1.NIPINI:
January nikhat 2017 dam a hon pikaitu Pathian min phat in kipahthu gen ni. I Saptuam thupi Diktatna a Kilamthak ahih toh kiton  a diktatna a kilamthak tamsem i om theihna ding un thum ni. 2.SEPPATNI:
Zingchiang in EBC Hebron in Nupa Seminar nei ding ua, Rev Ginmalsawm, DSD leh Rev K Kamchinkhup, Imphal DS ten sinsak ding uh thumpih ni. 3.SEPNAWNNI:
EBC Kumsim khawmpi 68na Dec 8-11, 2016 sung Gospel Centenary Hall New Lamka a kizang Pathian ompihna  toh lohchingtak  in kizou a kipahthu gen ni. Khawmpi thupuknate Pathian deihna bang a sepsuah ahihtheihna ding in GS leh a seppihte a di’n  thum ni. 4.NILAINI:
I Saptuam Head Office Dorcas  Hall  December  22,  2016  a khawl zingchiang January 5 in lutnawn ding uh, hun paisa a Pathian in a ompih bang a tukum aleng Pathian in a ompih ding ngen in thumsak ni. 5.NINGANI:
Kum thak ahih dungzui a i saptuam a semtute suankual (transfer  &  posting)  a  omte amau  mun ding chiat a buaina omlou a kithalawp tak a a paitheih chiatna ding un thumpih ni. 6. SINTAWPNI:
Manipur Mission Field a Toubul Local Chairman in  Dec 19, 2016 a thupina gam hon na zotsan hi. A sulnung ah a khomiten Saptuamte tawp dia noh in vauna a na bawlsek ziak un a kemtu Pastor Deben Singh leh a kep Saptuamte thumpih ni. 7. KIGINNI:
January apan November 2017tan OTIHoshurahiMissionaryte mi 4 Evan Sangbiakmawi - Nepal, Evan Thangbiaksuan - Dhemaji, Evan L Pauchinlal – Karbi Anglong leh Evan Kh. Binoy Singh – Manipur Field ten training nei ding uh lohching leh phatuam ahong hihtheihna ding un thumna in phawk ni. 8.NIPINI:
Mission Field a School a semte leh Mission field mun tuamtuam a semte  kisuankualna  ziak a buaina omlou leh lamzang tak a septheih zelna  ding  un  thumpih  ni. Nepal Mission Field etkolna nuai ah Field Extension Sikkim  a  neih  dia panlak ahihman in Field thak dia cheitheih ahihna di’n thum   ni. 9. SEPPATNI:
OMF toh Partnership a sepkhawmna ding a kihouna pailel amau tungtawn a gamdang a mission nasepna (Foreign Mission) neih ahih theihna ding in thum ni. 10.SEPNAWNNI:
Maukot Christian Fellowshipte saina in Jan 11-15, sung Maukot kho pumpi Crusade om ding Evan T Damkhothang in thu gen ding program lohching leh gahsuah ahih theihna ding in thumpih ni. 11. NILAINI:
India Government in sum ahon sihsak ziak in thil tamtak nawngkai hi. Tukum thak a thawveng tak a i sepnalam chiat ua i sep theihna ding in thum ni. 12. NINGANI:
BYF Golden Jubilee Youth Counselling Central tungtawn a khalam a liam leh bai a omte’n Jesu Khrist tungtawn a damna a ngah theihna ding un hiai nasepna thumna in phawk zel ni. 13. SINTAWPNI:
MLA election hun a bangmah buaina omlou a siangthou leh dembei a i hihtheih chiatna ding leh i lak a vaihawmtu dia Pathian seh mi i telkhiak theihna ding un thum  ni. 14. KIGINNI:
Zingchiang Nipini Skul patni a bangmah buaina omlou a khochih in Nipini Skul i pattheih chiatna ding un thum ni. 15.NIPINI:
Nipini Skul Sinlaibute hilhchianna hoih taktak hon gelhsaktu ding Pathian in hon piak zel ziak in kipahthu gen ni. Huan Nipini Sikul a hon sinsaktu te ziak in kipahthu gen in sintu tengteng in phattuamna i neih theihna ding in thum ni. 16. SEPPATNI:
