I. LOHLAK MASAK PIA
1) Mr. Zamgoumung s/o Niangzakhawl, EBCC Kanan veng in Police Department ah sepna muthak in a lohlak masakpen Saptuamte’n a poimohna a zat ding in hon pekhia hi.
2) Unaupa H. Ginbiaklian, EBCC Kanan in Auto leithak a a sum muh masakpen Saptuamten Pathian gam nasepna a poimoh nana a zat ding in a hon pia hi.
3) Esther Manthiannem, d/o L. Paukholian, EBCC Pethuel in Pharmacist, Bangalore (IQUIA) ah sepna mu a a khaloh lak masakpen Pathian gam nasepna ding in Pethuel Spatuam ah pia hi.
4) Melody Vungngaihching, d/o L. Paukholian, Pethuel in GNM, Health World Hospital, Kolkata ah sepna mu a a khaloh lak masakpen Pathian gam nasepna ding in Pethuel Saptuam ah pia hi.
Pathian vualzawlna dongtute kipahpihhuai mahmah hi. Toupan amaute a tamsem in vualzawl leh chih i deihsak hi.
II. KIPAHTHU:
EBCC Enpum kipahthu genna: EBCC Enpum in Staff Quarter leh Guest Room bawlna ding Divisional Superintendent tawn-a Director SD a a nget uh lohching ziak a Pathian tung leh heutute tung a kipahna thu KTZ tungtawn in taklang uhi.
CES Tonglon P kipahthu genna: CES Tonglon P School Building zattak nawnlou a om EBC Lamka South Division-te deihsakna ziak in a tuang (Floor) Cement a bawlthak zek in Furniture khenkhat leng bawlzoh in om a May 19, 2018 in Bialtu Pastor G. Thangrousiam in Toupa min a latna leh kipahthu genna nei in zattheih in omta a kipahthu KTZ tungtawn in taklang uhi.
EBCC Zenhang Lamka Kipahthu genna: EBCC Zenhang Lamka in Pastor Quarter tung ah Saptuam Office ding a lamsan laitak un Fencing kipuk a chimohtak a a omlai un EBC HQ. panpihna leh amau thohkhawm in bawlzouta ua, August 14, 2018 in Rev. S. Vung Minthang, G/S in honna leh latna nei hi. KTZ tungtawn in a kipahthu uh hon gen uhi.
EBCC Suangdoh Kipahthu genna: EBCC Suangdoh in Printer a poimoh mahmah uh EBCC Hebron Saptuam in deihsakna lianpi toh a piak ziak un kipak mahmah uhi. Huan a Biakinn lamthak lai ua a taksapna uh huhtu EBC HQ. te tung a kipak lua uh ahihman un KTZ tungtawn in kipahthu hon taklang uhi.
EBCC Songtal kipahthu genna: Dorcas Hall letter box a ana kikhia ahi chi in BYF Songtal in laithon khat a khaktu min gellouh leh asung a sum Singkhat kithunkhawm BYF Songtal Hotdamna chialpi/camp ading kichi ka na mu ua, lamdang sakna leh kipahna in ka kidim uhi. Hon khaktu a min kigelhkei mahleh Bungmual BYF member khat Zodawn Evangelistic Tour a neih lai ua Songtal khua hon tawnkhate lak a mi ahi chih ka um uhi. Pathian in tamsem in amah leng vualzawl hen. Tua ban ah, Bungmual BYF te mah in Worship and Gospel Musical Nite a zat nitak un, Songtal BYF Hotdamna Camp ading huhna thohlawm hon donsak ua, Rs. 21,317/- tak hon khak uh leng ka na muh beh zomah ua, ka kipak mahmah uhi. Zodawn sum zon haksatdan hon theihpih a huhna tampi toh hon phungvuh EBCC Bungmual BYF te nasep ettontak sa in ka kipahthu genna uh leng hi kawm in KTZ tungtawn in ka hon taklang uhi.
- Upa Daithianlal, Secretary, EBCC Songtal.
Pastor Ordination for Ministry Outside EBC kipia: September 6, 2018 nitak in unaupa Suanlian Tonsing Bungmual a om a nasepna toh kisai a a poimoh ziak in heututen Pastor Ordination for Ministry Outside EBC in Pastor ordination pia uhi. Hiai hun ah heutupa Rev S Vung Minthang, General Secretary EBC in Thugenna leh Kichiamsakna nei a Rev Paukhanmang Guite, Director of Ministries in Pastor Ordination pia a, Upa M Ginzalian Chairman, CEC, EBC in Certificate piakkhiakna nei hi.
Rev Suanliang Tonsing, Bungmual a Pa Kaizagin tapa ahi a, aman tulel in International Baptist Convention, Frankfurt, Germany ah semlel ahi. KTZ September Issue (khalui in) amah testimony saulou kisuah hi.
MiCoGoJ Prayer Hall ding Ground breaking kinei: September 17, 2018 nitaklam dak 3 in Lamzang khua kiang a MiCoGoJ Prayer Hall mun ding Ground breaking leh a mun latna Rev S Vung Minthang, GS in nei hi. Hiai hun ah DS Lamka South leh North, Central Mission Sub Committee, Central Building Sub Committeete leh Dorcas Hall Staffte hunkhop kipaikhawm hi. Caretaker omna ding inn kilam masa phot ding hi, kuapeuhmah in thumna in phawk zel ni.