1. SEPNAWNNI: Kha thak hon musak i biak Pathian kiang a kipahthu gen in, Pathian itna ziak a A gam nasepna ding tatsatlou leh ginomtak a thilpiak pemite ziak in kipahthu gen ni.
2. NILAINI: Manipur leh ei district a Covid-19 hipi hong kithehdalh panta ahihman in, Pathian hon kepbitna ngen in, naksem in thum ni. Mimal chih in kivensiam poimoh ahihdan thei a, pilvangtak a solkal dan bawlte zui siausiau dia thumanna i neihna ding in thum ni.
3. NINGANI: Toupa’n hun pha hon piakleh September 4-6, 2020 sung Thanlon Division in Missions khawmpi EBCC Palkhuang ah nei ding a, Rev K Kamchinkhup, Director of Missions in thu gen ding, thumna ah phawk ni.
4. SINTAWPNI: Saptuam member chih in Khristian thilpiak awlmoh leh chitaktak a i piak theihzel man un kipahthu gen ni. EBC local, Division leh Headquarters budget-te i tunzoh chiat theihna ding in thum ni.
5. KIGINNI: Covid-19 buaina kawm ah Pathian in gingthak hon pezel a kipahthu gen in, missionary-te leh gingthakte thumpih ni.
6. NIPINI: Mission field a semtute omna munte a damdawi inn leh doctor gina omlou ahihman in, amaute bitna ding leh damna ding in thum ni.
7. SEPPATNI: Covid-19 buaina kawmkal ah, Pathian in Mission adia thum ding leh thilpiak pe ding mi hon behlapsak zel a, kipahthu gen ni.
8. SEPNAWNNI: Tualsung Saptuam akipan a Upa Ordain dia telching thak a omten September kha sung in Exam nei ding uh, buaina omlou a lohchingtak a exam a neih theihna ding un thumna ah phawk ni.
9. NILAINI: Pathian in hun pha hon piakleh ni 10-13, 2020 sung BYF Singngat division in EBCC Singngat ah khawmpi nei ding a, Rev V Thangkhanmuan, Youth Co-ordinator in thu gen ding. Thumna ah phawk ni.
10. NINGANI: July 20, 2020 in EBCC Sialbu kum 100 chinna leh Pathian kiang a kipahthu genna hun Rev Thawndoulian, DS Singngat makaih in nei ua, Centenary suangphuh honna leh ankuang umkhawmna leng nei uhi. Toupa kiang ah kipahthu gen ni.
11. SINTAWPNI: September 11-13 sung Lamka South Division Dorcas Khawmpi, EBC Gospel Centenary Hall ah om ding a, Rev K Kamchinkhup thugentu in pang ding, thumna ah phawk ni.
12. KIGINNI: Lockdown ziak in mipi biakkhawmna omtheikei mahleh, Online sermon leh BCD Sunday School kisinsakna paithei zelte ziak in kipahthu gen ni.
13. NIPINI: Tukum Headquarters leh Division a Committee tuamtuamte kitelthak kum ahi a, lockdown ziak a buaina omlou a, kitelna Pathian deihna bang a sai ahihna ding in thumna ah phawk ni.
14. SEPPATNI: Lockdown ziak in Saptuam a Construction na pailelte ah buaina leh nawngkaina tampi om hi. Biakin, Nipi Skul, Prayer Hall leh nasepna dangdangte sutzom theihnawn ahihna ding in thumna ah phawk ni.
15. SEPNAWNNI: Covid-19 ziak a nektak zonna buai in, gam pumpi ah kial ke thei ding in omta hi. Hiai bang kialpi omtheite apan kivenna ding in Awareness Campaign Phase-I, Thanlon division ah lohchingtak in neihzoh hita. Aban leng neihzom zel ding a gel ahi, Pathian kiang thumna in phawk ni.
16. NILAINI: Government in New Education policy hon puankhiak in sinlai naupangte maban ding ahoihzaw lam a hon heina ding in thumna in phawk ni.
17. NINGANI: Local chih a BDF ten hun lemtang a neih bang un thumna hun zangthei zel ua kipahthu gen ni. Division BDF panlakna in amau division sung a local BDF makaihna in saptuam chih in thumna hun zat ding in a na gelthei zel ua, kipahthu gen ni.
18. SINTAWPNI: Pathian vualzawlna toh Dorcas Antangpham hong lut hoih zel, kipahthu gen ni. Dorcas pawl inleng nasep hoih, thilhih hoih a hausa leh genthei leh haksazawte panpihna nna semzom theizel, kipahthu gen ni.
19. KIGINNI: Director, Social Development nuai a semtu Bible zilzou, M Nenglianmang leh M Benzamin-te ziak a kipahthu gen in, amaute tunung a posting piakna mun a kithalawptak a a pai theihna ding un thumpih ni.
20. NIPINI: Ebenezer Academy, managing board, teaching & non-teaching staff leh student-te ziak a kipahthu gen in, maban ah Toupa ompihna leh makaihna ngen in thumpih ni.
21. SEPPATNI: Pastor L. Amuba, MEBC D Phailian in Covid-19 buaina kawmkal ah, Lamphel Baptist Church pansan in Nipinite ah Online sermon pekhe theizel a, mi tampi’n khalam ah phattuampih mahmah uh chih thu kiza. Pathian kiang kipahthu gen ni.
22. SEPNAWNNI: Emmanuel Academy, Teikhang a Headmaster, Upa H Thanglianding, a seppih staff-te leh student-te ziak a kipahthu gen in, chidamna, sepsiamna leh sinsiamna Toupa Pathian kiang ah ngetsak ni.
23. NILAINI: Headquarters, division leh local chih a sum saite ziak a kipahthu gen in, sai siamna Pathian akipan ngen in thumpih ni.
24. NINGANI: Tukum kha kuana bang paita sung a semtu hon sihsante inkuan mite ading in Pathian khamuanna ngetsak ni. Tukum sung mah a nasepna zou a pension semtute taksa chidamna leh khosakna lamzangtak a paizom zelna ding in thumsak ni.
25. SINTAWPNI: EBCC Songtal in Pastor’ Quarters thak tha tampi mahmah seng a a na lam uh zouta in, July 26, 2020 in Rev Thawndoulian, DS Singngat in honna leh latna nei in, tuin Pastor in luahta hi. Pathian kiang ah kipahthu gen ni.
26. KIGINNI: Doctor leh Nurse ban ah medical department a semtute tengteng thumsak lailai ni. Damlou kepna Pathian nna ahihna bangtak a hon sep theihna ding un thum ni.
27. NIPINI: Saptuam School a semtu Evangelist Teachers mun tuamtuam a semtute tu lockdown sung a leng naupangte khualna ziak a khawllou hial a septheih dandan a sem ahihman un thumna in phawk ni.
28. SEPPATNI: Covid-19 thuak a khovel pumpi kap-le-mau a om, mahni kingaisia a kithat hial bang leng om ahihman in hiai natna akipan hon vengthei Pathian kiang ah a damdawi ding muhkhiak pah ahihna ding in thum ni.
29. SEPNAWNNI: Hun haksa hiai bangteng i tuah nung a leng lungtang khauh mahmah lai Pathian mel zong nuamlou kitam lawlai hihman in poi mahmah hi. Khasiangthou vuah nanung khatvei bek hong zusak lai ding in Toupa kiang ah ngen ni.
30. NILAINI: Tuni kha bei ni tandong Pathian in hon pikai nawn a kipahhuai petmah hi. Pathian min i phat ding uh a, a thak a kipumpiak in khathak hun a tampi sem leh bawl thei ding in chidamna ngen ni.