February kha bul in School naupangte lutnawnta ding uh, buaina omlou a Pathian ompihna toh sintu naupangte leh sinsaktu heutute damtak a a kaitheih nawnna ding un thum ni. 17. SEPNAWNNI:
Thanlon Division BCD in Jan 18-20 sung Intensive Sunday School Teachers Training EBCC Thanlon ah nei ding ua Mr Lianding Guite C/C in sinsak ding; buaina omlou a a zat theihna ding un thumpih ni. 18. NILAINI:
EBCC Pethuel in Jan 18-22 sung Nupa Camp  nei  ding ua Evan T Damkhothang in thu gen ding program lohching leh gahsuah ahihtheihna ding in thumpih ni. 19. NINGANI:
Laisiangthou sin a mun tuamtuam a omten a sinnate uh hoihtak a a sutzop theihna ding un salam leh khalam a poimoh uh piak a hihtheih zelna ding in thum pih ni. 20. SINTAWPNI:
Rev M Khamkhanchin in Doctor of Missiology India Graduation School of Missiology a a zilna March 2017  a zou ding buaina omlou a hon zohsiang theihna ding in thumpih ni. 21. KIGINNI:
Tulai Government paidan  a sum-le-pai saina a dan  tuamtuam omte  ziak  a  buaina  bangmah  omlou a i Saptuam Hqtrs Dorcas Hall a sumsaite’n fel leh lamzang tak a hon sepkhiak theih zelna ding un thumpih ni. 22. Nipini:
December 2016, Kumsim  Khawmpi  68na  a  Pastor leh Upa Ordain a omten amau omna mun chiat a Pathian ompihna toh Saptuamte adia manpha tak a akizat theih chiatna ding un thumpih   ni. 23. SEPPATNI:
EBCC Mimbung in Jan 25-27, 2017 sung Leadership Seminar nei ding ua Rev S Vung Minthang, G/S in sinsak ding, lohching leh gahsuah tak a zat ahihtheihna ding un thum  ni. 24. SEPNAWNNI:
EBCC Pearsonmun in Numei Hotdamna  Camp  nei  ding ua Evan T Damkhothang in thugen ding gahsuah leh lohching ahihtheihna ding in thumpih ni. 25. NILAINI:
Zingchiang Jan 26 in Imphal Division BCD in Joint Fellowship nei ding ua Mr Lianding Guite C/C in sinsak ding lohching leh gahsuah ahihtheihna ding in thumpih ni. 26. NINGANI:
Karbi Anglong Mission Field saina in tuni 26 - 29 tan “Worker’s Couple Renewal Retreat” EBCC Dimapur ah om ding a Rev  N  Pumsuanmung,  Y/C  leh  Upa TKhupzatun ten thug en ding uh, thumpih ni. 27.SINTAWPNI:
EBCC Kolkata in Jan.28 & 29 in Foundation Day zang ding ua Rev Ginmalsawm Director Social Development in  thu  gen ding program lohching leh gahsuah ahihtheihna ding in thum ni. 28. KIGINNI:
Semtu tuamtuam gamla leh nai a omte’n amau omna mun chiat a Pathian ompihna toh manpha leh gahsuah taka a septheih zelna ding uleh a omna saptuamte’n leng zatdan a na siam theihna ding un thumpih ni. 29. NIPIPNI:
Pathian in Nipini skul Piching leh Naupang lam sinsaktu ding hon piakte ziak in  kipahthu  gen in, amauten Nipini skul hon sinsaknate uh tungtawn a Khalam khanna i neih theih zel nading un thumpih ni. 30. SEPPATNI:
Singtang lam a i louma ding vaisai nawn ngai panta ahihman in Pathian lemgeel pih louma i neih a buaina bangmah omlou leh lamzang tak a hih ahihtheihna ding in thumna in phawk ni. 31. SEPNAWNNI:
Tukum ading a khamasa a nitawpni tan damtak a pikai a i om man un kipahthu gen ni. Pathian in February kha leng damtak a hon makaihna ngen in thum ni. v