I. EBC Myanmar apan hongpaite thugen:
EBC Myanmar in November 30, 2017 zingkal in Bethel Baptist Church, Lailam veng Biakin ah EBC India tung a kipahthu genna in Ankuang hong umpih uhi. Hiai hun a EBC Myanmar General Secretary Rev. Thang Cin Mang in Saklam EBC (EBC India) te tung a Lungdam kohna a a thugen laksawn tangpite anuai a ahi:
A paiteng pulakna:
1. Rev. Thang Cin Mang, General Secretary
2. Rev. Dr. Jacob Kham Khan Mung, Vice President
3. Rev. Lian Do Nang, Associate General Secretary

LUNGDAMKOH PULAKNA:
Kawlgam EBC pawlpi kipat tung pan hong kem hong panpih India EBC tung lungdamkohna nei ding a hong pai ka hi uhi. 1970 kum apan Kawlgam, a diak in Tedim gam ah kha khanlawhna lianpi hong tung a, pianthakna tungtawn in a omsa Baptist pawlpi pan kikhenna hong piang kawikawi hi. Hih khanlawhna pianna pen saklam unaute thungetsakna hang mah ahi hi. Tuabang a piangthak kihawlkhiate 1975 teh hong kigawm in pawlpi khat in hong dingkhawm uh a, Evangelical Baptist Conference kichi hi. Kum 1970 - 1985 chiangchiang Kha Siangtho in meikuang bang in nasatak a nasem ahih man in piangthak le pawlpi
khangziahziah hi.

Piangthakte zong a nuntakna uh kikhel takpi uh a, kilawp thei mahmah uhi. Tuabang khanlawhna pen tudong omkik nawnlou hi, chi’n ka thei hi.

INDIA EBC TE’ HUHNA:
Tua hun a EBC sia masate in; Rev. Go Za Kham (khasum Ks.350), Rev. Hau Lian Kham (khasum Ks.300), Syama Khuang Nawn (khasum Ks.300), Rev. Vial Kho Hau (khasum Ks. 50), Rev. Gin
Kho Thawng (khasum Ks. 50) te ahi uh hi. Siate khasum piak ding zong haksa kisa den ahih man in Rev. Go Za Kham in Sia Thawng Lian Thang le Upa Khual Suante India ECC (tua EBC) te kiang ah huhna ngen in sawl hi. India EBC te in zong Rs.10, 000 na pia pah uh a, ahi zong tua huhna sum pen EBC pawlpi hong tunglou kici hi.

Tuazoh a sawt lou-in Upa H. Gin En Cin (Accountant EBC) Lamkaah va pai-in tua laitak a, ECC heutupi pa Pu T Jamkhothang kiang ah huhna sum a kingah lohna thu a gen teh Rs.10,000 mah hong piakik pah uh hi. Upa H. Gin En Cin in Tedim hong tun teh EBC makaite tung ah ap a, tua-a kipan siate khasum a ching in kipia suaksuak zo ahi hi. Kum khat chin teh Ks.3700 bang val lai ahih man in tua toh laikhetna saute (type writer Roller sau) khat kilei lai hi. Tua pen EBC van neih masa pen hi pah a, sawtpi tak mah kizang hi.

Tua ban ah, Saklam pan Sia Pum Za Thang, Sia Thangta, Sia Paukhanlian, Sia Thawnzakham leh Sia Lamkhanthang cihte hong paisuk in crusade hong bawl uh a, khanlohna hong kizom toutou bek thamlo-in pawlpi zong hong kipsak semsem hi. Sia T Pum Za Thang bang Tonzang ah hong kiman in, tua huna EBC
makaite in na en na vaan uh a Ks.3000 tawh tankhia uh hi. Tua tatkhiatna pen zong Saklam EBC mah pan hong lohkik uh hi. Hun khat ciang in Sia Go Za Kham leh Sia Hau Lian Khamte makai-in khangno hon khat tawh Lamka-ah gospel pai uh hi.

Tua tungtang in zong ECC (EBC) makaite tawh kimuhkhopna nei uhi. Kawlgam ading a Paite Laisiangthou leh laibu nam tuamtuam tampi hong pia uhi. Sia Hau Lian Kham’ laibu UPNA LAIGIL zong hong bawlsak uh hi. Hichi bang in Kawlgam EBC pian tungin Saklam ECC (EBC) te in hong kem, hong vaan uh ahihman in tu-in Kawlgam EBC pan lungdamkohna a kinei ahi hi.

