G MAWNGLIAN CES SCHOOL BUILDING HONNA & LATNA — KIPAHTHU GENNA: G. Mawnglian Convention English School Building kise mahmah ta kou kia a lah lamthak zoulou ka hihman un, EBC Dorcas Hall leh Lamka North Division-te panpihna toh zoh ahihtoh kiton in 11th. March 2021 in Rev Gin Malsawm Director SD in a honna leh alatna hong neihsak hi.

G BUALJANG CES SCHOOL QUARTER HONNA & LATNA — KIPAHTHU GENNA: EBC Headquarters in deihsakna leh awlmohna liantak toh kou EBCC G. Bualjang a CES school Quarters toh kisai lamthakna ding in huhna tampitak hon pia uhi. Huai huhnate zang in Quarters thak khat ka hon bawl uhi. HQ in hon piak sum in daih zou lou a, Local Saptuam Sum om thei dandan zang in kibawl tou a luah theih ding tan in kizou thei hi.

Tarik 28 March 2021 in Rev N Thawndoulian DS Singngat Division EBC in Palm Sunday hong zatkawm in honna leh latna hong neih sak ta hi. Tuin i semtu Headmaster leh a Inkuanten damtak leh kipaktak in luahta uhi. Hiai Quarters bawlthakna ding a pan hon lakpih D/S Singngat Division leh HQ te tung ah kipak mahmah in kipahthu hiai KTZ tungtawn in ka hon gen uhi.

SAPTUAM DINGTHAK VEHNA:

Imphal Division in Division sung a Saptuam dingthak Laimanai a om EBCC Paite Colony April 4, 2021 in Imphal Division a DWC in vehna nei in fellowship nuamtak toh hun zat ahi. Hiai Saptuam toh kisai hiai anuai a bang ahi.

1. Saptuam dinkhiak ni: January 06, 2021

2. Inkuan omzah: 14

3. Milip omzah: 86

4. Upa Ordain omzah: 01

5. DWC Imphal in theihpihna a piak ni: March 20, 2021.