NLBC Dorka Pawl in DORCED Project nasepna ading in Rs. 7,000/- pia ua, huaite apan in Tailoring Training Centre ate zat ding puannawtna (iron) 2 kilei hi.

TBDF EBCC Songtal in DORCED nasepna huhna in mehgah chi tuamtuam Rs. 3,520/- man hon khak uhi.
DORCED naupang chawmna project a zat ding BDF Kangkap Singngat Division apan in Rs. 3000/- hong lut hi.
DORCED Project huhna petute teng ziak in kipahthu gen in, Pathian in amaute tamsem a a vualzawlna ding uh ngen in thumsak ni.
DORCED chawm naupangte’n final exam nei dekdekta uh. Kuapeuhmah in damtak a a exam theih chiat ua a kum khat zilna uh lohching leh gahsuah ahih theihna ding in thumna in phawk zel ni.
DORCED Tailoring Centre a Puankhui zilten leng hoihtak in sunzom zel ua, kipahthu gen ni. Puankhuisak utte adin khuisak (order) theihta hi. Huan puanthan amun ah ettheih ding leh khuitheih ding tamkhop om a a deihten va order theih zel ding hi.