LAI SIANGTHO SANGKAHTE HUHNA
1973 - 1977 Berean Baptist Bible College-ah kha khatin Rs.30/- in hiai mite huh hi. Amaute;
1. Suak Za Go (Valvum) - AG sung ah sem
2. Gin Khan Kham (Tuimui) - Kawlgam Biblical Baptist Church phuankhia hi.
3. Gin Khen Mang (Tedim) -Kawlgam EBC ah sia masa khat hiin, President, Associate Secretary kum tampi a sep khit the Yangon tungsuk in, tulaitak Yangon EBC pastor sem hi. 1975 - 1980 Bharat Bible College-a kahte sangsap a lang (1/2) Rs. 40/- ta tawh huh hi.
1. Tual Khan Pau - EBC sia masate khat hi-in Associate Secretary leh General Secretary a sep khit teh Yangon lam tungsukin Friends EBC phutkhia hi.

2. Zam Lam Thang - EBC sia masa khat mah hi-a, FBBC ah Professor tawl khat a sep khit teh US ah Ph.D sin in pai-a, tua pan hong nusia hi.

3. Vung En Thang - EBC sia masa khat mah hi-a, Associate Secretary term khat a sep khit teh Yangon EBC ah pastor sem in, tua pan US tung a, tu laitak in Kentaky EBC pastor sem hi. Deradun Presbyterian-te sang a kah a nuai-a teng zong messing fee a lang ta tawh huhna pia hi.
1. Neng Khan Thang- EBC sia masate khat mah hi-in, tu laitak Yangon-ah pawlpi le sang nei hi.
2. Zen Khan Khup 3. Bu Phui Lai Siangtho Sangnaupang thongkiate hotkhiatna 1. Tun Go Lian (Mualpi) 2. Tual Khan Pau 3. Neng Khan Thang 4. Cin Sian Paute 1979 in kiman a, lockup-ah zan nih, Imphal-ah ni 10 sung thongkia uh a, Convention in Rs. 4,000/- tawh hong hotkhiatsak hi.

Hici bang in Saklam EBC tawh Khazih sung ah unau, pawlpi khat bang in pangkhawm in, Kawlgam EBC kipat tung in hong huh hong en uh ahih man in EBC-DG/2017 tungtawn in EBC gambup min tawh lungdamkoh ding kikhensat hi.

TU LAITAK KAWLGAM EBC THU
Association Nih in kikhen a Kawlgam Saklam EBC leh Kawlgam Khanglam EBC ahi hi. Kawlgam Saklam EBC pen khanlohna tawh a piangkhia Tedim phualpi (Hqrs.) in a nei Evangelical Baptist Conference ahi hi. Kawlgam Khanglam EBC pen khamtheih guihtheih goihte a kem, Myanmar Young Crusaders (MYC) gospel music band a nei Dr, David Yone Moe nasepna pan a piangkhia pawlpite hi-a, Ensein, Yangon phualpi-in nei hi. Pawlpi 48 bang pha uh hi. Kawlgam Saklam EBC pen tu-in kum 42 phakhinta a, gamsung gampua kigawm pawlpi 100 val pha-in, Khawk 10 in kikhen a, a minam in Tedim, Thahdou, Awn, Halkha Zotungte kihel hi. USA ah pawlpi om in, Singapore leh Malaysia-ah pawlpi khat tuak om hi.

Tulaitak sia vekpi 170 bang pha-in, Youth Department, Women Department, Mission Department, leh Music Department chih bang in Conference nuai-ah Department tuamtuam tawh na kisem hi. Hih department-te zong amau munmun tek ah hanchiam in thahat thei mahmah uh hi.
Mission nasepna tawh kisai-in, 2016 pan missionary 27 kikhahkhia-a, Kawlte lak bulphuh in na kisem hi. Tuaban ah amau private-a missionary a sem a lohching mahmah zong om hi.

LAI SIANGTHO SANG NASEPNA
LaiSiangtho sang nasepna tawh kisai-in EBC pawlpi mite phuhkhiat Conference chiaptehna (recognition) a ngah sang (8) bang om hi. Tua ban ah Christian Sang (Christian Academy) 3 leh tagah kepna sang (Orphanage Ministry) pawlkhat zong om hi.

MAILAM NGIMNA
Kawlgam sung minam tuamtuamte lak ah Lungdamna Thu puak zawh nading ngimna bulpi kinei hi. Tua ban ah gamdang mission nasepna neih zawh ding dong in ngimna kinei hi. Education Department, Literature Department, Relief Department-te neih zawh lai ding zong ngimna kinei hi.

II. EBC Sik-le-tang a Rev. Dr. Pum Za Thang Tombing thugente:
1. Greetings: Amasa in Zomite, zu-le-sa bang a singnuai gam mual a khosate itna tawh hong zong khia i Topa Jesu min in na khut uh hong len ingh. Nidang a ei Zomite unau khat i hihlam uh zong kitheilou a, mi tuampi ana kisate Gospel, Pianthakna-Gupngahna thu hang a kitanauna hong bawlsak i Topa Pasian in minthanna teng teng tangta hen. Tutung a hibang a Pasian min a lungdamkohna nong neih uh pen thupi leh ngaihsun siam k’ong sa ua lungdam petmah hi ung chih ka hong gen phapha hi.

