1. KIGINNI: Kha thak dam a hon muhsak ziak in kipahthu gen ni. EBCC Tuimajang BYF Camp zingchiang in zou ding uh; thugente Mr. Khenthang Buansing leh Evan. T. Damkhothang te thumpih ni. Evan. T Damkhothang a pa Upa Dongkhanpau December 24, 2016 a BP Stroke a puk tunitan dam siang thei nailou hong damsiang pah theihna ding in thumpih ni.

2. NIPINI: Rev. Dr. Gin Neithang May 30 in sinkha a suang operation kibawl hoihtou zel, Upa L. Vungzamuan leng hoihtou zel kipahthu gen in amauten a sepna mabante hon sutzom pah theihna ding un thumpih ni. Hiai hunsung mah in Miss Liankhoman D/C in Imphal Division Inkuan-kiim camp nei ding, thumpih ni.

3. SEPPATNI: July 4-8 sung EBCC Bungmual BYF Camp, GBC Campus ah om ding a Evan. T. Damkhothang in thu gen ding, thumpih ni. EBC School Ministries a project tuamtuam a pang ding kibehlap zel, kipahthu gen in, thum zom zel ni.

4. SEPNAWNNI: July 5-7 sung EBCC Pearsonmun BCD in chialpi nei ding a Evan. Lianding Guite in thu gen ding, July 6 in Miss Liankhoman, D/C in Hiangtam Lamka BYF kikhop ah thu gen ding, amaute thumpih ni.

5. NILAINI: Tukum Class X & XII exam a lohchingte ziak in kipahthu gen ni. July 6-8 sung, LS/Division in Evan. Teacher Training nei ding uh. G/S, D/Ms, D/DSD, DS/LSD, Upa Dr. N Lalzagou, Upa K Vungzamawi, Mr. Vungzamuan Valte leh Mr. Tungindam-ten sinsak ding uh, thumna in phawk ni.

6. NINGANI: July 7-10 sung Rev. Paukhanmang Guite, D/Mn in EBCC Kolkata ah Doctrine sinsak ding a July 7 in Miss Liankhoman D/C in EBCC G Mualkawi Dorka Pawl lak ah hun zang ding, amaute thumna in phawk ni. Convention English School-te July 10 in lutnawn ding uh, naupangte leh sinsaktute thumpih ni.

7. SINTAWPNI: Rev. N. Pumsuanmung, Y/C in July 7-8 in Imphal Division ah Inkuan-kiim camp nei ding a, July 7-9 sung EBCC Aizawl in Tualsung Missions khawmpi nei ding ua Upa T. Paukhansiam, Missions Co-ordinator in thu gen ding, thumpih ni.

8. KIGINNI: Tuni in BDF Hiangtam Lamka Fellowship om ding a, Evan. Lianding Guite in makaih ding. July 8-9 sung Imphal Division a mun tuamtuam ah Inkuan-kiim camp om ding a Miss Liankhoman, D/C, Miss Dimzangai leh nu Niankhoching-ten thu gen ding, thumpih ni.

9. NIPINI: Zoudawn a siamsin naupangte awlmohna ziak a panla tute; DORCED Project tungtawn a huhna pete, Project Nehemiah Delhi BYF, Daniel Scholarship Bangalore BYF, Project Joseph Kolkata BYF leh Mission Worker Tour EBCC Central Delhi BYF te ziak in kipahthu gen in amaute thumpih zel ni.

10. SEPPATNI: July 10-16 sung Imphal Division Inkuan-kiim camp ah Evan. Lianding Guite leh midang bangzah hiam in thu gen ding, program gahsuah a hih theihna ding in thumpih ni.

11. SEPNAWNNI: July 11-14 sung Vangai Division Dorcas Camp omding a, Pastor Thangbiaksang, Pastor B. Kamkhansawm leh Miss Liankhoman, D/C ten hun zang ding. Amaute leh camper dingte thumpih ni.

12. NILAINI: July 12-14 sung Lead Like Jesus Seminar Breakthrough Indiate saina in neih hi ding a, Lamka North leh Lamka South Division huam a Pastorte kihel ding uh, thumna ah phawk ni.

13. NINGANI: IEM Missionary training centre OTI a training a kuante; Evan. Sangbiakmawi, Nepal ah, Dhemaji apante Evan. Thangbiaksuan, Evan. Kaplun Paite, Evan. Nianghoihkim, Karbi Anglong apan Evan. L. Pauchinlal leh Evan. Kh. Binoy Sing, Manipur field, amaute thumpih ni.

14. SINTAWPNI: July 14-15 sung Rev. N. Pumsuanmung, Y/C in Imphal Division ah Inkuan-kiim camp nei ding a, July 14-16 sung Evan. T. Damkhothang in NLBC ah Papila leh Nupila chialpina ah thu gen ding amaute thumpih ni.

