Amasa in Gammial Aw Simtute tengteng i Toupa leh Hondampa Jesu Khrist min in chibai aw. Lungsim a Mission Field lam ngakawm in, Toupa’n ei adia thil thupi hon hihsakte enkhawm nawn ni hang.
A. NEPAL MISSION FIELD:
1. ANGKHOP WORKER’S QUARTERS HONNA REPORTS
Angkhop NEBC Saptuam panlakna in semtu quarter ding leh Sunday school building kithuah dia kibawl, zoh ahih toh kiton in Pastor L Paukhankhup in a honna leh latna April 19, sun dak 11:00 AM in nei hi. Evan. Dinesh Khadka leh a innkuante teng lut ngal uhi.
Angel English School: Pastor L Paukhankhup in April 19, in Angkhop Local Saptuamte panlakna mah a patkhiat Angel English School honna nei hi. Hiai pen a local Saptuam inteekna a Angkhop kiim a naupangte maban khualna ziak a patkhiak ahi. Pathian thutak puanzakna mun poimoh tak ahong hihngei i lamen hi. Naupang 20 valzek kikhumta, thumna ah phawk ni.
2. MENGMENG AH FELLOWSHIP THAK KIPAN
Pastor T. Ginkhozam makaih in, April 21 in Mengmeng khua a om gingtu inkuan 6, Upa 1 leh member 30 vel omna ah Fellowship pat thak in om hi. Hiai hun in gingthak Mr. Mankumar Rai, siampu Nna kum 12 bang anasemta, inn siansuahna leh a kithoihna vante koihkhiakna hun zang uhi. Evan. Diwas Rai in enkol ding hi.
3. TAPLEJUNG AREA GROUP EVANGELISM REPORTS:
April ni 8-10 sung Taplejung Area ah semtuten Group Evangelism nei in, Hangdeba khua a innlut chialpina leh film tungtawn a tanchinhoih genna hun nei uhi. Tracts 238, Thukhun Thak bu 40 hawmkhiak in om a, inn 107 leh milip 179 te lak ah nasepna om hi. Hiai hun ah gingthak mi 3 Pathian in hon pia hi. Toupa min phat in om hen.
4. KIPAHTHU GENNA LEH THUMNA DINGTE
1. April 2018 khasung a Pathian in Gingthak mi 38 leh Baptisma tang mi 5 hon piakte ziak in kipahthu gen in, khalam a hong hat zel na ding un thumpih ni.
2. April 29 in Sikkim, Uttarey station ah Student-te adin Career Guidance program lohching tak in sai uhi. Hiai hun ah school naupang 33 kihel ua, topic poimoh mahmah 3 tungtawn in semtute’n motivation talk lohching in neithei uhi.
3. Biakin leh staff quarter kilam lelte pai hoih zel, lamzangtak a zoh ahong hihna ding in thum ni.
4. Field in June 18 a kipan July 2, sung Basic Bible Training, Pathari NEBCC a neih sawm hi. Hiai bang training neih a kum thumna ding hita. Lohchingtak a neih ahih theihna ding in thumpih ni.
5. Evan. Sangbiakmawi in koppih pasal, Mr. Thangkhenmung Guite May 5, in EBCC Shillong ah nei a, a pasal toh a sepna, Itahari ah sunzom ding uhi. Nu-pa lohching a honghihna ding un thumpih ni.
6. Sikkim nun a i station thak, Jorethang ah Fellowship pat sawm ahi. Tuabang patpih ding gingtu mi 3 Pathian in hon piak ziak in kipahthu gen in Fellowship kip leh detdoutak ahong dinkhiakna ding in thum ni.
