• Loh lakmasa pia:
Mr Thonthiansiam s/o Ngulsawmlian Buangmun Vangai Division a om in, Assam Regiment a sepna a muhziak in Pathian hon piak ahi chi in kipak mahmah hi. Pathian kiang a kipahthu genna in Buangmun tualsung saptuam ah a khaloh lak masakpen pia hi. Hichi bang a tuailaite’n Pathian phawkna a neih uh kipahpih huai i sa hi.

• Kipahthu genna:
March 5, 2019 in Lamka South Division in EBCC Teikhang Vengnuam Mizoram Division a om tualsung saptuam memberte vehna hun va nei uhi. Huai hun ah itna thilpiak sumtang leh van in leng tawi uhi. Veh a om saptuamte kipak lua in a kipahna uh KTZ tungtawn in hon taklang uhi.

• Kipahthu genna:
EBC School Sinzawl apan a HSLC candidate school naupangte Lamka a exam sung teng uh na kemtu Rev Ginmalsawm DSD leh heutu a kisaipihte, nek ding antang na pia, Pu T Paukhanlian Chairman ADCC leh sumtang a panpih Pa Mawiliankap; Dal leh Manggan meh ding petu Pu Siamlian. Exam hun sung teng a naupangte kemtu Sonching leh Gracy ban ah nektak saitute anhuantute leh akul bangbang a kithuahpih gige Sinzawl laizom heutute tung ah a kipahna uh lianlua ahihman in KTZ tungtawn in S. Chinzapau Headmaster CEHS Sinzawl in taklang hi.

• Accident tuahna tung a kipahthu genna:
Kha lui in Kanaan saptuam kemtu Pastor, Upate leh BYF min in kisuah khinta mahleh Mr H Pauzakap in February 2, 2019 a accident a tuahna tung a Pathian kepna leh a mizat tampite tung a kipahna, a pa Upa H Pumzasuan in hon gen thak nawn hi.

Kanaan BYF in Tonglon P veh dia a kuanna lam ua Tuikawt khokiang a accident a tuah lai ua itna nasep dongtute lungsim ah kipahna bei ngeilou ding bang hi. Tuate ahihleh, Tuikawt kho mipite siamna, Lamka South, North leh Imphal Division te siamna, Local saptuam leh mimalte siamna kigawmkhawm, Hospital a om sung teng ua vehtu leh thumsaktu tengteng, vanzat poimohte zangsaktu tengteng tung ah Upa H Pumzasuante inkuan mahmah akipan in KTZ tungtawn in kipahthu gen uhi.