1. SINTAWPNI: Pathian honpin a December kha hon muhsak ziak in kipahthu gen ni. MiCoGoJ Khawmpi pailel, thugente leh tanneite thumpih in, hiai khawmpi zang ding a EBC Myanmar apan hong kuan ding Rev. Thang Cin Mang leh a lawmte 4 toh kithuahkhawmna manpha leh lohching ahihna ding in thum ni.

2. KIGINNI: Partnership a Mission na i seppih, FMPB, IEM, SIM, Tangsa, OMF leh WEC te ziak a kipahthu gen in, lohching sem a i sep theihna ding in thum ni. Saptuam skulte’n November 27 a kum tawp exzam apat uh, tuni in zou ding ua, December 5 in result suak ding, feltak a sai ahihtheihna ding in a saitute thumpih ni.

3. NIPINI: Tuni in EBC in Mission na i sep kum 50 chinna chiamtehna leh hiai tan hon pitu Pathian tung a kipahthu genna in Golden Jubilee Celebration EBC Gospel Centenary Hall ah neih hiding a, Pathian ompihna ngen in thum ni.

4. SEPPATNI: NTBC (New Bazar) in Dec. 4 - 8 sung khanglai Camp nei ding ua Evan. T. Damkhothang in thu gen ding thumpih ni. MiCoGoJ Khawmpi tungtawn a i Missionary sawlkhiakte un Pathian Kha thopna thak a neih theihna ding un thumpih ni. Huan a sepnalam uh zuan a painawn ding damtak a tun chiatna ding un thumpih ni.

5. SEPNAWNNI: Zingchiang in tutung khawmpi a Upa Ordain dingte leh a zite uh Orientation program neihpih hi ding ua, hiai hun ah GS, Directorte, GBC Principal, DS/LSD, AO leh DC ten sinsak ding uh, amaute leh a tel dingte thumna in phawk ni.

6. NILAINI: EBC Kumsim Khawmpi Dec. 7-11 sung EBC Gospel Centenary Hall a om ding ah Rev. P. Bonny Resu, in thu gen ding a Pastor Dr. Thangminlun Mangte in Bible Study makaih ding. Khawmpi Uliante leh Khawmpi palai hong paikhawm dingte thumna in phawk ni. Zingchiang in GBC Graduation om ding thumna in phawk ni.

7. NINGANI: Grace Children Home, Kathmandu leh Khristian Mandali (Saptuam) Biakin 18 enkoltu, Pastor Kamginthang in Government leh Organization tuamtuam akipan bangmah hih buaina omlou a, lamzangtak a septouh zel theihna ding in thumpih ni.

8. SINTAWPNI: EBC Kumsim Khawmpi pailel thumna a phawk in, OTI, Hoshur a Missionary training mi 6 ten a maban uh lohching leh gahsuah sem a hon sutzop theihna ding un thumpih ni.

9. KIGINNI: Toupa’n nam makai ding hon piakte, ZRO, Zomi Council, PTC, YPA, SSPP leh khotang vaihawmte ziak a kipahthu gen in, kipumkhatna toh, kithutuaktak a hon sepkhawm theih zelna ding un thum ni.

10. NIPINI: Kum nawn Nipi Skul Zillai ding Nasepte Hilhchian bu Rev K Kamchinkhup DS in Pathian pina toh hon zohman in kipahthu gen in manphatak a i zat theihna ding un thumna in phawk ni.

11. SEPPATNI: Pathian vualzawlna i donte tungtawn a thilpiak pemite ziak in kipahthu gen ni. Huan i saptuam Office tuamtuamte Pathian in hon kepbit sak zel ziak in kipahthu gen ni.

12. SEPNAWNNI: EBCC Kalzang in Dec 13- 17 sung Pasal Camp nei ding a, Evan. Lianding Guite leh Rev. N. Pumsuanmung, Youth Co-ordinator ten thu gen ding uh, buaina omlou a Camp lohching tak a a zattheihna ding un thumpih ni.

13. NILAINI: EBC Evangelist Teacher ten Dec 13-15 sung Evangelist Teachers’ Training Dorcas Jubilee Auditorium ah om ding hi. Buaina omlou a lohching tak a zat ahihtheihna ding in a tel dingte leh sinsaktu dingte thumpih ni.

14. NINGANI: Gilead Tlang ah Evan. T. Damkhothang in Dec 15-17 sung Inkuan Camp ah thu gen ding. Hiai hun toh kituak in EBCC Lamzang in Pasal Camp nei ding a, Rev. Gin Malsawm, Director SD in thu gen ding. Atung a programte a thugentu ding leh a tel dingte thumna in phawk ni.

