I. KIPAHTHU GENNATE:
EBCC Mualpheng Kipahthu: EBCC Mualpheng in Keyboard Project a aneih uh Thanlon Division, HQ, leh mimal phatuamngai tuamtuam ten sum leh pai tha leh zung a panpihna ziak a Keyboard nei ahihman un a kipahna thu uh KTZ tungtawn in hon taklang uhi.

Mata Mualtam CES Kipahthu:
Convention English School, Mata Mualtam in Pathian leh Heutute deihsakna ziak in Television nei ua, Lamka South Division in Speaker a piak ziak ua kipak in kipahthu KTZ ah taklang uhi.

EBCC Tuimajang kipahthu:
EBCC Tuimajang in Biakin hoihzaw leh kilawm zaw lamding tup a a neih uh Pathian leh heutute panpihna ziak in zousiangta ua Nov. 20, 2017 in Rev. Paukhanmang Guite, Director Mn in honna leh latna nei a Rev. G. Kamzamuan, DS, Singngat Division in Saptuamte adia thumsakna nei hi. Hiai bang a Pathian pina a dawn ziak ua a kipahthu uh KTZ tungtawn in taklang uhi.

EBCC Enpum BYF kipahthu: EBCC Enpum BYF in Sound
System Project a a neih uh amau kia a lei zoulou a beidong tak a a omlai ua a haksatnate uh theihsiampih a EBCC Zion BYF in AHUJA Sound Box nih a piak ziak un kipak mahmah ua KTZ ah kipah thu taklang uhi.

EBCC Thuangtam kipahthu:
EBCC Thuangtam in hunsawtpi apan a Biakinn meivak ding Project a aneih uh amau kia a a lei zohlouh uh heutute panpihna ziak in Solar Plate leh Battery W.150 te tuak a neihziak un kipak mahmah uhi. Huan Imphal Division BYF in Zoudawn Saptuamte a veh lai ua zinpak hoih taktak a va piak ziak un a kipahna thu uh KTZ tungtawn in taklang uhi.

EBC Gundung Pastor Bial Kipahthu genna:
DWC L/N Divisionte panlakna in EBC Gundung Pastor Bial Centre a Pastor 37 Quarters-cum-Guest House, khotual leh Headquarters pangkhawm a abawl uh zouta ua, DWC Chairman Upa V. Ginchinpau in Nov. 20, 2017 in honna nei a, Rev. E. Paukhanlian, DS, LND in latna nei hi. LND/DWC leh HQ panpihna ziak a Quarter hoihtak a neih ziak ua a kipahna thu uh KTZ tungtawn in taklang uhi.

II. KHALOH LAKMASA PIA
Miss Manbiakhoih d/o T Pumkhanthang of EBCC Bethlehem in Bank of Baroda a PO muthak a, a loh lak masapen Pathian gam nasepna ding in a omna saptuam ah pia hi. Pathian in amah tamsem in vualzawl hen.

Mr. Ginzamuan, EBCC Mission Compound, LSD in a vok tungtawn a a sum muh lak a Rs. 1000/- Mission nasepna ding in Hqtr. ah pia hi. Pathian in aleh tampi’n vualzawl hen.

III. REPORT
EBCC Mimbung in Bible Society a malakna Report: EBCC Mimbung in Bible Society tungtawn a Toupa’ Gam nna sepna a tua sang a masawnzawk ding lametna in Tualsung Bible Society committee in nasatak in pan kila hi. Inn teng ah member ding zong in Campaign kinei a i saptuam miten kithalawp tak in member hihtheihna lam chi tuamtuam ah hong pang uhi.

1. BIIS leh BSI a member tuni tan a Pathian in a hon piak dan:
BIIS BSI
a) Life Member - 03 a) Life Member - 28
b) Memorial Gift - 04 b) Memorial Gift - 12
c) Anniversary - 02 c) Anniversary - 01
d) Annual Member - 01

2. Member tunitan a kimu 51 ahi, Pathian ziak ahih man in thupina Amah i pia hi.
-T/Upa Damkhanthuam, Secretary, TBSUC/ EBCC Mimbung