1. SINTAWPNI: A hoihna ziak a kumthak mel hon musak i biak Pathian kiang kipahthu i gen hi. Kumlui a i hihkhelhte ngaihdam ngen in, tukum manpha leh Ama deihna bang a i zat theihna ding in damsung nite simsiamna ngen in thum ni.

2. KIGINNI: January 2 in, Rev Paukhanmang Guite, General Secretary in EBCC D. Phailian Sunday School building thak honna leh latna nei ding, Pathian ompihna leh vualzawlna ngen in thumpih ni.

3. NIPINI: Kumthak ahihtoh kiton in semtu kikhek kual khaten hoihtak leh mavangtak a nasep hon patpah theihna ding un leh Amaute station thak lamzangtak a atun theihna ding un thumpih ni.

4. SEPPATNI: January 5-10 sung NTBC Tangnuam in hotdamna camp neiding a, Evan. T Damkhothang thugenpi in pang ding. Khasiangthou vehna leh makaihna ngen in thumpih ni.

5. SEPNAWNNI: Pandemic giktak om mahleh, CES ten tutorial class hihtheih dandan a la in, naupangten kumtawp ekzam nei in, result hoihtak leng suahkhiak theih in oma, kipahthu gen ni.

6. NILAINI: Kumlui, 2020 in Covid-19 ziak in school te kaitheih louh in om mahleh, tukum a school hon ahong hih a, naupangten a siamsinna chiat uh hon zop nawn theihna ding un Pathian kiang a thum in ngen ni.

7. NINGANI: Tuni apan in EBC Saptuam office teng kihong nawnta. Pathian kiang a kipahthu gen kawm in, Office vai a sep ding om bangbang a hun hun a sepkhiak a honghih theihna ding in thum ni.

8. SINTAWPNI: EBC Headquarters level a sub committee tuamtuam kibawl ten Pathian leh Saptuam deihna bang a a mohpuakna chiat uh hon sepkhiak theihna ding un Tunglam pilna ngen in thumpih ni.

9. KIGINNI: Academic session thak a school tungtawn a siamsinna hoihtak leh lamzangtaka a paitheihna ding in, sintute leh sinsaktute thumpih ni.

10. NIPINI: Upa L Vungzamuan in a nutsiat a inkuanpihte leh a seppihte Pathian khamuanna ngetsak in thumna in phawk ni. CBH nasepna nawngkailou a apai theihna ding in Pathian pina ngen in thum ni.

11. SEPPATNI: LRRC a semtute kipiakzohna leh phatuam ngaihnate ziak a kipahthu gen in, Khrist nungzui muanhuai hi ding mite kempiching thei ding in Pathian ompihna leh makaihna ngen in thumpih ni.

12. SEPNAWNNI: Mission fieldte a missionary munthak leh gamthak phu ding a lutthak dingte ading in thum ni. A sepna mun ua mite toh kichimattak a honsep theihna ding un thumpih ni.

13. NILAINI: DORCED nuai a naupang chawm a omte ziak in kipahthu gen ni. Amauten amaban chiat uh lamzangtak a hon sutzom theihna ding un Pathian pina ngen in thumpih ni. Dorca pawl malakna a puankhui zilsate leh zillelte ziak a kipahthu gen in, hiai nasepna in masawn a, mite adia kingakna tham a hong hihna ding in Toupa vualzawlna ngen in thum ni.

14. NINGANI: Nikum sung in Missions-Tuailai a team poimoh mahmah Team Timothy te malakna a kongzing a om tuailai bangzah hiamte hotdamna lampi kokmuh theih leh tua hotdamna tangte khalam a Khanna leh pichinna ding in thumpih ni.

15. SINTAWPNI: Tukum in Pathian in lem honsakpih lam-en in missionary, EBC mission fieldte a sem ding leh polam a sem ding lak kisawm hi. Pathian deihbang mi lak ahihna ding in thumna ah phawk ni.

16. KIGINNI: Covid-19 hiipi a kipan venbit a i omtheihna ding in Pathian buan in, A kiang ah kitulut ni. Hiai hiipi douna ding a matawng a pang Doctor, Nurse leh pawl tuamtuam te thumpih ni.

