DORCED HUHNA ANTANG PIA UH:

G Bualjang BDF in DORCED huhna ding in EBC Hqtrs. Dorcas Hall ah Antang bag 4 hon pia uhi. Hiai toh kisai in CBDF committee in sum suah in DORCED fund adia koih ahi. Hiai bang a awlmohna toh na hoih leh panpihna ban zak thei BDF EBCC G Bualjang te thupi mahmah uhi. Pathian in thohtute leh dongtute vualzawl hen.

LSD-DBDF IN KITHUAHPIHNA NEI:

Lamka South Division a DBDF in Division Khawmpi September 10-13, 2020 sung neih ding chih himahleh khovel buainate ziak in neihtheih louh in om hi. Hiai khawmpi hun a kithuahkhawmna hun khat zat ding a kigeel pen tangtung theilou suak ahiman in tua hun zat ding pen September 03, 2020 Dorcas Mini Auditorium mun ah EBC Hqtrs. Dorcas Hall a khalam nasepna a pan a na la Reverend-te, Evangelist-te leh Coordinator-te toh kithuahkhawmna leh thilpiak piakna LSD a Dorca-te sik-le-tang in neihpih uhi. Thilpiak dongtu leh petute Pathian in vualzawl zel hen.

BIAKIN BAWLNA HUHTUTE TUNGA KIPAHTHU GENNA:

EBCC Suangdoh in 2018 apan Biakin Building lamna ka pat uh tunitan a zouthei nailou ka hihman un Singngat, Lamka South leh Lamka North Division sung a Local Saptuamte kiang a ka maitang ding ua inn phiatna MUNPHIAH tamlou-lou kipiate honna laksak siausiau ban uah kampau toh honna vaidawn a, panpihna lam-et tunglam pek a sum-le-pai tampi honna piak ziak un ka kipak petmah uhi. Hiai bang a kithuahpihna manpha hon petute tung a kipak lua ka hihman un Khristian Thukizakna tungtawn in kipahthu ka hon gen uhi. Hiai toh kisai na sennate uh Pathian in aleh tampi in hon vualzawl hen.

— Upa M Nangkhanlian

Local Secretary,

EBCC Suangdoh

LOH LAK NANUNGPEN PIA:

Pa Thangzalam Vengnuam Jiribam a om in Government Teacher apan pension madeuh a lohlak nanung pen Missions nasepna a zat ding in EBC Hqt. Dorcas Hall ah Local Saptuamte tungtawn in hon pelut hi. Chidam tak in pension henla maban ah Pathian in vualzawl zel hen.