Nu Haumuankim Zellang Veng EBCC Hiangtam Lamka in DORCED huhna khateng a Rs.500/- piak sawm a khalui in pepanta hi.

DORCED huhna mimal thoh Local tungtawn a HQtrs a honglutkhawmte mimal min in hong pai kei mahleh EBCC Central Delhi a kipan in Others kichi apan Rs.1, 900/- hong lut hi. EBCC Shilong a kipan in leng others kichi ah Rs. 3,550/- hong lut a kipahhuai i sa mahmah hi.

Bawldikna: Khaluia kipahthu genna a DORCED adia Rs. 1,000/- hon thohtu Nu Nemrualkim EBCC Hebron hilou in Dorcas veng ahi. A inn lamsaktu a pu kichi pen a u G Vungkhum hizaw hi. Thu don khelh khakziak in poi i sa hi.

CDSC in LRRC veh: Central Dorcas Sub Committee in June 14, 2018 in i saptuam nasepna kahiang poimoh mahmah Bungmual a Lametna mun ah, LRRC a PLHIVs Care and Suport program ah Beneficiaries te toh hun zatkhawmna kinei hi. Hiai hun ah LRRC ten Beneficiaries (Nam tuamtuam pawl a kikhenna omlou a nasep ahi) mi khat ading in Antang 10 Kg, Ankam thau Ltr 1, leh Dal kg 1, leh channa tang leh a tuamtuam hawm uhi:

Central Dorcas Sub Committee inleng hiai hun in EBCC Delhi Dwarka Dorka pawlten silh-le-ten hon khakte uh Carton Box 5 amaute kiang a hawm ding in kipuak a kipahpih mahmah uhi. Pathian in tagah genthei leh panpih ngaite panpihna ding a sum leh pai, tha leh zung leh thumtute teng vualzawlna tamsem hon pia hen aw.