1. SEPPATNI: April kha hon zangzousak a, May kha hon muhsak nawn ziak in Pathian tung ah kipahthu gen ni. Kum 2016 -2017 April sung adia Budget kiguang Missions leh General Account tungtawn a Budget kheng a Toupa vualzawlna i tan man in kipahthu gen ni. Thilpiak petute Toupa vualzawlna tamsem ngetsak ni.

2. SEPNAWNNI: May 6 in Pastor Tunson bial 3te (Bethel, Tuithapi leh Saikul) ten Mission Khawmpi EBCC Saikul ah neikhawm ding ua Rev Paukhanlian DS, LND in thu gen ding thumpih ni. Headquarters leh Division Office-te Pathian in hon kepbitsak ziak in kipahthu gen ni. Singtang, phaizang leh khopi Saptuam a Pathian gam nasepna dia thilpiak pe mite ziak in kipahthu gen ni.

3. NILAINI: May 5-8 sung EBCC Aizawl veh kawm in Dinthar Child Dev Comt. vai toh kisai in Rev. Gin Malsawm, DSD leh Mr Singnunsiam in hun zang ding uh. Evan. Lianding Guite in May 6 & 7 sung Imphal Area, EOC Sunday School Teachers’ training neihpih ding, hiai program-te thumpih ni.

4. NINGANI: EBCC Kolkata Dorka Pawl May 6 in Miss Liankhoman DC toh Fellowship nei ding uh. Rev. N. Thawndoulian, DS Mizoram in EBCC Palkhuang ah Missionary Day zang ding, hiai program-te thumna in phawk ni.

5. SINTAWPNI: May 6 -7, Missionary Day in Rev. V. Thangkhangin, D/Ms in EBCC G. Mualkoi ah zang dia, Rev. Paukhanmang Guite, Director of Ministries in EBCC, Zion ah, Rev. S. Vung Minthang, GS in EBCC, Paite Veng ah Golden Jubilee lopna toh thuah ding, hiai program-te thumna in phawk ni.

6. KIGINNI: Missionary Day in Evan. T. Damkhothang in EBCC Singngat, Rev. N. Pumsuanmung Y/C in EBCC Hiangtam Lamka, Upa T. Paukhansiam, M/C in Bethel Baptist Church, Lailam Veng ah, Miss Liankhoman, D/C in EBCC Kolkata ah, hiai program-te thumna in phawk ni.

7. NIPINI: Tuni i gam a Gospel honglutna ni champha Missionary Day Saptuam tuamtuam bangzah hiamten zang ding uh, program Lohching leh manphatak a zat ahihtheihna ding in thu gentu ding tuamtuamte thumna in phawk ni. Beth Haran Hostel kipanta, naupangte leh a enkoltu Zakam, annhuantu Chinpute thumpih ni.

8. SEPPATNI: Unaupa Mungbawi Neihguk America Zomite lak a mun tuamtuam a phatna Lasa leh Pathian Thugen a kha guk a va om nung in damtak in Inn hongtung nawnta. Muanthang leh a teamten khalui in Mizoram Division ah hun zang uh. Kipahthu gen in thumpih zel ni.

9. SEPNAWNNI: Tuni in (L) Evan. Nemzamawi, hansuang honna om ding a Rev. V. Thangkhangin, D/Ms in hansuang honna leh thu genna hun zang ding. May 9-14, 2017 sung EBCC Zion ah Nute Ni leh chialpi kithuah in Evan. Lianding Guite in thu gen ding. Hiai program-te thumna in phawk ni.

10. NILAINI: May 12-14 sung EBCC Mata in Dorcas Day zang ding ua Evan. T. Damkhothang in thu gen ding. Hiai hun mah in EBCC Dorcas Veng ah Rev. V. Nenglian, DS/LS in thu gen ding a, Rev. N. Pumsuanmung Y/C in EBCC Vengnuam ah thu gen ding, hiai program-te thumpih ni.

11. NINGANI: May 13 in Lamka North Division in Discipleship Seminar neiding ua, Rev. Paukhanmang Guite, Director Mn in sinsak ding. LSD BYF in May 13 in EBCC Mata ah Leadership Seminar nei ding ua Rev Gin Malsawm, Director SD in sinsak ding, heutute leh a tel dingte thumpih ni.

12. SINTAWPNI: Dorcas Day May 14 sung EBCC Hiangtam Lamka ah Miss Liankhoman, D/C in zang ding, Miss Dimzangai in EBCC Mualkawi ah, Miss Dr. Niangsangching in EBCC Lamphel ah, Miss Muani in EBCC College Veng ah zang ding, hiai program-te thumpih ni.

13. KIGINNI: May 14 zingchiang in EBC Saptuam pumpi in Dorcas Day leh Nute Nipini kizang ding hi. Hiai ni a thu gen dingte’n Pathian Khasiangthou kithuahpihna toh Omdan leh Khrist Tanchin hoih kituaksak a Khrist Meelsun Nu taktak hihtheihna ding thumanpha hon genkhiak theihna ding un thumpih ni.

