I. YOUTH MINISTRY I CHIH BANG HI A, BANG TUP NEI AHIA: Tuailaite’ kidonna, kisuklimna, kisinna leh kisuklarna lel hilou ahi. Youth Ministry i chih Saptuam ministry toh khkhen theilou (Tuailaite’n a tuailai pihte lak a Pathian nna a sepna uh) ahihna ah Saptuam dinsante mah tup a nei a sep ding ahi. Huai ban ah tuailai hun kichi hun poimoh mahmah leh chouna atam pen hun, naupang te’n a ngaklah mahmah hun, nupi leh papi tamtak in ka tuailai hun chia a gengen hun, hinkhua a ding a hun poimoh tak leng ahihman in kimakaihna kichiantak a om poimoh mahmah ahi.

II. BYF DINSAN: Tulai in Tuailai tamtak in i dinsan leh mohpuakna theikhial i hi di uam chih ding bang khop hial om a muhtheih abat ziak in EBC Saptuam Kiphuhkhiakna Dan 2015, Kivaipuakna Dan 2015 leh Kipina Dan 2014 a Article 4(4.7) ah hichiin ana kigelh muh theih ding om hi, huai a bang in: Tualsung saptuam a tuailai kum 18-45 te Laisiangthou sinsakna bang a Kithuahkhawm a Pathian be ding, Tanchin Hoih puanzak ding leh a gingta mite Khrist nungzui ding a chiil ding, Nna hoihte semkhawm ding Tuailai pawl’ mohpuak leh dinsan ahi.
1. Pathian Biakna (Worship)
2. Kithuahkhawmna (Fellowship)
3. Tanchin hoih puanzakna (Evangelism)
4. Nungzuihna (Discipleship)
5. Nna hoihte sepna (Service)

III. TUAILAI PAWLTE NASEP DINGDAN (JOB DESCRIPTION):
1. Tuailaite kithuahkhawmna leh Pathian biakna ah atamtheipen akiheltheihna ding un a enkai ding.
2. Tuailai hotdam hi nai loute enkai in hotdamna lampi ah pi ding.
3. Tuailai Khrist nungzui muanhuai ding chiilna enkai ding.
4. Tuailaite adia kisinsakna poimoh tuamtuamte Laisiangthou sinsakna bang a sinsakna a enkai ding.
5. Tuailaite’n Pathian nasepna ah hihtheihna piak a a om bang chiat uh sem a, saptuam tup leh ngimte toh kisai khalam, salam leh lungsim lamtouhna ding a nna hoih tuamtuam sep ding.
6. A kumkhat nasep ding ua a lemgelna uh TBSUC toh kithuzak in a guang ding a, tuate sepkhiatna report TBSUC lak ah a pezel ding.