• EBCC PHAITONG SUNDAY SCHOO HALL CUM CES SCHOOL BUILDING HONNA LEH NUNGZUIHNA CHIALPINA: EBCC Phaitong ‘Sunday School Hall cum CES School building Honna, Kipahthu genna leh Latna April 28, 2019 Pathianni zing in Rev. Gin Malsawm, Director of Social Development in nei in vok nih gou in alopna in ann nekkhawm ahi. April 27 leh 28 ni mah in Director SD in Nungzuihna Chialpina nei hi. EBC Headquarters leh khua Hausapu Upa G. Thangchinlian apan panpihna leh Saptuamte’n tha-le-zung seng a building kibawl Pathian pina leh makaihna toh zoh theih a om ahih dan CES School committee leh TBSUC in taklang in kipahthu gen uhi.
• LAMETNAMUN CHIALPINA: LRRC leh Director Ministries EBC pangkhawm in Lametnamun ah April 29 apan May 3, 2019 sung John 5:14 – “Ngai in na damta hi, khial nawnta ken, huchilou in zaw thil hoihlou sem na tung ah hong tung kha ding” chih thupi zang in Heutunu Nemngaihmawi, Dorcas Coordinator leh Rev V. Thangkhanmuan, Youth Coordinator in Hotdamna chialpina lohching leh manphatak in bawl zou uhi.
• KIPAHPIHNA: Tangval Khamlian, Tonglon P a om in a tuailai hinkhua Jesu Khrist adia siangthoutak a zangta ding chi a thupukna bawl in kipiakkhiak thakna nei hi. A thilchin hoihloute tengteng nganja, laizial leh adangdangte Easter Sunday sun in Pathian leh Saptuam mipite muh in halsiangna nei hi. Pathian min phat in om hen.
• EBCC MISSION COMPOUND, JIRIBAM VANGAI DIVISION KIPAHTHU GENNA: Hun sawtpi apan a lunggulh uh KEYBOARD himahleh project a leng guang ngam nailou a om lai un G Songmuanthang leh a inkuante’n a thak liklek Biakna vanzat ding in present uhi. Saptuam mipite kipak lua in KTZ tungtawn in kipahthu genna taklang uhi.
• KHALOH LAK MASAK PIA: Mr. Kapmuanding Tonsing s/o Upa T. Sumzamang EBCC Bethany, Zoar Veng, Bungmual in a sepna SBI Clerk a loh a lak masakpen Pathian Gam nna sepna ding in EBCC Bethany Saptuam ah pia hi. Kipahthu gen kawm in Pathian in a sepna vualzawl zel hen.
• KHALOH LAK MASAK PIA: Mr. Thongbiaklal s/o T. Nengdouthang, CRPF a Sub-Inspector in a sepna a khaloh lak masakpen mission nasepna ding in pia. Tamsem Pathian in vualzawl hen.