14. NIPINI: Damlou ki-enkol lel, Rev. Dr. S. Langzakham in hoihlam manoh zel, Pastor T. Vungkhansuan treatment niteng a nei gige, Pastor K Vumzathang leng hoihtouh zel, amauten treatment latou zel uh a hong damsiang pah theihna ding un thumpih ni.

15. SEPPATNI: May 15-22 sung Nepal Mission Field in Solfa training leh Choir practice nei ding ua, Mr. N. Ginzakham leh Evan. Ginzalun-ten sinsak ding uh, sintute’n lohching leh phattuampih ahihtheihna ding un sinsaktu leh a sin dingte thumpih ni.

16. SEPNAWNNI: Mission Field 4 i neihte ah project gol taktak – Evan. gelistic Camp, Training, Biakin leh Staff quarters bawlna chihte omvek a tuate lohching tak a sepsuah ahihvek theihna ding in thumna in phawk ni. LRRC nasepna lamzangtak in paitheizel a, kipahthu gen in, a sung a semtute leh hiai nasepna hamphatpihte thumpih ni.

17. NILAINI: EBCC D. Phailian in May 18-21, 2017 sung chialpi neiding ua, Evan. T. Damkhothang in thu gen ding, daltu bangmah omlou a program lohching leh gahsuahtak a a zattheihna ding un thumpih ni.

18. NINGANI: May 19 - 21, sung EBCC Kawlbem ah Mizoram Division Evan. Teachers Training omding a, Upa T. Benjamin, Upa T. Chinsuanthang, Rev. N. Thawndoulian, DS/Mzr leh Rev. Gin Malsawm, DSD ten sinsak ding uh amaute leh atelding mite thumpih ni.

19. SINTAWPNI: May 20-21 sung, EBCC Singngat ah Singngat Division Discipleship Seminar om ding. Rev. Paukhanmang Guite, D/Mn leh Rev. V. Thangkhangin, D/Ms ten sinsak ding uh, thumna ah phawk ni.

20. KIGINNI: Mission nasepna a Partnership a i seppihte; IEM, FMPB, SIM, TBCA leh OMF toh lamzang tak a sepkhawmzel ahihtheihna ding in thumna in phawkzel ni. May 21 in NLBC EBCC, ah Evan. Lianding Guite in “Christian Ethics” sinsak ding, thumpih ni.

21. NIPINI: New Lamka a Gouchinkhup veng a Biakin tuamtuam 7te kigawm in numei pawlte saina in May 22 - 25, sung CYA Hall ah halhna khawmpi nei ding uh. Hiai hun ah Nu Dainem in “Toupa hon hihhalh thak nawn in” chih thupi a nei in thu gen ding, amah leh a tel ding mipite thumpih ni.

22. SEPPATNI: May 23, zingchiang in Pastor Kamginthangten Nepal a Pathian gam Nna a sepna uh kum 25 chintak toh kiton in Chaku, Nepal ah Pathian tung a kipahthu genna program zang ding uh lohchingtak a a zattheihna ding un kipahthu gen kawm in thumpih ni.

23. SEPNAWNNI: EBC in music instructor a neihte ziak a kipahthu gen in, Pathian nasepna a muanhuaitak a hon sepzom theih zelna ding un thumpih ni.

24. NILAINI: May 25-28, sung EBCC Behiang T in chialpi nei ding a, Evan. T. Damkhothang leh Evan. Lianding Guite in thu gen ding, amau leh a khomite thumpih ni.

25. NINGANI: FMPB tungtawn a Missionary Miss Donzachin akipan in Pathian nasep thupi taktakte report kimuzel hi. Chidamna hoihtak toh hon sepzom theih zelna ding in thumpih ni.

26. SINTAWPNI: May 26-28 sung, EBCC Hiangmun ah Mizoram Division Dorka khawmpi om ding. Rev. N Thawndoulian, DS in thu gen ding a, Pastor Thangbiakmuang Guite in Devotion makaih ding, thumpih ni.

27. KIGINNI: School tungtawn a nasepna in masawnzel a, kipahthu gen in, School a semtute leh sintu naupangte ban ah Local School Committee leh Central School Sub Committee memberte thumpih ni.

28. NIPINI: FMPB toh i sepkhawmna in masawn zel a, missionary Shyamala Mathew, Firozabad, UP in khamangthang manzel ahi chih report kimu. Gingthakte thumpih in, tukum ading a amah target Khamangthang 150 mat ding chih ahi thumna in panpih ni.

29. SEPPATNI: September 7-10 sung Dorka Khawmpilian 41 na Gospel Centenary Hall ah om ding a, hiai hun in thupi tuamtuam pansan in kisinsakna om ding a, Rev S Vung Minthang G/S in thutak genna hun zang ding. Program buaina omlou a zat ahihtheihna ding in thumna in phawk ni.

30. SEPNAWNNI: Tulai in India leh khovel mun tuamtuam ah Khristiante soisakna uang deuhdeuh ahihman in hiaite tung a thuneitu Pathian kiang naksem in thumna in panla ni.

31. NILAINI: May khatawp tan hon pitung i biak Pathian kiang ah kipahthu gen ni. Khathak a i program-te damtak a i zat chiat theihna ding un thumna in phawk ni. 