1. Pastor Bial MissionsKhawmpi Report:
Tualsung Mission Committee makaihna in EBCC Tuithapi, Lailam Veng leh Saikul mipiten Pastor Bial Mission Khawmpi EBCC Saikul ah May 6, 2017 in kinei a Rev. E. Puakhanlian, DS, LND in “Mission Nasepna a Kilamthakna”(Matt. 28:19,20) chih thupi pansan in thu gen a Pathian ompihna toh lohching leh nuamtak in kizou hi. Pastor Tunson Bial Missions Khawmpi ka zat patna uh ahihziak in, mipi ka phur mahmah ua, kithutuaktak in kou mohpuakna lam chiat sem in ka pangkhawm siausiau ua thupi leh manpha ka sa mahmah uhi.
Khawmpi a hoh ding in Bethel Baptist Church, Lailam Veng a kipan in Gari 18, Tuithapi a kipan in Bus 1 leh gari pei nihnei 4, DS Office akipan Bolero 1 in ka kuan ua ka gamlum mahmah uhi. Khawmpina a refreshment Lamka North DS in hon sensak hi. Huan, Banner bawlman, program sut man, generator & PA system khelhmante BBC, TBSUC in seng vek uhi. Zintunna lam ah EBCC Saikul Saptuam mipiten feltak in honna vaitun ua, nuam ka sa mahmah uhi. Hiaite tengteng ziak in ka kipak mahmah ua, Pathian min ka phat uhi. Saptuam masawnna chi khat hi a ka theih ziak un Pathian tung a kipahthu genna leng hikawm in hiai Khawmpi report KTZ ah kon taklang uhi.

2. ualsungMissionKhawmpi & Missionary Day zatna:
EBCC Bethel Baptist Church, Lailamveng in May 06-07, 2017 sung Tualsung Mission Khawmpi leh Missionary Day zatna ka nei ua, Upa T Paukhansiam, Mission Co-ordinator in “Mission Nnasepna a Kilamthakna” (Mt. 28:19,20), chih thupi a nei in thu gen hi. Mission nasepna a kilamthakna ding toh kisai in ka navak tuan mahmah uhi. Missionary Day zatna tungtawn in Khasiangthou vehna ka tang ua ka kipak mahmah uhi, hiai tan a hon pitu Pathian in thupina tangta hen.
- Upa TS Zamlian, Secy., TBMC/BBC, EBCC Lailam Veng.