2. Missions: India EBC te’n Pianthakna hang a khanlawhna kana ngah lai ua, ka lungtang ua hong suak masapen noute salam a ka unau “Chin state” a piangthak nailoute a hi uhi. Tuabanga khamangthang vei a khitui naptui tawh ka thungetnate uh Topa’n hong dawng a, Missionary Evangelist a ka hong sawlte uh thugen Pasian in thupha hongpia in mi tampi tak in pianthakna leh khalam a mitkeuhna nei om ahi
uh chih ka theih man un Pasian min ka phat uh hi.

3. The Word (Logos): EBC in Burma pen gamtuam ahih man in ‘Missionary nna’ sawt ka seem theikei ding uh cih ka theih man un, Missionary Board EBC in, amasa pen ding in Tedim gam a ‘Gupkhiatna thu dik thuman gending in Laisiangthou sangnaupang, Tedim mi piangthak sinsen mi 7 kiim ka hong sponsored khit uh chiang in, “Pasian thudik thuman” gen ding omta chiin ka lung uh kim mahmah hi.
Tua Laisiangthou graduate te makaih in tuni tan dong EBC Myanmar, thudik thuman tawh na din uh man in kou India EBC te tawh thu up kibang “Pure Biblical sound doctrine” tawh dingkhawm a “Mission of Jesus Christ,” seem tuak tuak i hih uh man in Pasian min ka phat uh hi.

4. EBC Tedim: Tedim a EBC kiphuan dek tung lai a EBC Dorcas Hall a Exe. Secretary na thuzak khit uh ciang a ka Missionary uh Sia Pum Za Thang leh alawmte tawh kikamkum a EBC pawlpi a na hong dinna uh tuni ciang a kum 42 bang pha theita ahih man in Pasian min ka phat in, thupina vangletna khempeuh Aman tang denta hen.

5. EBC India & EBC Myanmar Khandan kibang (Missions, Evangelism & Church planting):
a. EBC India & EBC Myanmar in Jesu Thupiaklian (The Great Commandment) a bulphuh tuaktuak hi.
b. EBC India & EBC Myanmar in a Jerusalem (mipihte kiang ah) pan tuak uh a, tua khit in akim akiang (Judea, Samaria & utter most part of the earth) ah gupna thu gen tuak tuak hi. (1) EBC India in India Gam khuapi lian teng ah EBC akhat leh nih ciat phutta hi.(2) EBC Myanmar in Khuapite ban ah, Kualalumpur, Singapore, US : DC, Atlanta, Nashville, Florida leh Tulsa te ah EBC Biakinn neia, India EBC te’ sang EBC Myanmar te’n Foreign ah gamkekzaw uh bang hi.
c. EBC in India Mission Field 5: Manipur, Nepal, Karbi Anglong, Dhemaji & Sikkim nei hi. Permanent
Missionary Worker (EBC):83, Native Missionary (Mission Field): 72 neia, Agency/Partnership 5: FMPB, SIM (Serving In Missions),TBCA (tangsa Baptist Churches Association), OMF (Overseas Missionary Fellowship) leh WEC (Worldwide Evangelization for Christ) tawh seem khawm lel hi.

6. EBC Myanmar & EBC India in amau sung a Siate Mundang & Amau Vision tawh seem ding in tha pia uh:
EBC Myanmar in a sia masate uh: Rev. Dr. Dou Suan Mung, Bible College, Rev, Thang Khawm Pau, Christian High School, Rev. Dr. Neng Khan Thang, Bible Seminary , Rev. Drs. Jacob Mung (Literature Ministries: Bethel Myanmar), Rev Dr.Khup Lian Mang, Rev. Dr. Gin Khen Mang, Rev Dr. Go Za Kham (Development), Rev. Dr.Tual Khan Pau, Dr.Gin Enn Chin (Bible Translator), etc,etc te aki neih bawl uh mah bang in –EBC India inzong a sia masate uh: Rev. Dr. Ginneithang Ngaihte (Overseas Missionary Fellowship Thailand), Rev. Neng Zakhup Suante (North East Centre for Training And Research, Shillong) leh Rev. Dr. Pum Za Thang Tombing, (Gilead Ministries India, Bangalore) te, tha pia in kineih bawl mahmah uh hi.

Thukhupna: Hibang a EBC India leh EBC Myanmar in a nasep uh hoihtak a a sep touh theihzeel nak uleh pen i Topa Jesu ahong paikik chiang in, “Nasemtu muanhuai, EBCte tawmchik tung a na muanhuai man in tampi tung ah kong koih ding hi… Na Pu kipahna ah lut in” a hong chih ding lamet huai ka sa hi. Toupan
thupina, minthanna khempeuh tang hen aw.