Taksa damlouhna ziak in May 5 – June 14, 2017 sung Mumbai ah ki-enkol a ka om lai in Pathian kiang a hon thumsaktu mi tampi om ahi chih ka thei hi. Thumsaktute ziak a Pathian phatna pekawm in kipahthu ka hon gen hi.

Damlouh dan: April kha kimlai vel in ka kal taklam pang hoihlou ahih dan ka thei khia uhi. Imphal Doctor (Urologist) in ka kal lakkhiak ngai ding hon chihsa himahleh lakkhiak louh a om theih khak zenzen leh chih lametna in Mumbai ka zuan hi. Lakkhiak teitei a ngaih ziak in MGM Hospital ah ka ki-admit hi. May 12 in hon at ua, May 25 in damtak in ka pawtkhia hi. Hiai hun sung in Mumbai a saptuamte bang, koimun peuh a om saptuam, thum pawl leh mi malmal in hon thumsak ua, Pathian in hon hihdamta hi. Check up khatvei nei khin June 14 in innlam ka zuan uhi.

Kipahna: Hindu-te Hospital ahih ziak a kipahhuai ka saknate tamlou kon taklang ding. Wheel chair zang a O.T. a hong piluttu’n, “Na lau hia bang na chi a?” hon chih lai in, “Ka lau kei Khristian ka hi a Jesu toh omkhawm ka hi” ka chi hi. Doctor in ki-atna lohching tak a zou i hi chih hon gen lai in, “Praise the Lord” thumvei ka chih khum hi. Ward a ka om lai in Male Nurse khat hong silsiang zeltu pan, “hon thumsak zel in aw” hon chimawk a thumu kisa in ka thumsak pah ngal hi. Hospital ka pawtsan dek in leng thumsakna hon ngen nawn a, ka thumsak nawn hi. Hiai khawng nengnengte ziak in nuam ka sa chih kon gen tel hi. Pathian phatna hihen aw.

- Upa L Vungzamuan, Manager, CBH