1. SINTAWPNI: Toupan khathak hon musak nawn a kipahthu gen ni. Sept 1- 3 sung chialpi nei ding leh thu gen dingte EBCC Kanan ah Rev. N. Pumsuanmung, Y/C, Evan. T. Damkhothang leh Evan. Lianding Guite EBCC Bungpilawn ah, Rev. Gin Malsawm, Director, SD EBCC College veng ah, amaute leh a tel ding Samptuam mipite thumpih ni.

2. KIGINNI: EBC Missionary 6te OTI, Hoshur, Tamil Nadu a Training lelte ading in thum ni. OMF (Int.), IEM, FMPB, SIM, leh NECTAR toh partnership a sepkhawmna hoihzel, kipahthu gen ni.

3. NIPINI: I Saptuam School-te’n Pre-semester Examination-II, tukha ni khat in zouta uh, kipahthu gen in, naupangte leh sinsaktute thumpih ni. September 5 “Teachers Day” ahih ding toh kiton in, teacherte ziak a kipahthu gen in, sinsaktu lohching ahih zelna ding un thumpih ni.

4. SEPPATNI: Grace BIBLE College ziak in Pathian kiang ah kipahthu gen ni. Kumdang teng sang a tamzaw sintu ding Toupa’n honpiak ziak a kipahthu gen in, sinsaktute thumpih ni.

5. SEPNAWNNI: Sept 7-10 sung Dorka Khawmpilian 41na zang ding a hong kuan panpan ta uh, lamkal a haksatna leh buaina tuak lou a lamzang leh damtak a hong tun theih chiatna ding uleh damtak a amau inn a tunkik theih chiatna ding un thumpih ni.

6. NILAINI: Sept 7 - 8 sung CES Tuima in Evangelistic Week zang ding ua, Rev. B. Chinkhengoupau, C/C in thu gen ding, Sept 7-10 sung Evan. Lianding Guite in Leimakhong EOC chialpina ah thu gen ding, hiai programte buaina omlou a zat ahih theihna din thumpih ni.

7. NINGANI: Sept 7-10 sung Dorcas Khawmpi lian-41na Gospel Centenary Hall a om ding tuzan in kipan dia Rev Paukhanmang Guite, Director Mn in khawmpi honna nei ding, Dr Niangsangching in amah Seminar thupi pansan in sinsakna pan ding. Zingchiang zingkal in Rev K Sureh Singh in Bible study hun zang ding amaute thumpih ni.

8. SINTAWPNI: Dorka khawmpi ah tuni sunnung in Palai paikhawmte CDSC leh Adviser Rev Paukhanmang Guite makaih in kithuahkhawmna leh vaihawmna nei ding uh. Zinglam Seminar hun ah Lily Tombing in sinsak dia nitak in Miss Muani Tombing in sinsak ding hiai programte thumpih ni.

9. KIGINNI: Dorka Khawmpilian ah tunitak akipan zingchiang nitak tan heutupa Rev. S. Vung Minthang, GS in thu gen dia, Seminar hunte ah Nu Vungkhawlching, Nu Lalhlimpui leh Nu Manzavung Thomte-te’n sinsak ding uh, amaute thumpih ni.

10. NIPINI: I sik-le-tang a vaihawm dia Pathian hon piak, MLA leh MDC-te ziak a kipahthu gen in, a dik leh tang a, Pathian deihdan a vai a hawm theih zelna ding un thumpih ni. I saptuam a sum saite Tualsung, Division, Field Office-te leh Headquarters a sumsaite ziak a kipahthu gen in, Pathian ompihna toh, pilvangtak a hon sai theih zelna ding un thumpih ni.

11. SEPPATNI: Sept 1- 15 sung EBCC Suangdai ah Evan. T. Damkhothang in Second Coming chialpi nei ding. Sept 11-13 sung EBCC Pethuel Upa Bial chialpi ah Rev. N. Pumsuanmung, Y/C in thu gen ding, amaute thumpih ni.

12. SEPNAWNNI: Sept 12 -14 sung EBCC Aizawl in Silver Jubilee lopna neiding ua, Rev. V.Thangkhangin, Director of Missions in thu gen ding, program lohching tak a zat theihna ding un thumpih ni.

13.NILAINI: IEM toh i sepkhawmna ah, Rev. S. Zamzakap leh a zi Mrs Haukhanniang-te’n Doimukh, Arunachal Pradesh pansan in semzom theizel ua, Mission Awareness Program, VBS program leh Jeevan Jyoti Girls Hostel a chialpi programte lohchingtak in neithei uh, kipahthu gen in, thumpih zom zel ni.

14. NINGANI: Tunitak in BYF Dorcas Veng Biakna kikhop ah Evan. Lianding Guite in Praise & Worship makaih in sinsak ding, thumpih ni. EBC Mission field tuamtuam a Baptisma tang leh gingthak kibehlapzelte ziak a kipahthu gen in, khalam a hong pichin theihna ding un thumpih ni.

