MIZORAM DIVISION SUNG A I SAPTUAM SCHOOL-TE PAWL X RESULT
1. Mizoram English School apan Naupang 21 lak ah 21 in pass (100% Pass). Distinction ah 3, First Division ah 8, Second Division ah 7, leh Third ah 3.

2. Emmanuel Academy apan in Naupang 12 lak ah 12 in pass (100% Pass). First Division ah 7, Second Division ah 5.

DORCAS COORDINATOR IN SAPTUAM VEHNA NEI:
Heutute phasakpihna toh 28th April, 2021 – 4th June, 2021 tan Lamka North leh South Division sung a khua khenkhat khopi polam Tualsung BDFte toh Fellowship nuamtak in kizang zouthei hi. Hipi leng in lockdown leh curfew-te om mahleh Pathian in a itna leh lainatna toh hon pi a, dam leh bittak in saptuam mite toh hon kimusak in a itna thu leh late kikum a khalam vualzawlna tampi toh hiai hun hon zat zohsak ziak in kipahthu gen ni. Gundung leh Valpakot a khuate ah Saptuam mipi toh hun zatkhawm ahi. Amaute leng lungleng kisa in hon na ngai mahmah ua, Toupa khutsung ah hun nuamtak zangzouthei a kihihman in Pathian in thupina tang hen. Khua phak khaknate:

Lamka South: Tonglon P, Tuizang, Mualpi, Lamzang, Mata Mualtam, Mata, Mission Compound, Nghathal, Zoan, D Phailian

Lamka North: Saikul, Tuithapi, Gamphazawl, Khuangkhai, Jordan, Phaisan, Tuitengzang, G Mawnglian, B Kalzang.

LOH LAK MASAK PEN PIA

Mr Ginthanfel Dousel S/o Upa D Biakmuanthang, EBCC Bethany in SBI a Bank PO a sepna mu thak a, a khaloh lak masakpen EBC HQ. ah Missions nasepna ding in pia hi. Thilpiak petu Pathian in a maban ah vualzawl in a sepna ah makaih zel hen.