17. NIPINI: Tuni in EBC omna saptuam chih in Nipi Skul panta ding. Saptuam chih a naupang leh piching lam in a phattuampih chiat theihna ding un Pathian ompihna leh makaihna ngen in thum ni.

18. SEPPATNI: January 19-24 sung ZPCS Tangpizol in Revival Crusade nei ding a, Evan. T Damkhothang thugenpi in pang ding. Pathian ompihna leh makaihna ngen in thumpih ni.

19. SEPNAWNNI: Kumthak ahih toh kiton a khotang leh gamsung makaiten mipite Pathian deihna bang honpi ua hon makaih theihna ding un tunglam pilna ngen in thumpih ni.

20. NILAINI: I saptuam sung a seem grade - IV te ziak a kipahthu gen in, amauten Pathian leh heutute deihna bang a a mohpuakna uh hon sepkhiak zel theihna ding un thumpih ni.

21. NINGANI: Local, Division, Field Office leh Headquarters a sum saite ziak a kipahthu gen in, amauten Pathian muanhuaina koppih a hon saizom zel theihna ding un thumpih ni.

22. SINTAWPNI: Division leh Headquarters a clerical staff te ziak a kipahthu gen in, a mohpuaknate uh gin-om leh chihtak suah a hon sepzom zel theihna ding un thumna ah phawk ni.

23. KIGINNI: January 24 in EBCC Kolkata in kumsawm chinna lopna leh kipahthu genna programme nei ding a, Rev Paukhanmang Guite, GS leh Rev K Kamchinkhup, Director of Missions ten thu gen ding uh, Pathian Khasiangthou polhna leh makaihna ngen in thumpih ni.

24. NIPINI: Kumthak Toupa’n hon pikai toh kiton in heutute; Rev Paukhanmang Guite, GS, Rev S Vung Minthang, Director of Ministries, Rev Gin Malsawm, Director, SD leh Rev K Kamchinkhup, Director of Missions ten tukum a Saptuamte hon makaihna ding uah Pathian Khasiangthou ompihna leh makaihna ngen in thumpih ni.

25. SEPPATNI: Toupa’n a kul leh poimohna munte a Tangthupha gendia hon piak Evangelist-te: N Thangsuanpau, T Damkhothang leh Upa Lianding Guite te ziak a kipahthu gen in, Saptuamte lak a Kha khanlohna tuntu hi ding in Pathian Kha ompihna leh makaihna ngen in thumpih ni.

26. SEPNAWNNI: Dorcas Hall pansan a sem Co-ordinatorte leh Music assistant ziak a kipahthu gen in, maban a Pathian ompihna leh makaihna toh a mohpuakna chiat uh lungtunhuaitak a hon sepkhiak theihna ding un Pathian pina ngen in thumpih ni.

27. NILAINI: Division chih a Divisional Superintendent-te ziak a kipahthu gen in, amauten Pathian deihna bang a division chih hon makaih zel theihna ding un thumna ah phawk ni.

28. NINGANI: Grace Bible College tungtawn a Pathian vualzawlna i tante ziak a kipahthu gen in, maban lamzangtak a hong paizom zel theihna ding in, Principal, Staffte, student-te leh BOG memberte thumna ah phawk ni.

29. SINTAWPNI: Ebenezer Academy tungtawn a Pathian vualzawlna i tante ziak in kipahthu gen ni. Maban a gahsuah zawsem leh lohchingsem hong hihna ding in Principal, staff-te, student-te leh Board Member-te thumna in phawk ni.

30. KIGINNI: Tuailai Missions nasepna a lunglutte kisinna masa, North East Centre For Training and Research (NECTAR) ziak in Pathian kiang ah kipahthu gen ni. Hiai Training Centre tungtawn in tuailai 600 val bang sinsakna lohchingtak in piak hita ua, amaute khovel mun tuamtuam leh India gamsung state tuamtuam ah Tanchinhoih nasem in omta uhi. Director Rev S Nengzakhup leh a seppihte thumpih ni.

31. NIPINI: January khatawp tan hon pi i biak Pathian kiang kipahthu gen in, tukha sung a sepkhelh i neihte ah A ngaihdamna ngen ni.