1 KIGINNI: April kha hon zangzousak Pathian kiang a kipahthu gen in, May kha, Missionary Day kha ahih toh kiton a, Missions lungput neikawm a i zatchiat theihna ding in thum ni. Tuni in Imphal division in TBSUC member teng ading in Ministerial Orientation EBCC Paite veng ah nei ding ua, Rev Gin Malsawm, Director, SD in sinsak ding. Tuni in LSD a DBDF te saina in Division sung a Pastor Zite Seminar om ding Sinsaktu ding in Mrs. Ching Mangte hi ding. Pathian ompihna ngen in thumpih ni.

2 NIPINI: Saptuam sum kum thak a hon pikai i biak Pathian kiang a kipahthu genkawm in, kumlui a A vualzawlna i tante ziak in Amin phat ni.

3 SEPPATNI: Khua Hausa Camp 2veina lohchingtak a hon zousak Pathian kiang ah kipahthu gen in, hausate ading bik in Pathian apan pilna leh vaihawm siamna ngen in thumpih ni.

4 SEPNAWNNI: May 5-10 sung NTBC Shillong in Crusade nei ding a, Evan. T Damkhothang thugenpi in pangding, Pathian Kha ompihna leh makaihna ngen in thumpih ni.

5 NILAINI: Missionary lakthakte lak ah Mr Jamkhanlian Tangpua leh Mr H Ginkhanzam te training ding in a zi leh tate tuak uh toh OTI, Hossur, IEM training Centre tung in, training panta uh. Chidam leh lamzangtak a training honzohna ding un thumpih ni.

6 NINGANI: Rev K Kamchinkhup in Missionary Day leh Dorcas Day EBCC Singngat ah zang in thu gen ding a, Missionary Day in Rev Gin Malsawm, Director, SD in EBCC Zion ah Rev V Thangkhanmuan YC in EBCC Vengnuam ah thugenna hun zang ding uh. Pathian ompihna leh makaihna ngen in thumpih ni.

7 SINTAWPNI: Tuni Manipur simtum gam a Tanchinhoih hong lut ni, “Missionary Day” ahih toh kiton a kipahthu gen in, khuachih a Saptuam chih in manpha leh lohchingtak a zat ahih chiat theihna ding in Pathian Kha vehna leh ompihna ngen in thum ni.

8 KIGINNI: May 8-9, Nute Ni huam in Evan. Lianding Guite in EBCC V Munhoih ah chialpi nei ding. Hiai hun toh kituak mah in Ms Nemngaihmawi, Dorcas Co-ordinator in EBCC, D Leikot ah thugenna hun zang ding. Pathian ompihna leh makaihna ngen in thumpih ni.

9 NIPINI: Tuni, Nute Ni zatna hun ah Rev Paukhanmang Guite, GS in EBCC Hebron ah thu gen ding. Saptuam chih a Nute Ni phatuam leh manphatak a zat ahihna ding in, Pathian vualzawlna ngen in thum ni.

10 SEPPATNI: FMPB a GS kum 5 dan a kikhekzel a heutu thak ding in Rev John Berlin in April 10 in charge lata, kipahthu gen in, ama tungtawn a FMPB nasepna matalzaw leh adiak a EBC toh sepkhawmna hoihzaw leh gahsuahzaw ahihna ding in thumna ah phawk ni.

11 SEPNAWNNI: Missionary dia lak thak a om Miss Lianbiakmawi, Mr Nangsonlian Ngaihte leh Mr B Kaisuanlal-te Nepal Mission Field ah field exposure in omlel uh, manphatak a ava kizat theihna ding un thumpih ni.

12 NILAINI: May 13-16 sung ZPCS Singngat in Revival Crusade nei ding a, Evan. T Damkhothang in thu gen ding. Hiai hunsung mah in EOC Shillong in Tuailai Camp nei ding a, Evan. Lianding Guite in thu gen ding. Khasiangthou polhna leh makaihna ngen in thumpih ni

13 NINGANI: May 14-16 sung EBCC Mimbung ah Mizoram Division Missions khawmpi 31na omding a, DS leh division sung a om Pastor teng in thu gen ding, thumna ah phawk ni.

