(MISSIONARY CONFERENCE-CUM-MISSIONS GOLDEN JUBILEE-2017)
Pathian kiang a thumna tampi toh lat leh sai a om MiCoGoJ-2017 program buaina leh daltu omlou in November 30 – December 3, 2017 sung Gospel Centenary Hall, New Lamka a kizang toh kisai report tomkim anuai a bang in hon kibawl hi.

Vaisaina: Hiai khawmpi vaisaitu CMSC panlakna in a manpha leh phatuam theipen ding ngimna in Coordinator khat zel etkaina nuai ah Department guk-
1. Program,
2. Physical & Strategic Planning,
3. Transport & Accommodation,
4. Media & Publicity,
5. Publication, leh
6. Finance chihte a khennen ahi.

CMSC leh Department a Coordinator-te Executive Committee a kichi a, GS Adviser a neih ahi. Amauten theihtawp suah a pan honlak man un khawmpi nuam leh manpha tak a zoh in om a, kipahna a lian mahmah hi.

Khawmpi Palaite: Hiai MiCoGoJ khawmpi a Missionari hong paikhawm leh nuamtak a na zintuntute:

Thugenna & Sinsakna: Hiai khawmpi ah Thugenna -7vei, Seminar-2vei, Workshop & Consultation- Hun 3 (6:30am-3:30pm) neih ahi. Sinsakna leh thugennate ei’ saptuam heutute mahmah zat hi ua, Pathian ompihna tang in thu manpha taktak genna leh lungkhoih mahmah sinsakna te neih ahi. EBC Myanmar apan heutulian thum in hong uap ua, report leh thugenna hong nei uhi. Semtu hilou Field apan palai te bus nih in town polam ah vaisaite makaih in sightseeing in pai uhi.

Jubilee Lopna: December 3, 2017 (Pathianni) sunnung a neih ahi. Hiai hun ah- Jubilee Suangphuh Honna, Jubilee Prayer Hall bulpatna leh Fund raise patna, Missions Committee masate leh Secretary/Director masate ban ah saptuam dang apan heutu sawm val in hong uap ua, amaute Memento leh Souvenir Bukhat chiat ban ah pawl dang apan Lapawl sa dia chial saptuam li (4) te Mememto piakna neih ahi. Central Choir leh Naupangte apan Hallelujah Chorus lungkhoih tak a action toh lahna om hi. Thilpiak nihvei lakkhawmna om a Rs. 64,091.00 ban ah Jubilee Prayer Hall adia sum a muh leh thuchiam gawm in 1.3 Lacs vel phazou hi. Hiai project phuankhiak ahih ma in TMC, EBCC Shillong in a thu zakha in Rs. 10,000.00 hon thon khin uhi. Pathian in thupina tang hen!

Kipahthu: Hiai program ah Departmental Committee te leh amau kithuahpih dia a sehte un theihtawp suah in, a sun a zan in sem ua, a kipiakna uh manpha in zahtakhuai petmah hi. EBCC Delhi in Memento, Key Chain, Balloon chihte hon saisak ban uah Jubilee lopna a zat ding Paper Cup 10,000 ngut
hon thoh uhi. Missionari-te zintuntu saptuam ten nek-le-dawn, giahna bangkim na sutuah in duat tak in na enkol uhi. Amauten Saptuam a sang a sim te kituaktak a kilawikhawm thei thupi leh lamdang honsa uh. Field apan damlou a kemtuten drip khaina dia Gelco a thuahsak un a inkuante lah dia lakhe lou inchin khatvei le kisil lou a kiknawn (‘nou ka inkuanten hon kem nuamlou, miten hon it ua, hon kem uh’ chi ut!). EBC mi-le-sa pawl dang lak a sem missionary sawmkhat hong uap tute, Ushers, Volunteers, Lapawl, Social Work dia sehte, khual leh tual apan uaptu tengteng, program te live a hon khahkhiak sak Local Cable te ban ah opening leh closing ceremony te lungkhoih takmai a honsai heutute leh uaptu tengteng ziak a lohching ahi.

Gahsuah dia Lamet: Hiai khawmpi ah Missionari-te salam leh khalam a kihihsiangthou ding, Jesu Khrist etton a nei, khate itna thak,thunuailut leh kingaihniamna lungput nei ding hi ding in.

Mipi leh mimal mal ten i sep kei le leng mi dangten na sem thou, Tanchin Hoih kigen zak veve ahihman a thilpiak, leh thumna a pan thak la dia kibulpatna hi ding. Tamlou i piakkhawmte, thumna a i panlak na sunsunte Toupa’n kipahpih a, huai dia hamphatna honpiak ahih phawk a Missions nasepna a kal thak suanna hun hi ding in. I pankhawmna ziak ua hiai khawmpi lohching ahi a, kuapeuhmah tung ah kipahthu i gen hi. Pathian kia in thupina tengteng tangta hen.

- Rev V Thangkhangin, Director of Mission