I. KHALOH LAK MASAK PEN PIA:
1) Mr. T. Lianchinsiam s/o (L) Vialza chin, Zogam Road, Vengnuam, N Lamka in a sepna (Multi Purpose Health Worker) a khaloh lak masak pen Pathian Gam nnasepna ding in Local Missions Committee, EBCC Vengnuam ah pia hi, Toupa’n amah vualzawl zel hen.

2) Mr. T. Jamkhanlian of Thanlon in Electric Deptt. ah sepna muthak a Pathian tung a kipahthu genna in a loh lak masak pen EBCC Thanlon in kul leh poimoh bang a a zat ding un pia hi. Pathian in amah a tamsem in vualzawl hen aw.

3) Mr. S. Nangsuanmang s/o (L) S. Zamkhenpau, Lamzang in CRPF ah sepna mu a Pathian kiang a kipahthu genna in a loh lak masak pen EBCC Lamzang, Camp a zatding in pia hi Toupa’n amah vualzawl in makaih zel hen!

II. KIPAHTHU GENNA
1) EBCC Thuangtam kipahthu genna: EBCC Thuangtam in hun sawtpi apan a Biakinn meivak ding Project a a neih uh Solar Plate leh Battery W.150 te tuak neita uhi. Huan Imphal Division BYF in Zoudawn a Saptuamte a vehna uah zinpak hoih taktak Saptuamte ading pia ua kipak thei mahmah uhi. Hiaite ziak a a kipahna thu uh KTZ tungtawn in hon taklang uhi.

2) EBCC Lamjang Pastor Bial Kipahthu: LSD Baptist Dorcas Fellowship sponsor-na in EBCC Lamjang Pastor bialte; Lamjang, Geljang, Mata Mualtam, Mualpi leh D. Leikot ten August 7 - 9, sung EBCC Lamjang ah Camp nei ua, Evan. Lianding Guite in thu gen hi. Hiai camp ah mi 22 in hotdam kitheihtelna nei uhi. Camp sponsortu DBDF/LSD, leh thumna a panpihtu Saptuamte leh a lochingsak Pathian tung a a kipahna thu uh KTZ tungtawn in hon taklang uhi.

3) EBCC N.E. Tangnuam kipahthu: NE Tangnuam in Biakin a zat ding generator poimoh kisa a buaitak a a omlai un, Pathian in Pu T Thangzagin, Supt. Engineer, Power & Electricity Govt. of Mizoram in leisak a, kipak lua ahihman un KTZ ah kipahthu taklang uhi. A pa (L) Upa Ginsong theihgigena Saptuamte zat ding a a leisak ahi.