Amasa in Gammial Aw simtute tengteng i Toupa leh Hondampa Jesu Khrist min in chibai aw! Missions Field i neihte tungtawn a khamangthang mat ding i nna pipen ahih bang in, Toupa’n i thumnate hon dawng zel in khamangthang tampi a hotdamna huang a semtute leh A misiangthoute thumna tungtawn a hon pezel ahihman in kipahhuai i sa hi. Tuin leng, Toupa’n Field a semtute tungtawn a gah hon piakte leh nnasep i neihte enkhawm lehang i chi hi.

A. HIMALAYAN MISSION FIELD

KIPAHTHU GENNA LEH THUMNA DINGTE:
1. January 2021 sung a semtute apan gingthak leh baptisma tangte ziak in kipahthu genni.

2. Miss Bipana Magar, Songretar a om a ginna ziak a inn apan a inkuante’n a nohkhiak uh i semtu kiang a bangtan hiam a om nung in tuin amah inn ah kiik thei nawnta. Kipahthu gen ni.

3. January 27, 2021 in Haldibari Saptuam ah Seminar neih in om hi. Pastor Dilip in “Hotdamna” chih leh Pastor Prem in “Sinsakna Diklou” toh kisai kisinsakna hun zang uhi. Hiai hun in mi 50 vel kihel thei uhi.

4. Pakyong, Sikkim station ah local native a semtu ding Evan. Chandra Kumar Shankar Pathian in hon piak ziak in kipahthu genni. Ama’n Evan. Jemson Ngaihte toh semkhawm ding hi.

5. Chisang Saptuam in HQ leh Field toh pangkhawm in Biakin lam a pat uh kha 2/3 sung a lamzoh mai sawm in panla uhi. Lamzangtak a lam zomzel ahihna ding in thum ni.

6. Bihidin saptuam in semtu Quarters leh Saptuam kitchen ding a bawl uh lamzangtak in paizom thei zel, kipahthu gen in, hon zoh siangna ding un thumpih ni.

7. Mr. Dol Bahadur Chettri in January 02, 2021 in hon beisan hi. January 27, 2021 in a tapa Mr. Harka Bahadur Chettri in hon beisan nawn hi. Dol Bahadur zi Mrs. Dil Kumar Chettri gingtu October 25, 2020 a baptisna tang ahi a, ama’n ginomtak a a hondampa a zuih zel theihna ding in khalam piching a a hong khan zelna ding in thumsak ni.

8. Grace Bible College a kai i Field sung a omte thumna in phawk ni. Online a kai ahihna uah lunglutna, thanopna leh regular tak a class a teltheihna ding un thumsak ni.

B. DHEMAJI MISSION FIELD:

KIPAHTHU GENNA LEH THUMNA DINGTE:
1. Toupa’n Lachangaon area ah sawm-a-khat pethak ding mi hon piak beh zel ziak in kipahthu gen ni.

2. Mr. BijuTaid hunsawt sim apan taksa hatlouhna nei Doctor etsak ahihnung in hoih lam manoh zel a, Mr Chandra kanto Mili kum 2 vel zeng a pai theilou leng tuin biakin kai zou nawn panta hi. Kipahthu gen in, hong damsiangna ding un thumpih lai ni.

3. Tukum 2021 a native Evangelist a semtu ding mi 11 lak thak a omte’n kuhkaltak leh chihtakna suah a hon septheihna ding un thumpih ni.

4. Evan. Haukhosiam Guite, January kha sung in taksa damlouhna ziak in ministry ah kuan khe theilou hi. Hiai report gelh ahihtan in hatzou nailou ahihman in office lamte’n va pawkhia in Doctor ensak ua, ama’n damdawi ne lellel hi. Thumna ah phawk ni.

5. Mr Lalit Mili te nupa a kituah theihlouh ziak ua semtute’n houlimpih zel uh himahleh sawtdaih theilou uhi. Nupa kituak ahihna ding un thumna in phawk ni.

6. Mr Arinath Chintey te nupa in Khristian hih lunggulh uhi. Pathian dik hon muhchetna ding un thumpih zomzel ni.

7. EBCC Itanagar ah saptuam mi tam hetkei mahleh a om sunsunte’n biakna neitou thei zel uhi. Saptuam mi hong kibehlap theih zelna ding un thumpih ni.

8. Pathian hatna muang in tukum sung ngei a Nahalbali area leh Bolukhaguri area ah field in Fellowship thak patkhiak sawm in panla uhi. Huan, Gogamukh, area thak phuding inleng semtu koih thak in om hi. Hiai area-te a gamkek a hihtheihna ding in semtute Pathian kiang ah thumpih ni.

9. Semtu Quarter Lachangaon a zoh ahih lai in, Pityangchapori a Quarter kekletna neih in omlel hi. Nasep bangkim zohsiang ahihna ding in thum ni.

C. MANIPUR MISSION FIELD:

KIPAHTHU GENNA LEH THUMNA DINGTE:
1. Toupan January kha sung in Semtute tungtawn in piangthak, Baptisna tang thak, Sawm a khat pethak leh mimal missionary vakna a pangthak hon piakte ziak in Pathian kiang ah kipahthu gen ni.

2. Native Casual Workers mi 5 DPC tungtawn a Toupa’n a hon piakthakte ziak in kipahthu gen ni.

3. Tangthupha genna nasep tatsat lou a sutzom a omtheih lai ziak in kipahthu gen ni.

4. Pathian thu a lunglut mi 20 piak a ki-omte, itna toh bohzui ahih ua, counseling hoihtak a neihpih nung a khelhnate kiphawk a, kisik lunghei a Jesu a Lal leh Hondampa ding ua a hon saan theihna ding un Pathian khasiangthou ompihna, vehna leh thopna ngen in thumsak ni.

5. Office Asst. thak ding Evan. Kh Binoy leh IES, Thiyam Konjina Assistant Teacher a sem ding Evan. Liansuanmungte’n a mohpuakna thak uh thanuamtak a hon septheihna ding un thum ni.

6. Thoubal saptuam a member 209 te biakin ah ta zolou, kekletna nasep laklohtak in dinkhawl uhi. Toupa’n koilam hiam apan huhtu a piakna ding in thumsak ni.

7. Field in tukum a kisinsakna a tamthei lam neih sawm ahihman un tuate sepsuah ahihtheihna ding in thumna in phawk ni.

8. Semtute’n target leh goal setting a kibawlte uh a hon sep pichin theihna ding un thumpih ni.

9. Field BYFC in kum teng a Gospel Youth Camp a sai zel uh tu kum in leng March 28 apan April 01, 2021 sung a sai ding in panlak sawm uhi. Toupa makaihna leh vualzawlna ngen in thumpih ni.