1 NILAINI: September kha hon musak i biak Pathian kiang a kipahthu gen in, kha thak manpha leh chidamtak a i zattheih chiat nading in thum ni.
2 NINGANI: September 1-5 tan daih ding Sazik Tampak ah ZCBC, in Khanglai Camp neilel ua, Evan. T Damkhothang thugenpi in pang hi. Camp lohching ahihna ding in thumna ah phawk ni.
3 SINTAWPNI: Pathian pina muang in September 3-5 sung Thanlon Division in Missions Khawmpi 43na EBCC Thanlon ah nei ding a, Rev K Kamchinkhup, Director of Missions in thutak ankuanglui ding, khawmpi lohching leh gahsuah ahihna ding in thumpih ni.
4 KIGINNI: LRRC nasepna in Pathian huhna leh makaihna toh masawn zel in, polam akipan huhna i khawlsan nung in Saptuamte akipan panpihna hong lut zelzel, kipahthu genkawm in, thumna ah phawkzom zel ni.
5 NIPINI: Covid-19 hiipi ziak a natna thuak leh sihna a na tuakte’ inkuante ading in Pathian khamuanna ngen in thumpih ni.
6 SEPPATNI: Covid-19 hiipi ziak in siamsimten kum 2 bang ginatak a siamsin theilou in omta ua, poi i sa mahmah mai hi. Amaute leh i gam maban ding thumna a phawk in, Pathian ompihna leh makaihna ngen in thum ni.
7 SEPNAWNNI: WEC tungtawn a Missionary Candidate Orientation nipikal 10 sung neih a om, Pathian huhna toh buaina bangmah omlou in kizou theita, kipahthu gen in, candidate-ten Pathian sapna kichiantak theichian a maban hon sawn theihna ding un thumpih ni.
8 NILAINI: I nampi hon khaikhawm, ZRO, PTC, YPA leh SSPP makaite ziak a kipahthu gen in, amauten Pathian deihna leh lungtunna bang a mipite hon makaih theihna ding un thumna ah phawk ni.
9 NINGANI: September 10 in FMPB North India leh North East India kigawm in ZOOM tungtawn in khawmpi nei ding ua, hiai hun ah EBC Central Choir in Praise & Worship makaih ding, thumna ah phawk ni.
10 SINTAWPNI: Covid-19 hiipi douna a galmatawngte thumpih ni. Hiai toh kisai a Saptuam min a kalsuan volunteer leh Counselor mi 30 vel Toupa’n hon piakte ziak a kipahthu gen in, amaute thumna in phawk ni.
11 KIGINNI: Covid hiipi ziak in mipi biakkhawmna deih bang in om theikei mahleh, Toupa’n thumtu ding leh thilpiak pe ding mi hon behlap zel man in kipahthu gen ni.
12 NIPINI: Pathian ompihna leh makaihna toh Convention Book House in masawn zel, hiipi sung inleng khawllou in nna semzom zel thei uh, kipahthu gen ni.
13 SEPPATNI: Pathian pina toh Missionary ding kibehlap zel a, tulel in EBC sung a semding mi 5 etkhiakna leh training piak in omlel uhi. Amauten lungtunhuaitak a training leh etkhiaknate honzoh theihna ding un thumna ah phawk ni.
14 SEPNAWNNI: Mipiten i sik-le-tang a palai ding a i telkhiak MLA te ziak a Pathian kiang a kipahthu gen in, amaute’n Pathian deihna bang a mipite hon makaih theihna ding un Tunglam akipan pilna ngen in thumpih ni.
15 NILAINI: WEC tungtawn a missionary kuan ding tuailai mi 11 ten etkhiakna masa leh training masa lohchingtak in zouta ua, maban ah midang 9 ten training leh etkhiakna maituah nawn ding uh, amaute ziak a kipahthu gen in, Pathian houpihna kichiantak a theihchet theihna ding un thumpih ni.
16 NINGANI: Himalayan Mission Field Media team saina in Google Meet zang in kal khat in Joint Fellowship khatvei Online in neizel uhi. Field in Lockdown omsung zatzom sawm ahihna uah, Pathian pina ngen in thumpih ni.
17 SINTAWPNI: Headquarters, Divisions, Fields leh local Saptuam chih a sumsaitu muanhuai taktak Toupa’n hon piakte ziak a kipahthu gen in, maban aleng fel leh lamzang zosem a hon saizel theihna ding un thumpih ni.
18 KIGINNI: Pathian kepna toh Missionary-te lak ah Covid ziak a quarantine a om a kallak in omzel mahle uh, damkhia in omthei zel ua, ahihtheih tan un khamangthang matna semzomzel thei uh. Pathian kepbitna ngen in thumpih ni.
19 NIPINI: Saptuam mun tuamtuam a Biakin bawlthak a omlelte buaina bangmah omlou a zohsiang ahih theihna ding in thumna ah phawk ni.
20 SEPPATNI: September 21-23 sung NEBC (Nepal) in kumsim khawmpi nei ding a Rev K Kamchinkhup, Director of Missions in thu gen ding. Hiai hun ah Licentiate Pastor nagotna om dia geel ahi. Khawmpi lohching leh gahsuah ahihna ding in thumna ah phawk ni.
21 SEPNAWNNI: Missions-Tuailai, 2020 December kha a neih kisawm, Toupa khut ah nga in, Amah deihna leh phasakna bang a sai ahihna ding in thumna ah phawk ni.
22 NILAINI: Bible translation toh kisai a panlapi, translator-te leh Read & Review Committee in Pathian deihna leh mipite lungtunna ding a hiai nna poimohtak hon sepsuah theihna ding un thumpih ni.
23 NINGANI: Tukum EBC Khawmpi lian hun pen kitel kum ding ahih toh kiton in bangchi neih ding chih tuin kigen chiang theikei mahleh hiai ding toh kisai Toupa khut a lanthak in hun pha ngen in thum ni.
24 SINTAWPNI: Zodawn lam a om i mi-le-sate a louma nasepte uh vuaksuak louhna ding in leh gamsa leh susetheite apan in Pathian kepbitna ngen in thum ni.
25 KIGINNI: Covid hiipi ziak a naupang school kaina nasatak in nawngkai bang mahleh tukum pawl X leh XII lohchingte maban ding hong lamzan theihna ding in thumpih ni.
26 NIPINI: I Saptuam Hqtr. leh Div level a Saptuam gari i neihte hektute (Driver) ziak in kipahthu gen in amaute chidamna, insung navaktak om ding in thumpih ni.
27 SEPPATNI: Khopi a Saptuam omte leh kemtu Pastor, Upate leh Saptuam mite chidamna leh bitna ngen in thumpih ni.
28 SEPNAWNNI: EBC Division 7 a DS-te, office staff-te leh Field 3 a FS leh office Staff-te ziak in kipahthu gen in, mailam a lamzangtak a a sep theihna ding un thumpih ni.
29 NILAINI: GBC a mi tuamtuam Toupa gam nasepna ding a kisinsakna i saptuam in i neihsun ahihman in a sung a semtu Principal leh office staff, Warden leh sinlai naupangte thumpih ni.
30 NINGANI: September kha nitawpni hon musak Pathian kiang ah kipahthu gen ni. October 1-4 sung EBC Thanlon Division in Kumsim Khawmpi 44na EBCC Sinzawl ah nei ding, khawmpi lohching leh gahsuah ahihna ding in thumna ah phawk ni.