15. KIGINNI: July 15-16 sung EBCC Bethlehem ah Second Coming Chialpina om ding. Rev. Gin Malsawm, Director, SD in thu gen ding, amah leh a tel ding Saptuamte thumpih ni.

16. NIPINI: Mr. Thangbiaklal Valte, Bethel Baptist Church, Lailam Veng a om in Philippines Baptist Theological Seminary (PBTS) ah Master of Church Music (MCM) sin ding in June kha bul in kuankhia hi, lohching leh gahsuah ngei ding a hon ziltheihna ding in thumpih ni.

17. SEPPATNI: Nepal Mission Field nuai a omte’n Buttabari ah Siliguri a eimi omte toh “EIMI FELLOWSHIP” min in Biakna neithei zel uh, kipahthu gen kawm in amaute thumpih zel ni.

18. SEPNAWNNI: July 19-22 sung Singngat Division huam a Evan. Teacher-ten Tuimajang ah Training nei ding ua, Rev. Gin Malsawm, Director, SD, Mr. T. Tungindam, Mr Vungzamuan Valte leh Rev G. Kamzamuan, DS Singngat te’n sinsak ding uh, thumpih ni.

19. NILAINI: July kal nanung lam in EBC Mission Strategy Assessment CMSC in sai ding, thumpih ni.

20. NINGANI: Tunitak BYF Biakna kikhop, EBCC Hebron ah Evan. Lianding Guite in thu gen ding a, July 21-26 sung EBCC Bangalore ah Rev. Paukhanmang Guite, Director of Ministries in Doctrine sinsak ding, amaute thumpih ni.

21. SINTAWPNI: July 21-23 sung BDF makaih in EBCC Bungmual in chialpi nei ding a, Rev. N. Pumsuanmung, Y/C in thu gen ding, hiai hunsung mah in Imphal Division Inkuan-kiim Camp ah Evan. T. Damkhothang in thu gen ding, thumpih ni.

22. KIGINNI: July 22-23 sung EBCC Lamphelpat in nungzuihna chialpi nei ding a, Evan. Lianding Guite in thu gen ding. Hiai hunsung mah in Imphal Division Inkuan-kiim Camp ah Miss Liankhoman, D/C in thu gen ding, thumpih ni.

23. NIPINI: Ei Zomite lak ah Pathian in Sepaih Saplian (Officer) tuamtuam hon piakte ziak in kipahthu gen in, amaute sa-le-gal lak a om gamnuai mite khutlum (ambush) thuak kha theite a hih man un thumpih zel ni.

24. SEPPATNI: Manipur Government vaipotu Minister leh MLA, MDC leh District a mohpuakna tuamtuam lente’n i gam leh a sung a teng mite adia poimoh leh phatuam na hon sepkhiak theih zelna ding un thumpih ni.

25. SEPNAWNNI: Suanlian Tonsing Ph.D sin a Germany a om in, Great Britain a Regiment’s Park College, Oxford University ah Pastoral Course kum 2 sin toh thuah sawm in panla lel, thumpih ni.

26. NILAINI: Buaina leh haksatna i tuah hun ua vanzat poimoh leh phatuam mahmah philanthropic tuamtuamte ziak in kipahthu gen in, amaute buaina tuntu hilou a buaina om hun a vanzat phatuam leh manpha a hihtheihna ding ua heutu leh mahni sang a upa zawte zahdan siam kawmtak a pan hon lak theih zelna ding un thumpih ni.

27. NINGANI: July 27-28 sung Guwahati ah NEICORD Board meeting om ding ah Miss Liankhoman, Dorcas Co-ordinator va kihel ding, thumna ah phawk ni.

28. SINTAWPNI: July 29-30 sung Rev. N. Pumsuanmung, Y/C leh Evan. T. Damkhothang ten Imphal Division ah Inkuan-kiim Camp nei ding ua, hiai hunsung mah in Evan. Lianding Guite in EBCC Langol Hotdamna chialpi ah thu gen ding, amaute thumpih ni.

29. KIGINNI: Sunday School Piching leh Naupang lam a i sinlaite uh, Kha mangthangte adia hotdamna ngahna a hihtheihna ding leh bah leh nguite adia halhthakna tuntu a hih theihna ding un Sunday School sinsaktute thumpih ni.

30. NIPINI: I gam sung a Pathian Kha siangthou nasep hong tun a halhthakna diktak hong tun theihna ding in thum ni.

31. SEPPATNI: Kha tawp dam a hon muhsak nawn ziak in kipahthu gen ni. I Saptuam mun bangzah hiamte a Biakin kilamthakte ziak in kipahthu gen ni. 