B. KARBI ANGLONG MISSION FIELD:
1. THU TUAMTUAM:
i) Gingtu Kibehlap: Pathian in i thumnate uh hon dawng in Gingthak, baptisma tang ding hon piak zel ziak in kipah huai i sa hi. Pathian kiang ah kipahthu gen in, a hong hat zelna ding un thumpih ni.
ii) Field sung Saptuamte a BYF Committee memberte’n Camp nei:
April 10-14, sung CES Paklongkam Campus ah BYF Hotdamna Camp (Peniel Camp phase III) nei uhi. Hiai hunah Camper 71 bang paikhawm ua, Speakers Evan. JK Teron leh Evan. Jacob Rongpi-te Pathian khasiangthou in naktak a zang in, Nungtolh thoukik mi 15 om a, Jesu Khrist Lal leh hondampa a sangthak mi 51 Toupan hon pia hi. Khalam kikepna ahong pichinna ding un kipah thu gen kawmin thumpih ni.
iii) Saptuam Vehna Nei:
1. Field Working Committee (FWC) a lemthei liai teng in April 15, in Motor Hire in, AFS makaih in Waisong Rongkhelan fellowship vehna nei uhi. AFS in Pathian thutak genna leh hanthawn thugenna hun zang hi. Fellowship ading in biakna vanzat ding Table 1, Nylon Chair4, Tutna ding Nylon Pheek 4, ban ah Bible leh Labu (Kero Alun) bang zah hiam tuak piakna va nei uhi. Hiai in amaute thathousakin kilawp tuam mahmah uhi.
2. Field Baptist Youth Fellowship Committee inleng April 22, in EBCC Tari Adong vehna hun nuam leh phurtak in nei va nei thei uhi. Hiai programme ah Evan. Jacob Rongpi in Pathian thutakgenna nei a paikhawmte kipak mahmah chiat uhi.
3. Field Baptist Dorcas Fellowship in khat leh khat kihanthawnna ding ngimna toh Dorcas khua leh khua kivehtuahna neih ding a a thupukna uh sepsuahna masa hiding in April 28-29, in BDF, EBCC Rongali in EBCC Tariadong vehna program nuamtak nei uhi. Huchimah bang in, April 29, in BDF, EBCC Dengaon in EBCC Rongchingri, Diphu vehna nei in Pathian vualzawlna toh hun nuam leh manpha tak in zangkhawm uhi.
iv) Field Superintendent & Accountant Zinkual:
April kha sung in Account lam saite’n All Divisional Superintendent leh All Field Superintendent, Dorcas Hall a sumsaidan kisinsakna nei ding a asap bang un Field Superintendent leng hiai hun in kihel thei hi. Huchimah bang in Accountant-te sapkhawmna hunah Office Accountant leng damtak in kihel thei hi. Huan Accountant leh Field Superintendent kizui in Kohima leh Dimapur Saptuamte phakual ua, sum saidan ding a Head Quarters in kisinsakna a piak bang uh genkhawmna hun va neihpih uhi.
2. THUMNA LEH KIPAH THUGENNA DINGTE:
Bithilangso a om Mr. Sivo Tokbi Karbi Honghari, Khristian hihding lunggulh mahmah, houlimna pai lel. Gingtu muan huai a hong hihna ding in thum ni.
April khasung a Khamangthang, Jesu khrist khebul zuante ziak a kipahthu gen in khalam a hong hat ua ahong pichin ngeina ding un Pathian kiang ah thumpih ni.
Field sung-a School i neihte’n 1st quarterly examna hoihtak a zou thei chiatta ahih man un Pathian kiang kipah thugen in lohchingtak a kumtawptan a kaitouh chiatna ding un thumna ah phawk ni.
Jiteplong a semtu quarter ding kilam zoh khiak a omtak ziak in Pathian kiang ah kipah thugen in manphatak a zat ahong hihna ding in thum ni.
Pathian leh heutute deihsakna ziak a EBCC Rongali Biakin honkhiak theih ahihtak man in kipah thu gen ni.
Rongali kho mi Mrs. Kachhai Hansepi Bleeding ziak a hun sawt kuamtak Doctor ki-enkolsak damsiang theilou a om, Pathian thilhihtheihna toh a hong dam siangna ding in thumpih ni.
Adharsa khua a om Mr. Amor Hanse Khristian hih lunglut, Pathian in hangsanna a piak a Khristian a hong kipiak theihna ding in thumpih ni.
Rongchingri Lumding Road Fellowship in Biakin mun ding poimoh uh, Pathian in a huntak a mun hoihtak ahon piakna ding in thum ni.
