NIPINI: A zahngaihna toh July kha hon zangzousak a, August kha hon pikai i biak Pathian kiang kipahthu gen ni. August kha manphaseem a i zat chiat theihna ding in A ompihna ngen in thum ni.

SEPPATNI: Covid-19 hipi douna a matawng a pang Doctor-te, nurse-te, Police-te leh VLTF Makai, sun leh zan a gimtak a semte ziak a kipahthu gen in, amaute thumpih ni.

SEPNAWNNI: Siamsin naupang school kai theilou nilouh a omte thumpih ni. School hoihtak a hong kaitheihna ding un thumna ah phawk ni.

NILAINI: GBC in Fall Semester pannawn theita, Online a class neilel ahihman un, sintute leh sinsaktute ading in nakpi in thum ni.

NINGANI: Missionary Covid-19 positive ‘na hikha leh hilelte hong damsiangna ding un thumpih ni. Hiai in Tanchihhoih nasepna sukha mahmah ahihman in, setan vanzat ahihlouh teitei nading in nakpitak in thum ni.

SINTAWPNI: Covid-19 hipi ziak in saptuam office tuamtuamte ngeina bang in kikai theilou suak a, poi i sa mahmah hi. Hiaibang hun a Saptuam heututen Pathian deihna bang a saptuam hon makaihzel theihna ding un, Pathian akipan pilna leh theihsiamna ngen in thumpih ni.

KIGINNI: Mr K Jamchinthang, Head Clerk, Dorcas Hall damlou in omlel a, Pathian thilhihtheihna leh sukdamna ngen in thumpih ni.

NIPINI: Covid-19 hipi douna a nnahoih sem pawl tuamtuamte ziak a kipahthu gen in, maban hon sepzom zelna ding uah Pathian ompihna leh makaihna ngen in thumpih ni.

SEPPATNI: Biakinte ngeina bang a i kai theihlouh lai a le Toupa toh kithuahna hun khahsuah lou a, khalam a bahlou a kal i suanzel theihna ding in thum ni.

SEPNAWNNI: August 11 in EBCC Vengnuam in Silver Jubilee lawm ding a, Jubilee suang honna leh latna Rev Paukhanmang Guite, GS in nei ding, thumna ah phawk ni.

NILAINI: Covid hipi in nektawm zongte sukha mahmah ahihman in, Pathian ompihna leh makaihna ngen in thumpih ni.

NINGANI: August 13 in CEC meeting om ding, Pathian deihna bang a thupuknate lak ahih a, saptuam ading a masawnna ahihna ding in thumpih ni.

SINTAWPNI: August 13-15 sung EBC Lamka South Division in Division Dorcas Khawmpi Gospel Centenary Hall ah nei ding a, Rev K Kamchinkhup, Director of Missions in thutak gen ding a, Dr Didim, Nu, C Engzam, Miss Dimzangai leh Rev L Khaikhansong ten thupi tuam tuam pansan in sinsakna pe ding uhi. Thumna ah phawk ni.

KIGINNI: Tuni in Imphal division in Inter & Senior pawl seminar, EBCC Lamphel ah nei ding ua, Dr Niangsangching in sinsak ding, kisinsakna manpha leh phatuam ahihna ding in thumpih ni.

NIPINI: Tuni in Imphal Division a Beginner & Primary pawl activity DBCDC saina in EBCC Lamphel ah om ding, manphatak a naupangte lak a sinsakna piak ahihna ding in thumpih ni.

SEPPATNI: Hun haksatawp i phutkhak pansan a Pathian mai a kingainiam a, khat-le-khat ki-it a, kituahna leh kilemna i lak a omtheihna ding in Khasiangthou vehna ngen in thum ni.

SEPNAWNNI: August 18-20 sung APBF Leaders’ Summit (zoom) om ding, Pathian ompihna leh pina ngen in thumpih ni.

NILAINI: Tulel a Toupa’n heutu hon piak; Rev Paukhanmang Guite, GS; Rev S Vung Minthang, Director of Ministries; Rev Gin Malsawm, Director SD leh Rev K Kamchinkhup, Director of Missions-te ziak a kipahthu gen in, Saptuam hon makaihna ua Pathian akipan pilna toh hon makaih theihna ding un thumpih ni.

NINGANI: August 20-23 sung, “Pa’n kei hon sawl bang in noute kon sawl hi” chih thupi a nei in, Singngat Division in EBCC Songtal ah Division Missions Khawmpi nei ding a, Rev Thawndoulian, DS, Pastor Paukhankhup leh Evan. Chingkhansiam-ten thugenna leh report piakna nei ding uhi. Programme lohching leh manphatak a zat ahihtheih nading in thumna ah phawk ni.

SINTAWPNI: August 21 in Lamka North Division in EBCC Bungmual ah Doctrine kisinsakna nei ding a, Rev Paukhanmang Guite, General Secretary in sinsak ding. Kisinsakna lohching leh manpha ahihna ding in thumpih ni.

KIGINNI: Division 7 a Divisional Superintendent-te ziak a kipahthu gen in, amauten Pathian deihna bang a Division chih a saptuamte hon makaih theihna ding un thumpih ni.

NIPINI: WEC tungtawn a Missionary ding Candidate Orientation buaina bangmah omlou a zoh ahihtak man in, hon pitu Pathian kiang a kipahthu gen in, amauten maban saupi neilai ahihman un, Pathian ompihna leh pina ngen in thumpih ni.

SEPPATNI: School tungtawn a Toupa Gam nna sem Evan. Teacher-te ziak a kipahthu gen in, naupang leh saptuam kepna a mohpuakna a neih bangbang uh muanhuaitak a hon sepkhiak zel theihna ding un thumpih ni.

SEPNAWNNI: Saptuam kemtu Ordain Upate ziak a kipahthu gen in, amauten hun haksatak lak a leng saptuam mipite Toupa deihna bang a hon makaih theihna ding un thumpih ni.

NILAINI: Hun haksapi a i dinlai a leng Toupa ompihna leh makaihna tang a, thumtu ding, thilpiak petu ding kibehlap zel a i omman in Pathian kiang ah kipahthu gen ni.

NINGANI: Pathian huhna leh makaihna toh Convention Book House (CBH) in masawn zel, kipahthu gen in, maban leng lamzangsem a hong pai theihna ding un, Manager leh a seppihte thumna ah phawk ni.

SINTAWPNI: August 28-30 sung Imphal division BYF khawmpi EBCC Lamphel ah om ding a, Rev V Nenglian, DS in thu gen ding. Programme manpha leh lohchingtak a zat ahihna ding in thumpih ni.

KIGINNI: Team WeCare in District hospital leh CMO Testing site ah Covid a positive-te amun mahmah ah emergency psychological, emotional support ban ah thumsakna nei in niteng in nasem uhi. Amaute nasepna Pathian in a zat a lungkham mangbangte lak a Pathian in nna a sepna di’n thumna ah phawk ni.

NIPINI: I Saptuam a semtu Pastorte bangzah hiam COVID leh natna tuamtuam ziak a sukkhak a omte hong damsiang ua thahatna thak hon neih nawn nading un thumpih ni.

SEPPATNI: September 10 – 12, 2021 sung in EBC Dorcas Platinum Jubilee, Gospel Centenary Hall a neih ding a geel ahi. Pathian in hun thoveng hon bawlsakna ding in thumna in thei ni.

SEPNAWNNI: Hun haksa leh buaina tampi kal a August kha nitawpni tan vualzawlna tampi toh hon pi i biak Pathian kiang ah kipahthu gen in, kha thak, a vualzawlna tamsem i don theihna ding in thum ni.