15. SINTAWPNI: Sept 15-17 sung Lamka South Division Missions Khawmpi, EBCC Zion ah om ding a, Rev. S. Vung Minthang GS in thu gen ding amah leh hiai hun a vaisaite leh a tel dingte thumna ah phawk ni.

16. KIGINNI: Sept 16- 17 sung Rev. Gin Malsawm, Director, SD in EBCC Mawnglian ah Second Coming Chialpi nei ding. Hiai hunsung mah in Rev. Paukhanmang Guite, Director of Ministries in EBCC Central Lamka ah Inkuan chialpi leh seminar nei ding, amaute thumpih ni.

17. NIPINI: Toupa’n heutu honpiakte, General Secretary, Directorte, DSte leh FSte ziak a kipahthu gen in, amauten Pathian deihna bang a hon makaih zel theihna ding un thumpih ni.

18. SEPPATNI: Sept 19 – 20 sung EBCC Guwahati BCD Camp ah Rev. B. Chinkhengoupau, C/C in thu gen ding, a tel dingte leh thugentu ding thumna ah phawk ni.

19. SEPNAWNNI: Sept 19-22 sung EBCC Hebron Upa Bial chialpi ah Rev. N.Pumsuanmung in thu gen ding. Sept 21-23 sung Manipur Mission Field Dorka Khawmpi Thamnapokpi ah om ding a Miss Liankhoman D/C in thu gen ding, hiai programte lohching tak a zat ahih theihna ding in thumpih ni.

20. NILAINI: Sept 21- 24 sung Mizoram Division Tuailai Missions Khawmpi, EBCC Kawlbem ah om ding a, Rev. S.Vung Minthang, GS in thu gen ding. Hiai hun toh kituak mah in EBCC Karbi Anglong in Bial Khawmpi EBCC Dimapur ah neiding, thumna ah phawk ni.

21. NINGANI: Sept 21- 24 sung EBCC Mata in Camp nei ding ua Evan. Lianding Guite leh Evan. T. Damkhothang in thu gen ding. Huan Sept 21 – 28 sung OMF New Horizon meeting, Chiangmai, Thailand a om ding ah Rev. V.Thangkhangin, D/Ms leh Rev. L.Khaikhansong, DS Thanlonte hoh ding uh thumpih ni.

22. SINTAWPNI: Sept 23 - 24 sung EBCC Chennai in Praise & Worship tualsung khawmpi nei ding ua, Pastor Dr Thangminlun Mangte in thu gen ding hiai programte loh ching leh gahsuah ahih theihna ding in a kizang ding leh telkha ding mite thumpih ni.

23. KIGINNI: Sept 22-25 sung EBCC Guwahati ah Rev. Paukhanmang Guite, Director of Ministries in Doctrine sinsak ding, saptuam mipiten i doctrine theisiam a i pom sem theihna ding in hiai program a sinsaktu ding leh a tel dingte thumpih ni.

24. NIPINI: Sept 24 – 30 sung APBF Congress, Yogyakarta, Indonesia ah khawmpi zang ding in EBC akipan Rev. Gin Malsawm, Director, SD, Rev. V. Nenglian, DS Lamka South, Rev. N. Pumsuanmung,Y/C leh Central Choir member 4 hoh ding uh, thumna ah phawk ni.

25. SEPPATNI: Government office tuamtuam leh i Saptuam office tuamtuam a seem tute, Clerical Staff-te, Grade-IV-te leh Driver-te ziak a kipahthu gen in, Pathian ompihna leh makaihna ngen in thumsak ni.

26. SEPNAWNNI: Sept 26-30 sung EBCC Shillong pasal Camp om ding ah, Evan. T. Damkhothang in thu gen ding, program lohching tak a zat ahih theihna ding in thumpih ni.

27. NILAINI: Sept 27 – 29 sung EBCC Paite veng in Hotdamna chialpi nei ding a, Evan. Lianding Guite in thu gen ding, thumpih ni.

28. NINGANI: Sept 29 – Oct. 01 sung EBC Thanlon Division Khawmpi & Discipleship seminar om ding a, Rev. Paukhanmang Guite, Director of Ministries in thu gen in sinsak ding. Thumna ah phawk ni.

29. SINTAWPNI: I Saptuam a sem, Co-ordinatorte leh Evangelist-te, bial nei pastorte leh local Pastor te ziak in kipahthu gen in, Pathian ompihna leh hih haat seemna ngetsak ni. Maban a Mission Khawmpi om ding thumna in phawk zel ni.

30. KIGINNI: September khatawp dam a hon muhsak ziak in Pathian kiang kipahthu gen in, I nam Makai, ZRO, PTC, YPA leh SSPP-te’n Pathian laukawm a, mipite hon makaih theih zelna ding un thumpih ni.