1. SEPPATNI: January kha hon zangzousak a, February hon pikai i biak Pathian min phat in, A kiang ah kipahthu i gen hi. Tuni a kipan February 7 tan daih ding in NTBC Tuibuang in Hotdamna Camp nei ding a, Evan. T Damkhothang thugenpi in pang ding, Pathian Khasiangthou ompihna leh makaihna ngen in thumpih ni.

2. SEPNAWNNI: GAD nuai a semtu kisuankual ten a omna ding mun chiat uh tung a, a sepdi bangchiat uh lohching leh mavangtak a honsep theihna ding un thumna ah phawk ni.

3. NILAINI: I Saptuam a Co-ordinatorte; Rev. V Thangkhanmuan, Rev. B Chinkhengoupau, Mrs. Nemngaihmawi leh Upa T Paukhansiam te ziak a kipahthu gen in, amauten a mohpuakna chiat uh ginom leh muanhuai a hon sep khiak chiat theihna ding un thumpih ni.

4. NINGANI: Saptuam kemtu Upate ziak a kipahthu gen in, amaute’n Pathian Belampu ahihna uh mangngilh lou a, saptuam mipi honkep ua, hon makaihzel theihna ding un thumpih ni.

5. SINTAWPNI: Missionary munthak a lutte’n, tawndan tuam, mun tuam leh thilthak tampi maituah ding ahihman un, hamhaih mailou a, Toupa’ deihdan kichiantak a muhna ding un thumpih ni.

6. KIGINNI: Sawltakte; Evan. T Damkhothang, Evan. Upa Lianding Guite leh Evan. Thangsuanpau te Toupa’n manphasem a a zatna ding in, khalam leh salam chidamna ngen in thumpih ni.

7. NIPINI: Pastor ginom leh muanhuai Toupa’n hon piakte ziak a kipahthu gen in, amaute’n belampu muanhuai hikawm a Saptuamte hon makaih chiat theihna ding un thumpih ni.

8. SEPPATNI: School tungtawn a semtu munthak a lutdingte’n Pathian leh naupangte itna tak toh a mohpuakna chiat uh gin-om leh muanhuai a honsep khiak theihna ding un Toupa ompihna leh makaihna ngen in thumpih ni.

9. SEPNAWNNI: Zingchiang in CEC meeting om ding, Pathian kithuahpihna ngen ni. Evan. Lianding in Calvary Baptist Church te saina a Khanglai Camp Engedi a nei ding, thumpih ni.

10. NILAINI: Mission field thak Toupa’n honpiakzel ziak a kipahthu gen in, thumtu ding leh thilpiak peding mite hong kibehlap zel theihna ding in Toupa kiang ah thum in ngen ni.

11. NINGANI: Tukum in Central Dorcas Committee makaihna in Platinum Jubilee lawm ding a kisak kholhna pailel, manpha leh lohchingtak a zat ahihtheihna ding in thumna ah phawk ni.

12. SINTAWPNI: School tungtawn a Toupa Gam nasepna in ma a sawnzel theihna ding in, sinsaktute, sintute leh khuachih a Local school committee te thumpih ni. Evan. Lianding in zingchiang in LSD BCD Teachers’ Motivation EBCC Khominthang ah hun zang ding, thumna in phawk ni.

13. KIGINNI: Tukum sung in Missionary, ei field a semding leh gamdang a mitoh sepkhawmna a kuanding lakna om ding. Pathian deih bang a sai leh Ama deihte lak ahih theihna ding in thumna ah phawk ni.

14. NIPINI: Khopi saptuam kemtu Pastorte ziak a kipahthu gen in, amauten Pathian deihna bang a saptuamte hon makaihzel theihna ding un khalam leh salam chidamna ngen in thumpih ni.

15. SEPPATNI: February 16-20 sung NTBC Chengkonpang in Papi Camp nei ding a, Evan. T Damkhothang thu genpi in pangding, thumna ah phawk ni. Counsellor mimal a Pathian gam nasemte thumpih ni.

16. SEPNAWNNI: Covid-19 hiipi in hon nuai ziak in Mission Tuailai-2020 kizangthei kei mahleh, tukum December kha a neihtheih ding in CEC in phalna honpia hi. Hiaitoh kisai kisakkholhna lamzangtak a Pathian deihna bang a hong paizom zel theihna ding in thumna ah phawk ni.

17. NILAINI: Field superintendents: Rev T Thangzasiam, Rev T Lalmalsawm leh Rev S Thang Johnson ten Pathian deihna bang a vaihawmna leh field etkaina hon sepzomzel theihna ding un thumpih ni.

18. NINGANI: Toupa’n gamsung chidam honpiakna ding in leh nam leh gam, a makaite ading in thumpih ni. Tuni apan 21 sung EBCC Manja in Hotdamna Camp zang ding uh, Evan. Lianding thugentu in pang ding thumpih ni

19. SINTAWPNI: Tualsung saptuam, division, mission field leh headquarters a sum saite ziak a kipahthu gen in, maban a hon sepzom zelna ding uah Pathian ompihna leh pina ngen in thumpih ni.

20. KIGINNI: DORCED tungtawn a naupang chawm a omte ziak a kipahthu gen in, amauten a sinlai chiat uh buaina omlou a hon sutzomzel theihna ding un salam leh khalam chidamna ngen in thumpih ni.

21. NIPINI: Saptuam chih a Piching leh naupang Nipini skul sinsaktute ziak a kipahthu gen in, michih in i sinkhiakte i phattuampih chiat theihna ding in thum ni.

22. SEPPATNI: Pathian thu sinna ding Grace Bible College piak a i om ziak in kipahthu gen ni. Principal, faculty memberte leh sintute ading in Toupa ompihna leh makaihna ngen in thum ni.

23. SEPNAWNNI: February 24 - 27 sung EBCC Tangnuam in chialpi nei ding a, Evan. T Damkhothang in thu gen ding, Khasiangthou pawlna leh makaihna ngen in thumpih ni.

24. NILAINI: I Saptuam nasepna kahiang poimoh mahmah Convention Book House ziak a kipahthu gen in, semtuten maban a lohching leh gahsuah seem a hon sep zom zelna ding un thumpih ni.

25. NINGANI: Tulel a Toupa’n heutu hon piak; Rev Paukhanmang Guite, GS; Rev S Vung Minthang, Director of Ministries; Rev Gin Malsawm, Director of Social Development leh Rev K Kamchinkhup, Director of Missions te ziak a kipahthu gen in, salam leh khalam chidamna ban ah vaihawmsiamna ngen in thumpih ni.

26. SINTAWPNI: Tulel a partnership a mission nna I sepkhawmpih; IEM, FMPB, TBCA, OMF, SIM leh WEC heutute ziak a kipahthu gen in, Pathian ompihna leh makaihna ngen in thumpih ni.

27. KIGINNI: Saptuam office tuamtuam a sem grade IV te ziak a kipahthu gen in, a na chiat uh gin-om leh muanhuai a honsep touhzel theihna ding un salam leh khalam chidamna ngen in thumpih ni.

28. NIPINI: February kha ni nanungpen hon musak i biak Pathian kianga kipahthu gen in, i sepkhelhte ah a ngaihdamna ngen in thupha tawi ni.