PENSION SUM LAK MASAK PEN PIA UH:
Upa S Ginzathang, EBCC Dorcas Veng in kumteng a a pension sum lak masak pen a piak gige tukum in leng Mission Field a nasepna ding in Rs. 10,000/- pia hi. Upa T Pumzahau, EBCC Hebron in a nasepna a a pension loh lak masak pen Rs. 15,000/- Mission nasepna ding in pia hi.

KHALOH LAKMASAK PEN PIA:
Nu Pamkhanniang w/o T/Upa S Chinsuanthang EBCC Tribal Colony, Imphal in Govt of Manipur nuai ah sepna (ANM) mu thak a a khaloh lak masak pen Pathian gam nasepna ding in EBCC Tribal Colony ah pia hi.

Upa T Dongzahau, Singngat in Manipur Government nuai a Graduate Teacher post a sepna amuh ziak a Pathian tung a kipahna in khaloh lakmasak pen local Saptuam ah pia hi.

Nu Lianzaching w/o (L) Ginthianlal, V. Munhoih in Manipur Police Department ah Constable nna a muhthak na ah a khaloh lak masak pen mission nasepna ding in EBCC V. Munhoih Mission Department ah
pia hi.

Mr T Thuamzahau, EBCC Pethuel leh a inkuanten a dawr bawlna ua tukum adia a sum muh masak pen uh Pathian gam nasepna ding in EBCC Pethuel Mission Committee ah pia uhi.

Amaute ziak in i kipak mahmah hi. Pathian in amaute vualzawl zel leh chih i deihsak hi.

OUTING NEI UH:
January 11, 2018 Ningani in Dorcas Hall Staff ten tukum sung adia nasepna pat taktak ma in Pathian kiang a kipiakkhiakna, khat leh khat kithumpihtuahna, thu poimoh tuamtuam kizaksakna leh kipawlkhawmna (Fellowship) Kakching Garden ah va nei uhi. Hiai hun nuam, manpha leh aamtak in va zang uhi. EBCC MISSION COMPOUND KIPAHTHU:
EBCC Mission Compound in apaisa January 10-13, 2018 a Makai Camp a neihna uah Camper 29 tel uhi. Lohching tak in zang uh a, Hotdam kitheihtelna neithak bang om in leh nungzuihna adia kipiak thakna nei chiat uhi. Hiai ding toh kisai a Dec. 18, 2017 ni a panpihna ankuang umsaktu tengteng tung ah kipahthu KTZ tungtawn in gen uhi.

EBC SIALBU BYF KIPAHTHU GENNA:
EBC Sialbu BYF Biakinn a zatding Solar Light System Headquarter tungtawn a nei ua Khristmas akipan a a zattheih takziak un kipak mahmah in a kipahthu uh KTZ ah hon taklang uhi.

PENSION THUMSAKNA:
Pastor Tuanchinpau, Mata bial Pastor in Janaury 19, 2018 a a taksa kum 65 chin toh kitawn in EBC sung a Pathian Nna a sepna ah Retired ta hi. Hiai toh kisai in January 22, 2018 in Devotion hun in Dorcas Hall Conference Room ah heutupa Rev S Vung Minthang, General Secretary in amah adia thumsakna leh a pension toh kisai a piak ding omte piakkhiakna nei hi.

BIBLE AND ECOLOGY TOH KISAI SEMINAR NEI UH:
Heutunu Muani Tombing leh a lawmte saina in Gamsung a sing leh lou, leitang keppitna toh kisai seminar i lak a i neihkhak louh Thanlon Division sung ah January 17, 2018 in EBC Bukpi ah nei uhi. Hiai hun ah Pastorte, Upate leh heutu tuamtuam 90 vel hiai Seminar ah tel uhi. Lamka South leh North Division a ding in January 22 in Mini Auditorium, Dorcas Jubilee Guest House ah nei uhi. Lamka South leh North Division
a Pastorte leh Saptuam heutu tuamtuam 70 hiai Seminar ah tel thei uhi. Hiai Seminar a tel ten i ngaihtuah khak ngeilouh poimoh mahmah ahi chi in nuam leh manpha a sak thu uh hon report uhi.