Thumna Makai | KTZ

    KTZ
    Thumna Makai

    April 2017

    1. KIGINNI: April kha dam a hon muhsak ziak in kipahthu gen ni. Gundung Pastor bial chialpi Khuangkhai ah zan a kipan April 2 tan daih ding; Miss Dimzangai, Nu Thualkhoching leh Liankhoman D/C ten thu gen uh thumpih ni. Tuni April 1 & 2 in Pearsonmun in Papila Fellowship nei ua Evan. T. Damkhothang in thu gen hi. Rev Dr Pum Za Thang Tombing leh a zi, Evangelical Baptist Conference Khawmpi 42na Kapteel, Tedim District Myanmar ah March 31 apan April 2 sung thu gen in hoh uhi. Hiai program-te gahsuah tak a zat ahihna din thumpih ni.

    2. NIPINI: April 1-3 sung, EBCC Mimbung ah Mizoram Division Pastorte, Upate leh Departmental Committee ten Discipleship Seminar nei ding ua Rev. Paukhanmang Guite, D/Mn in sinsak ding. Hiai hun sung in Rev. B. Chinkhengoupau C/C in DBCD Committee-te consultative meeting neihpih ding,

    3. SEPPATNI: April 3-7, 2017 sung Convention English School ten Pre-semester Examination -I nei ding uh, thumpih ni. MLA election lohchingtak a zoh ahihziak leh Toupa’n makai ding a hon piakthak MLA te ziak in kipahthu gen in, lamzangtak a na hon sep theihna ding un thumpih ni.

    4. SEPNAWNNI: Pathian gam nasepna ding a thilpiak pemite ziak in kipahthu gen ni. Kumsim Khawmpi in budget thak a guante muhsuah ahihna ding in thum ni. Field a semtu Cross-Cultural Missionary-te leh Native Workerten Jesu Khrist min hon tawisang gigena ding un thumpih ni.

    5. NILAINI: April 6-9 sung, Evan- Teachers Training Thanlon Division in Sinzawl ah nei ding ua, resourse person in Rev.Ginmalsawm, Director, SD leh Rev. L. Khaikhansong, DS Thanlon leh T Tungindam te pang ding uh thumpih ni.

    6. NINGANI: April 7 - 9 sung, Mission Field Office a semten Account Training EBCC Dimapur ah nei ding uh. Hiai hun in Mr. Singnunsiam Dorcas Hall a Account Section a sem in sinsak ding, Director of Missions leh Missions Co-ordinator inleng uap ding uh. Hiai hunsung mah in EBCC Kohima in chialpi nei ding a, Evan.T. Damkhothang in thu gen ding, thumpih ni.

    7. SINTAWPNI: Imphal Division Dorka Pawl in zingchiang April 7 in Dorcas Leaders Seminar EBCC Tribal Colony ah nei ding ua Miss Liankhoman D/C in sinsak ding thumpih ni. Rev. N. Pumsuanmung, Y/C in April kha sung in Singngat, Mizoram leh Thanlon Division a DBYF Committee-te Consultative meeting neihpih ding, thumna in phawk ni.

    8. KIGINNI: Pastor G. Thangsanglian in SAIACS a zillai Th. M, O.T. tu April kha in zou ding hi. Amah a pa’n March 10,2017 in thupina gam ah ana paisan a thumpih ni. Pastor M. Khamkhanchin in leng April kha mah in D.Miss. zou ding hi, amaute ziak a kipahthu genkawm in a maban ua Toupa’ pina ngen in thumpih ni.

    9. NIPINI: Tuni Palm Sunday ziak in Pathian kiang ah kipahthu gen ni. Rev. Paukhanmang Guite, D/Mn in EBCC Hebron ah thu gen ding, amah leh hiai nipoimoh a mun tuamtuam a thugentu dingte Pathian kithuahpihna ngen in thumpih ni.

    10. SEPPATNI: April 10-16 sung, EBCC Dorcas Veng in chialpi nei ding ua, Evan. Lianding Guite in thu gen ding amah leh atelding mite thumpih ni. I Saptuam a Driver i neihte ziak a kipahthu gen in, Toupa ompihna toh pilvangtak a hon sepzel theihna ding un thumpih ni.

    11. SEPNAWNNI: Evan Thangbiak-suan Hindi Worship Service a semten Moriah biakin sak Bungmual a Nepali inkuan 3te lak ah Pathian thu genna hun zang uhi. Huai ah Suraj kichi kiang ah hotdamna thu hoihtak in gen pih thei uh, Jesu hondampa a hon santheihna ding in thumna in phawk zel ni

    12. NILAINI: April 13-16, 2017 sung Rev. N. Pumsuanmung, Youth Co-ordinator in Mata Mualtam Christian Fellowship-te toh Good Friday & Easter Sunday hun zangkhawm ding. Hiai hunsung mah in EBCC Guwahati ah Khristian Inkuan seminar om ding a, Rev. Ginmalsawm in thugenna leh sinsakna hun zang ding, thumpih ni.