14 SINTAWPNI: May 15-16 in EBCC, NE Tangnuam in CES Staff Quarters honna leh mipi biakkhawmna hun zang ding a, Rev Gin Malsawm, Director, SD in quarters thak honna leh thugenna hun zang ding. Thumna ah phawk ni.

15 KIGINNI: Dorca Khawmpi Lian leh Platinum Jubilee September 11-12, 2021 sung Gospel Centenary Hall a neih ding a geel a om, hun thoveng Toupan honpiakna ding in thum ni.

16 NIPINI: DoTProj puankhui zilten tukha in zouta ding ua, batch thak ding te tukha mah in kila ngal ding. Puankhui zilte leh sinsaktu ading in Pathian makaihna ngen in thumpih ni.

17 SEPPATNI: May 17-21 sung EBCC Hiangmun in Papi Camp nei ding a, Rev K Kamchinkhup, Director of Missions in thu gen ding, thumpih ni.

18 SEPNAWNNI: Bible Translation nasepna paitou zel ah, translator-te leh Read and Review Committee-ten lamzangtak a hon sepzom zel theihna ding un thumpih ni.

19 NILAINI: May 20-23 sung EBCC Khajang in Second Coming chialpi nei ding a, Evan. T Damkhothang in thu gen ding. Pathian ompihna leh makaihna ngen in thumpih ni.

20 NINGANI: May 21-23 sung EBCC Diphu in chialpi nei ding a, Evan. Lianding Guite thugenpi in pang ding, Pathian ompihna leh makaihna ngen in thumpih ni.

21 SINTAWPNI: Tuni in EBCC, V Munhoih in, kum 10 chinna, lopna leh kipahthu genna hun zang ding ua, Rev S Vung Minthang, Director of Ministries in thu gen ding, thumna ah phawk ni.

22 KIGINNI: May 23, Pentecost Day ahihtoh kiton a Saptuam chih in Khasiangthou vehna leh hih halhna i tanna ding un thum ni. Rev Paukhanmang Guite, GS in EBCC Lamphel ah thu gen ding a, Rev K Kamchinkhup, Director, Missions in EBCC Aizawl ah thu gen in, Rev Gin Malsawm, Director, SD in EBCC College veng ah, Rev V Thangkhanmuan YC in EBCC Vengnuam ah thu gen ding, thumna ah phawk ni.

23 NIPINI: Penecost Ni hon musak i biak Pathian kiang a kipahthu gen in, Saptuam chih leh mimal chih in Khasiangthou hihhalhna i tanna ding in thum ni.

24 SEPPATNI: Tu Academic Session thak ah i saptuam school te hoihtak in kaizom theizel uh. Pathian kiang a kipahthu gen in, naupangte leh sinsaktute ading in thum ni.

25 SEPNAWNNI: Pastor L Thangkhangin Bible Training zouthak in Suangdoh station a nei in bial Pastor sem ding a, Pastor V Pauthianmuan in SAIACS ah M.Th sin ding, thumna ah phawk ni.

26 NILAINI: Myanmar gam buaina ziak in mi tampi mahmah in hinna tanlohta uh, gambuai in venlam hon manoh a, mipi deihna bang vaihawmna tunding nawn ahihna ding in thum ni.

27 NINGANI: May 28-30 sung EBCC, G. Mawnglian in chialpi nei ding a, Evan. T Damkhothang in thu gen ding, Khasiangthou ompihna leh makaihna ngen in thumpih ni.

28 SINTAWPNI: Tualsung, Division, Mission Field leh headquarters level a sumsaitu fel leh kizen taktak Toupan honpiakte ziak a kipahthu gen in, amaute adin chidamna ngen in thumpih ni.

29 KIGINNI: Saptuam kemtu Pastorte ziak a kipahthu gen in, amauten Pathian deihna bang a Saptuam mipi hon kep ua, lampi dik tawn a hon pizel theihna ding un, Tunglam pilna ngen in thumpih ni.

30 NIPINI: Gam leh Nam Makaiten Pathian mitmei veng a, A deihna bang a mipite hon makaih theihna ding un thumpih ni.

31 SEPPATNI: May khatawp hon pitung i biak Pathian kiang a kipahthu gen in, i sep khelh leh bawlkhelhte ah A ngaihdamna ngen ni.