I. KHALOH LAK MASAK PEN PIA:

1. Unaunu Mary Lalthianching, d/o S Phungsuan, Shillong in Air India ah Air Hostess nasem a a lohlak masak pen Pathian tung a kipahthu genna in Toupa Gam nasepna ding in EBCC Shillong ah pia hi.

2. Unaunu Amy Haubiakmuan Hanghal, d/o (L) Thangkhanlun Hanghal in Air Asia ah Air Hostess Pathian pina toh a training zou thei a a khaloh lak masak pen Pathian tung a kipahthu genna in EBCC Kolkatta saptuam building fund ading in pia hi.

3. Unaunu Chiinmuankim w/o Samuel Lalremruata Bethel Baptist Church EBC Lailamveng in LRRC ah sem a a lohlak masak pen Bethel Baptist Church EBC Pathian gam nasepna ding in pia hi.

4. Miss Nianglalsiam d/o T/Upa Daldopau, EBCC Hiangmun a om in Private English Medium School, Aizawl, Mizoram in a Khaloh lak masak pen Missionary Vakna ding in pia hi.

5. Mr. H. Thangsuanlian s/o H. Thanghlir, Bethel English School, Hiangmun, Mizoram a om in a Loh lak masak pen Missionary Vakna ding in pia hi.

6. Mr. T. Paukhansuan s/o (L) Kamvum, EBCC College Veng, New Lamka in Manipur Government nuai a Veterinary & Animal Husbandry Department ah Attendant na sem a, a khaloh lak masakpen Pathian gam nasepna ding in pia hi.

Amaute ziak in Pathian in thupina tang henla, amaute a tamsem in vualjawl leh chih i deihsak hi.

II. KIPAHTHU GENNA
1. EBC Lamka South Division Working Committee in Zoudawn (Thanlon Division) vehna nei in Thanlon Division Working Committee toh kithuahkhawmna nuamtak nei ua, nitak in EBCC Thanlon ah mipi toh Biakkhawmna nei uhi. Vehtu DWC Lamka (S) Division in anuai a bang in panpihna pia uhi.
1. Thanlon DWC = Rs. 50,000/-
2. EBCC Thanlon = Rs. 4,000/-
3. Sinzawl Hostel = Rs. 5,000/-
4. Mualpheng CES floor bawlna = Rs. 50,000/-
5. Thanlon Hostel = Rs. 10,000/-
in hong panpih uhi.
Thanlon Division in Lamka South Division Working Committee in Thanlon Division vehna a neih ziak ua akipahna thu uh Thanlon Division DS in KTZ tungtawn in hon taklang hi.

2. EBCC V. Munhoih Kipahthu genna - EBCC V. Munhoih in Chowkidar Quarter ding a lam uh amau sumneih in zou deklou ding a omlai in Lamka South Division-te deihsakna in Quarter kilawmtak lam zouthei ua kipak mahmah uhi. Tuaban ah, heutupa Siamnunlian in awlmoh mahmah in Generator leina ding a piak ziakin generator hoihtak leita ua, kipak mahmah uhi. A kipahna thu uh KTZ tungtawn in hon taklang hi.

3. EBCC Sinzawl BYF Kipahthu genna- EBCC Sinzawl BYF in Mixer a poimoh uh HQ panpihna ziak in MIXER THAK a neih man un kipak petmah ua a kipahthu uh KTZ ah hon suah uhi.

4. EBCC Gamphazol Kipahthu Genna - EBCC Hiangtam Lamka Saptuamte’n EBCC G. Gamphazol Saptuamte poimoh mahmah Computer Set 1 deihsak tak a a piak ziak un kipak lua ua KTZ tungtawn in Pathian tung leh a pete tung a a kipahthu uh gen uhi.

5. EBCC Ngaljang Kipahthu genna - EBCC Ngaljang in a Biakin lui uh Feb 20, 2017 in phelkhia ua June 30, 2017 (Sintawpni) in athak Pathian panpihna ziak in tunding nawn in om a, heutupa Rev. Paukhanmang Guite, Director of Ministries in Pathian min a honna leh latna nei hi. EBCC Ngaljang Biakinn bawlna ding toh kisai a kiphaltak a panlakpih mimal leh Saptuamte leh heutute tung a a kipahna thu uh KTZ tungtawn in hon pulak uhi. Pathian in thupinate tengteng tangta hen.