    13. NINGANI: April 14-16, 2017, Good Friday & Easter Sunday huam in EBCC Vengnuam in chialpi nei ding a, Evan. T. Damkhothang in thu gen ding, thumpih ni.

    14. SINTAWPNI: Good Friday ziak in Pathian kiang ah kipahthu gen ni. Rev. V. Thangkhangin, Director of Missions in EBCC Hebron ah thu gen ding. Saptuam omna leh Mission field leh munteng ah hiai program kizang ding lohching tak a zat ahihna ding in thum ni.

    15. KIGINNI: Grace Bible College Principal hihna len ding in CEC in Rev. V. Khamvum guang ua, kipahthu genkawm in amah thumna in phawk ni. Evan. V. Ginsonthang in hoihlam nawtzel, kipahthu gen in hong damsiang pahna ding in thum ni.

    16. NIPINI: Tuni Easter Sunday program lohching leh manphatak a zat ahihtheihna ding leh Jesu Khrist vualzou a thounawnpa vualzohna koppih a gingtuten vualzou hinkhua i neihtheihna ding un thum ni.

    17. SEPPATNI: April 17-19, sung EBCC Hebron in makai chialpi nei ding. Thugen ding Rev. Paukhanmang Guite, Director of Ministries leh a tel ding mite thumpih ni.

    18. SEPNAWNNI: April 19-23, EBCC Kaihlam in Camp nei ding a, Evan. Lianding Guite in thu gen ding thumna ah phawk ni.

    19. NILAINI: April 20-23 in, Evan. T. Damkhothang in Zou Christian Bible Church, Kamdou veng Nupi Camp ah thu gen ding lohching tak leh gahsuah tak a kizat theihna ding in thumpih ni.

    20. NINGANI: April 21-23 sung, Rev. B. Chinkhengoupau, Child Co-ordinator makaih in EBCC Singngat ah, Singngat Division BCD Committee Consultative meeting om ding, thumpih ni.

    21. SINTAWPNI: April 22-23 sung, EBCC Central Delhi ah Doctrine sinsakna Rev. Paukhanmang Guite, Director of Ministries in nei ding, thumna ah phawk ni. Convention Book House a semtute Manager leh aseppihte’n lamzangtak a hon sep zel theihna ding un thumpih ni.

    22. KIGINNI: Rev Dr S Langzakham a kal a suang om nihvei a kizom a at ahih nung in, a nak lam ah leng cancer kipantung muhkhiak in om a; Baptist Hospital, Bangalore ah ki-enkol lel hi. Thumna in phawk ni.

    23. NIPINI: EBC Central Choir te ziak in kipahthu gen ni. Choir Conductor H. Siamkhansang leh memberte chidamna ngetsak ni. Unaupa N. Thangsuanpau in Chennai Blind school ah Bible zilna panta. Computer toh thuah ding ahihman in, haksatna tampi om ding ahihna ah thumpih ni.

    24. SEPPATNI: EBCC Shillong Dorka Pawl in zingchiang 25 in Miss Liankhoman D/C toh hun zangkhawm ding ua nitaklam in TDBFCommitte toh kithuahna hun zang ding uh manpha leh lohching tak a a zattheihna ding un thumpih ni.

    25. SEPNAWNNI: Dorcas Hall, Division, Mission Field, GBC, Ebenezer Academy, LRRC, CBH leh khobing Saptuam a sumsaite thumna in phawkzel ni.

    26. NILAINI: EBCC Tonglon P in April 28-30, sung chialpi nei ding ua hiai hun ah Evan. T. Damkhothang in thu gen ding, amah leh a telding Saptuam mipite thumpih ni.

    27. NINGANI: Dorcas Co-ordinator in May 29 in Nepal Mission Field a Semtute leh Upate zite kithuahkhawmna hun zang ding uhi. Hiai program lohching leh manphatak a a zattheihna ding un thumpih ni.

    28. SINTAWPNI: April 29-30 sung, Evan. Lianding Guite in EOC Hmuia Veng ah Lamka bial EOC Sunday School Teachers’ training makaih ding, thumpih ni. 29. KIGINNI: I Saptuam a heutu, General Secretary, Directors, Divisional Superintendents leh Field Superintendent te ziak a kipahthu gen in, Toupa deihna bang a hon makaih zel theihna ding un thumpih ni.

    30. NIPINI: April khatawp dam a honpi i biak Pathian kiang a kipahthu gen in, A vualzawlna tamsem toh May kha i zat theihna ding in A panpihna ngen ni. 