Pastor Joel Hanse taksa hatchiah kisalou, a honghat zelna ding in Pathian kiang ah thum pih ni.
Evan. Manzarual, a tha, a guhkal a lutkhak ziak a din leh pai vel haksatna nei, Pathian hoihna tang a damsiang leh hattak a sepna a hon sep theihna ding in thumpih ni.
Waisong Rongkhelan Fellowship in Biakna mun ding munkichian nei nailou, Pathian in a huntak a lemtang a hon gelsakna ding in thum ni.
Bible zil lunglut tuailai mi thum (Mr. Hemsing Ingti, Mr. Longkam Teron, Ms. Josna Ingti) te ziak in kipah thu gen in, amaute’n a lunggulh uh mualsuah ahihtheih ngeina ding a lampi Pathian in a gelsakna ding in thumpih ni.
C. DHEMAJI MISSION FIELD:
1. TRAINING & EMPOWERMENT.
April kha sung in Dhemaji Field a semtute lak ah Evan. Thangbiaksuan in “Christian Persecution & Christian’s rights on the based of Indian Constitution” chih thupi sinsakna nei in, Dunaguri area a gingtute lak ah lasak dan leh khuang beat dan tuam tuam sinsakna lohchingtak in neih pih hi.
2. KIPAHTHU GENNA & THUMNA DINGTE:
1. Pathian pina toh khadangte sang in tutung in GAH muhding hongtamzaw a, Pathian min i phat hi. Semtute tha-itna ziak leh thum tute thumna gah ahi chih phawk in Pathian kiang kipahthu gen ni.
2. April kha sung mah in Jhiadal Kekuri biakin huihpi’n mutsiat sak a phelkhiak in om a, hiai mun gingtu inn 2 kia omna ahih man in biakin bawl nawnlouh phot a Home Fellowship a paiphot ding in field in geel hi. Tunung chiang a gingtu hong kibehlap a biakin bawlthak ahih theihna ding in thumna ah phawkchiat ni.
3. Pityangchapori mun a semtu quarter bawlna in masawn theizel. Lohching tak a zoh ahihna ding in thumna in phawkchiat ni.
4. Pastor. S Thangbiakmang sinkha a suang om, May 15 in Sielmat Hospital ah Operation bawl in om, hong damsiangna ding in thumpih ni.
5. Mrs. Junmoni Kutum damlouhna chikhat (thachau) nei in omden hi. Doctor in a natna ding mu theilou uh. Mrs. Tulesori Taye leng TB natna ziak in dam lou in om. Amaute a hong damsiang theihna ding un thumzel ni.
6. Field ah gingtu khenkhat nungtolh om uhi, amaute’n khalam halhthakna hon tan ua biakna kikhop hon lunggulh theih nawnna dingun thumpih ni.
D. MANIPUR MISSION FIELD:
KIPAHTHU GENNA LEH THUMNA A THEIH DINGTE:
1. Toupan khamangthang mi 2, sawm a-khat pethak 05, missionary supporter 03 leh baptisma tang thak 02 hon piakte ziak in kipahthu genni.
2. Field a Casual Native ding in, N. Herojit of D. Phailian leh N. Joshua of Thanga Salamte lak thak hi uhi. Kipahthu gen in, thumpih zom zel ni.
3. Gingtu mitdel Prakash a nu-le-pa’n Biakin kai leh gingtute toh kithujak kham uh, tun khahkol theita ua, midangte lak ah tel theita ding hi. Thumnate dawngtu Pathian kiang ah kipahthu gen ni.
4. Jiribam a gingtu Robindro inn ding bawlsak a om zoh ahihtoh kiton in May 1, 2018 in Rev T. Lalzagin, DS Vangai Division in Pathian kiang ah latna nei hi.
5. Field taksap Roman script a kisun Bible ahi. Pathian panpihna ziak a tuailaite simtheih ding Bible neih baih ahihtheihna ding in thumsak ni.
6. Evan. S. Suranjoy, Sabantongba a semtu a awm lak nasa in khosik zel a, N Jona leng BP sang ziak in a lung-am in om thei zel hi. Amaute hong damsiangna ding un thumpih ni.