.

13. KIGINNI: Tulai in i lak ah a teek, a khang niteng a misi gen ding tampi omta hi. Hiai in a damlaite adia salam leh khalam a kivel thakna hon tuntu ahihtheihna ding in thumna in phawk ni.

14. NIPINI: Pastor candidate 5te screening process a omsung uh temporary assignment piak hi ua, December 2017 leh January 2018 sung Evangelist 2te toh kithuah ding uh, thumna ah phawk ni.

15. SEPPATNI: January 16-21 sung NTBC New Bazar in Khanglai Camp nei ding ua, Evan. T. Damkhothang in thu gen ding, thumna ah phawk ni.

16. SEPNAWNNI: January 17 in Nupa kum 50 nuailamte kisinsakna EBCC Central Lamka in saiding a, Rev. S Vung Minthang GS in sinsak ding, thumna ah phawk ni.

17. NILAINI: January 18-21 sung NE Tangnuam Pastor Bial BCD khawmpicum- chialpi, EBCC Bungpilawn ah omding a, Evan. Upa Lianding Guite in thu gen ding, thumpih ni.

18. NINGANI: Lamka North, South leh Imphal Division BCD a Senior Pawlte seminar January 19 in om ding a, Rev. V Thangkhangin, Director (Ms) sinsaktu khat hi ding amah leh a tel dingte thumpih ni.

19. SINTAWPNI: NLBC, TBSUC in January 20 in Fellowship nei ding ua, Rev. S Vung Minthang GS in sinsak ding manpha leh phatuam ahihtheihna ding in thumna in phawk ni.

20. KIGINNI: Zingchiang in Nipini Skul kipanta ding Nipini Skul Piching lam leh Naupang lam sinsaktute thumna in phawk zel ni.

21. NIPINI: Rebuilding and Restore kichite pawl nasepna a semtu Mr LB Muan, Mr Chinkhanlun Samte, Field In charge leh Mr Khai John Paulte a nasepna ua Pathian pina toh lamzangtak a a sep theih zelna ding un thumna in phawk zel ni.

22. SEPPATNI: Convention English School ten Admissions January 23 in panding ua, February 1, 2018 in Class pan ding uh. Sintute leh sinsaktute thumpih ni.

23. SEPNAWNNI: Tukum Singtang lam a i Louma dingte uh Pathian ompihna leh makaihna toh abul i pat apan kumtawp a a gahloh huntanpha a Pathian ompihna ngen in thum ni.

24. NILAINI: Siamsinna nei mun tuamtuam a ten a zilna mabante uh lohchingtak a hon zil theih chiatna ding un thumpih ni.

25. NINGANI: January 26-28 sung EBCC Bualjang in chialpi nei ding a, Evan. T. Damkhothang leh Sawltak teng in thu gen ding, thumpih ni.

26. SINTAWPNI: EBCC Suangdoh in January 27-28 sung Worship Orientation nei ding a, Evan. Upa Lianding Guite in sinsak ding, thumpih ni.

27. KIGINNI: Tuni in NLBC Elim Veng in BCD sinsaktu Orientation nei ding a, Rev. B. Chinkhengoupau, C/C in sinsak ding, thumpih ni.

28. NIPINI: Saptuam mipte lak a thumna awlmoh a thumtu tamsem i hong omtheihna ding in Pathian kiang ngen in thum ni.

29. SEPPATNI: Nekzonna toh kisai a sepna mun tuamtuamte a i sepnate chiat ua Pathian ompihna toh kum dang teng sang a lohching leh gahsuah zaw leh manpha zaw sem a i sep theih chiatna ding un thum ni.

30. SEPNAWNNI: Tukha sung a Toupa deihlouh leh zakdah lam i gam, i nam, i insung leh khotang a i sepkhak omte Ngaihdam ngen in thum ni.

31. NILAINI: Khatawp damtak a hon muhsak ziak in Pathian kiang kipahthu gen ni. Khathak ah Pathian ompihna leh kithuahpihna ngen in thum ni.