Convention English School (CES) Local School Committee Empowerment Program Thanlon Division ah February 9-12, 2018 sung manpha leh lohchingtak in kizou hi. Hiaitan hon pitu i Pa Pathian min phat in om hen.
Thanlon Division a CES Local School Committee Empowerment Program zatna report tomkim in i taklang ding.
Hun zatdan tangpi:
PHASE – I, EBCC Bukpi ah, February 9-10, 2018 sung zat ahi. Bukpi CES Building thak honna - February 9, 2018 in Bukpi CES Building thak honna Director of Social Development in nei a, nitaklam in school lopna annkuang umkhawmna palai teng in kineihi.
Bukpi Local School Committee Training - 1:
February 9, 2018 nitak dak 6:00 – 8:00 in mipi biakna kikhop ah Mr. K. Jamchinthang, Head clerk, Dorcas Hall in thugenna hun zang hi. Biakna kikhop tawp in Pastor Quarters ah houlimna hun kinei hi. Hiai hun ah Bukpi BDF ten vaidawnna singpi hon dawnpih uhi.
February 10, 2018 a sinsaknate:
6:00Am - 8:00Am sung Rules and Guidelines of EBC Schools
toh kisai Director SD in sinsak hi.
9:00am -10:30am sung Education Policy of the Government wrt RTE Act toh kisai Mr. Pumshong Hangshing in sinsak hi. 10:30am – 12: 30am sung Dotna leh Dawnna hun Rev L Khaikhansong DS Thanlon in makaih hi. Hiai hun ah school toh kisai theih ut tuamtuam te dotna leh dawnna hun kinei a manpha mahmah hi.
CES Palkhuang Building Honna: February 10, nitaklam dak 1: 30 – 4: 00 sung in CES Palkhuang School Building thak honna Director –SD in nei a building thak lopna in khosung mipi in vok khat gou in ann kinekhawm hi.
School Committee Training - 2:
February 11, 2018 a sinsaknate:
February 10, 2018 nitaklam a Palkhuang a pan kipankhia in nitaklam dak 5:00 vel a Phaitong tung in nitakin LSC Training Phase 2 ka pan ngal ua, Heutupa Pumshong Hangshing in Pathian thutak genna hun zang hi.
6:00am – 8:00am in Rules and Guidelines of EBC Schools chih Director S D in sinsak hi.
9: 30am - 11:30am sung mipi biakna kikhop ah Heutupa K. Jamchinthang in Pathian thutak gen hi.
CES Sinzawl Vehna: February 12, 2018 zingkal in CES Sinzawl etkhiakna (inspection) kinei in Local School Committee leh hosteller-te toh program tomchik zangkawm in singpi dawnkhawm na kinei hi.
CES Songtal Building Honna: February 12, 2018, 8:00Am vel a kipankhia in Songtal dak 9:30 vel in ka tung ua, Saptuamten vaidawnna singpi hon dawnpih ua CES Songtal Building thak honna leh latna Director- SD in nei hi. Building thak lopna in Committee te toh ann kinekhawm nawn hi.
CES G-Bualzang leh EBC Hostel Suangdoh Etna: February 12, 2018 Sun dak 12: 00 in Songtal apan kipankhia in CES G-Bualjang ah sawtlou va bang in School Textbook ding Upa Dr. N Lalzagou in a leisak piakkhiakna kinei hi. Tuazoh in huaimun apan hong paikhia in EBC Hostel Suangdoh etna ka nei uhi. Huai apan hong Reports 31 pai in DS Office Singngat ah singpi dawn in nitaklam dak 5:00 vel in inn ka hongtung uhi.
Tutung ka khualzinna uh khatvei zin a program tampitak kopkhak theih ahihman in manpha mahmah hi. Training program te ban ah school building thak 3 tak hon khak theih lamdang zozen hi. Training program manpha mahmah a, buaina leh theihsiamlouh tampi kihilhchian kha thei a om manpha diak hi.
Toupan A Saptuamte maban sawn zel thei ding in hon vualzawl zel hen. Ka kipak.
Khrist leh Agam adia na seppih
Sd/-
Rev. Gin malsawm, Director of Social Development, EBC