EBC Workers’ Fellowship 2018 kinei:
•July kha in EBC Workers” Fellowship 2018 mun thum ah kinei hi.
•July 10-11 in, EBCC Sinzawl ah Mizoram, Thanlon leh Singngat Division aten nei uhi.
•July 16-17 in EBCC Hebron ah Lamka North leh Lamka South Division ten nei hi.
•July 30 -31 in EBCC Paite veng ah Vangai Division leh Imphal Division in nei uhi.

Hiai EBC Workers Fellowship Programte ah General Secretary leh Director-ten sinsakna nei uhi. Semtuten kipiak thakna toh manphatak in programte zang uhi.

KIPAHTHU GENNA
EBC HQ in FY thak 2018-2019 a zatpat ding a sum saidan system thak a geel toh kiton a, kizaksakna nei a hong kalsuante kithuahpihna hoihtak hon pia Division chih a semtute, local Saptuam tengteng, field & khopi saptuamte tung ah kipahthu ka hon gen uhi. Tu’n hiai paidan thak toh kisai kalsuanna masa zohtheih in omta a, kipahhuai i sa hi. Kuapeuh kisintawm a system thak zui chiat i hihman in haksatna, theihsiamlouh om hun a kithuzak tuah zel ding in i kingen hi. A hoih zaw ding gelna a thil kikhek hong om laileh leng kuapeuh pangkhawm chiat ding in ka hon ngen sawnsawn uhi. Toupa’n hihtheihna hon piak bangbang zang a semkhawm ding in kuapeuh i kingen hi.
Email id: This email address is being protected from spambots. You need JavaScript enabled to view it./ This email address is being protected from spambots. You need JavaScript enabled to view it.
Mobile No. 9089218161; 7629976593 & 9774984330
Office No. 8259014118

Khajang BYF Kipahthu: EBCC Khajang BYF in, June 18 - 22, 2018 sung HQ. Sponsored-na nuai ah Solfa sinna nei ua, Mr. Kambiaklal leh Mr. Jamzathang Zoar Vengten va sinsak ua lohchingtak in zou uhi. Khajang BYF in hiai toh kisai a pangkha tengteng tung ah a kipahna thu uh KTZ tungtawn in gen uhi.

A kha khat loh biakin lamna din pia: Pastor Goubiakmuan, Aizawl Pastor in EBCC Aizawl biakin lam awlmohna ziak in a kha khat loh biakin lamna din pia a etton tak mahmah hi. Aizawl biakin lamzoh pah ahihtheihna ding in petu leh piak a omte Pathian in vualzawl hen.

CES Buangmun kipahthu: EBCC Buangmun CES in Staff quarter kum 2017 a a lam uh July 9, 2018 in Rev T Lalzagin DS Vangai in honna leh latna nei hi. Hiai Staff quarters lamna ding toh kisai a panlatute tengteng tung a a kipahthu uh KTZ tungtawn in hon gen uhi.

EBCC Maukot kipahthu: EBCC Maukot in June 29-1st July sung chialpina nei ua Rev Chinkhengoupau C/C in thu gen hi. Pathian pina leh thumsaktute ziak in program lohchingtak in zou uhi. Awlmoh leh deihsaktak a thugentu leh thumsaktute tung ah kipahthu KTZ tungtawn in hon taklang uhi.

Khaloh lakmasak pia- Mr Liansang John s/o S Kamkhansuan New Lamka ‘G’ a om in Police Department ah sepna mu a a khalohlak masak pen EBCC Bethlehem ah Pathian gam nasepna ding in pia hi. Pathian in a tamsem in vualzawl hen aw.