Amasa in Gammial Aw simtute tengteng i Toupa leh Hondampa Jesu Khrist min in chibai aw! Kumbul-a ding i hihna ah, tukum Toupa gamna i sepna ding ah a misiangthoute’n semtute leh i sepna fieldte ban ah tu kumthak khamangthang tamsem i matna kum uh hong hihna ding in i niteng thumnate a phawkzom tou zel ding in i kingen hi. Semtute tungtawn a field a Toupa’n gah hon piakte leh sep-le-bawl i neihte enkhawm nawn ni.

A. HIMALAYAN MISSION FIELD

KIPAHTHU GENNA LEH THUMNA DINGTE:
1. Semtute tungtawn in Toupa’n gingthak mi 11 leh Baptisma piak theih mi 9 hon piak nawnte ziak in kipahthu genni.

2. Covid hipi in venlam a nawttak man in kipahthu gen ni. Hiai toh kiton in Toupa gamna i sepnate sunzom theizel i hihna ah kipahthu gen ni.

3. Chisang Saptuam in a biakinn uh bawlthak nuam in phel ua, a thak ding lampan pah uhi. Awlmohna aneih uh i kipahpih a, kipahthu gen ni. Lamzang tak a biakinn thak hon bawlkhiak pah theihna ding un thumna in delhzui ni.

4. Evan. B Jemson Ngaihte leh Native worker khat in Pakyong, Sikkim ah panmun thak bawl dia kisa ahihna uah thumna tampi toh delhzui ni.

5. Toupa’n a gamna sepna ding a kumthak 2021 hun hoih hon bawlsak lai ahihman in theihtawp suah a semtute’n pan a hon lakna ding un thumpih ni.

6. Grace Bible College a kai tulel a inn mun a omte lungke mailou a college a kihon hunhun a kuan dia mansa a omna ding uleh innlam a om sung ua manpha tak a a kizatna ding un thumsak ni.

7. January 02, 2021 in i gingthak Mr. Dol Bahadur Chetri in hon nusia hi. A nutsiat a zi leh a tate khamuanna ngetsak in, Jorethang saptuam leng thumsak ni.

B. DHEMAJI MISSION FIELD:

KIPAHTHU GENNA LEH THUMNA DINGTE:
1. Pathian in khovel buaina leh haksatna kal ah kumthak 2021 ah honpi lut nawn hi. A hunhun a nek leh dawn, silh leh te’n leh taksa damna hon piakzelte ziak in kipahthu gen ni. Kumthak 2021 chidamna kum a hong hih a, a vualzawlna toh A nna septouh ahih theihna ding in thumna ah phawkchiat ni.

2. Evan. T Nengminlun leh a inkuante Dhemaji Missions Field apan Goalpara ah kisuan ta uhi. Huan Evan. Haukhosiam Guite leh a inkuante’n Lachangaon Quarters luah ua, Pastor. S Thangbiakmang leh a inkuante Gogamukh ah gamthak phuding in January khasung in lutta uhi. Evan. L Chinkholal leh a inkuante Dakuakhana pansan a semding in lutthak ua, Evan. L Ginmuanmang leh a lawinu Evan. Mary Ngaihte te’n Dhemaji pansan in Office leh ministry ah sem panta uhi. Amaute hong lohchin zelna ding un thumna ah phawk ni.

3. Pityangchapori leh Namgharia ah Pathian in gingthak honpiak mi 6 te’n leng Baptisma tangta uhi. A hunhun a gah honpia Pathian min phat in gingthakte a ginna uh hong pichin semna ding in thumpih ni.

4. January 13, 2021 akipan in school naupangte school kainawn panta uhi. Amaute’n hun sawttak lockdown leh Covid-19 ziak a school a sutzop theihlouh nung ua kainawn dia kisa ahih man un thumna ah delhzui chiat ni.

5. Field in Gogamukh area station thak ding in bulpatna neih kisawm hi. Pastor. S Thangbiakmang leh a inkuante tua area a sempan ding in lutta uhi. Hong lohchin zelna ding un thumna ah phawkchiat ni.

6. Mr. Debyo Mili, Field office a a poimoh bangbang semding in field in la thak hi. Pathian nasepna manpha tak a hon sutzop theihzelna ding in thumna ah phawk ni. Aman Grace Bible College a hun bangtan hiam hong sinkha hi.

7. Pityangchapori mun a semtu quarter (Evan. H Jamkhanmang leh a inkuante omna) neulua sakna om ziak in Field in keklet sawm ahihna ah nasepna lamzangtak a zoh ahihna ding in thumna ah phawk ni.

C. MANIPUR MISSION FIELD:

KIPAHTHU GENNA LEH THUMNA DINGTE:
1. Toupa’n semtute tungtawn in piangthak 19, Baptisma tang thak – 02, sawm-a-khat pethak – 02 leh Mimal missionary vakna apang thak – 04 hon piakte ziak in Pathian kiang ah kipahthu gen ni.

2. Field sung a VBS leh Bible study class neih a omthei zel ahihman in kipahthu gen ni.

3. Hiipi leng lak a leng semtu khenkhat ministry sunzom thei om ahihziak un kipahthu gen ni.

4. Semtute’n Pathian thu a lunglut mi aneihte uh itna toh bohzui ahih ua, counseling hoihtak a neihpih nung a khelhnate kiphawk a, kisik lunghei a Jesu a Lal leh Hondampa ding ua ahong san theihna ding un Pathian Khasiangthou ompihna, vehna leh thopna ngen in thumsak ni.

5. Indigeneous Project in a sukkhak Office Asst. thak ding Evan. Kh Binoy adin thum ni. Toupa’n pilna a piak a thanuam, fel leh chitaktak a hon sep theihna ding in thum ni.

6. Biakin bawllel a om Heisnam leh Jiribam te ading in Toupa ompihna ngen ni.

7. Kumthak bul a ding i hih toh kiton in semtute’n thanuamtak a hon sep theihna ding un thumpih ni.

8. Tukum field in kisinsakna atamthei lam neih a sawm bang ua a sepsuah theihna ding un thum ni.

9. Semtute’n target leh goal setting a kibawlte uh a hon seppichin theihna ding un thumsak ni.