15. SINTAWPNI: EBCC V. Munhoih BCD in Dec 15-17 sung Annual Day zang ding ua Rev B Chinkhengoupau, C/C in thu gen ding, program lohching a hihtheihna ding in thumpih ni.

16. KIGINNI: NEBC Kathmandu Biakin Nov. 5, 2017 in Rev V Thangkhangin D/Ms leh Rev L Kham Kho Lun ten vahong uhi. Kipahthu genkawm in Saptuam piching leh gahsuah tak a hong khantouhna ding in thumpih ni.

17. NIPINI: Tuni zing leh nitak in Rev Paukhanmang Guite, Director of Ministries in EBCC Hebron ah “Khristian Ethics” sinsak ding. December 19-21 sung EBCC Pethuel BYF winter meet ah Rev N Pumsuanmung, Y/C in thu gen ding. Amaute thumna ah phawk ni.

18. SEPPATNI: December 18 & 19 in Imphal, Lamka North & Lamka South Division huam sung a om Senior Pawl Seminar, EBC Gospel Centenary Hall ah om ding. Sinsaktu dingte, Rev Paukhanmang Guite, Director of Ministries, Rev V Thangkhangin, Director of Missions, Rev N Pumsuanmung, Youth Co-ordinator, Evan. Lianding Guite, Evan. T Damkhothang leh a tel ding mite thumna ah phawk ni.

19. SEPNAWNNI: December 19 in CES Tuimajang in Silver Jubilee lopna program zang ding a, Rev S Vung Minthang GS leh Rev. Gin Malsawm, Director, SD ten uap in thugenna hun zang ding uh. December 19-21 sung EBCC Thanlon in BCD Camp nei ding a, Evan. Lianding Guite in thu gen ding thumna ah phawk ni.

20. NILAINI: Dorcas Hall, Division leh Field Office a sum saite ziak a kipahthu gen in, pilvang leh chihtakna toh hon sep zomzel theihna ding un thumpih ni.

21. NINGANI: December 22-25 sung EBCC Mission Compound, Jiribam in Christmas leh Chialpi kithuah in hun zang ding a, Evan. T Damkhothang in thu gen ding, thumna ah phawk ni.

22. SINTAWPNI: Ladies Prayer Fellowship Lamka te saina in Dec 27-30, sung Gilead Tlang ah Nungak Camp (abikin High school Student-te) om ding a Miss Liankhoman, DC leh Miss Khawlchiin in thu gen dia, Mrs. Lienkhotling in Seminar ah “Finding God’s Will” chih toh kisai sinsak ding

23. KIGINNI: December 24-27, Khristmas huam in EBCC Hiangtam Lamka in Halhthakna Chialpi nei ding ua, Rev S Vung Minthang, Genaral Secretary in thu gen ding thumna ah phawk ni.

24. NIPINI: Khristmas leh Kum thak hunte a bangmah buaina omlou a i zattheih chiatna ding uleh hiai hun poimohte tungtawn a Pathian vehna i tan theihna ding un thugentu dingte tengteng thumna in phawk ni.

25. SEPPATNI: Tuni Khristmas ni ahihtoh kiton in Pathian kiang kipahthu gen in, Saptuam chih in manpha leh lohching tak a Khasiangthou polhna toh zat ahihtheihna ding in thum ni.

26. SEPNAWNNI: Dec 27-28 in EBCC V. Munhoih BYF Winter Meet ah Rev. Pumsuanmung, Y/C in thugen ding, Dec 27-30 sung Ladies Prayer Fellowship in High School Student te adin Gilead Tlang ah Camp nei ding ua Miss Liankhoman DC in thu gen dia Muani Tombing in Seminar hun zang ding hiai programte thumpih ni.

27. NILAINI: Dec 28 - Jan 1, 2018 sung EBCC Hiangtam Lamka in Revival Crusade nei ding ua, Rev. Gin Malsawm, Director SD in thu gen ding lohchingtak a zat ahihtheihna ding in thumpih ni.

28. NINGANI: Tuni in EBCC Bungmual in BCD Annual Day zang ding a, Rev B Chinkhengoupau, C/ C in thu gen ding lohching tak a zat ahihtheihna ding in thumpih ni.

29. SINTAWPNI: Tuni in CBA Lanva BYF in seminar nei ding ua Rev N Pumsuanmung, Y/C in sinsak ding program lohching tak a azat theihna ding un thumpih ni.

30. KIGINNI: Tukum tawntung hon pi hon huai i Pa Pathian kiang kipahthu gen in, Pathian lung i tuah zohlouhnate ah thupha tawi in Ngaihdam ngen ni.

31. NIPINI: Tu 2017 kum adia ni nanung pen hon muhsak ziak in kipahthu gen in Kum thak 2018 buaina omlou a i zat theihna ding in Pathian kiang ah ngen ni. 