Tutung Dorcas Corner ah Dorka pawl toh kisai in hiai anuai a te i kizasak hi.
DCSC te thumsak zel ni: Dorcas Central Sub Committee Term paisa a heutute leh tu term thak ading (i.e kum 2018 – 2020) a thakte in-charge kipiakna (kikhektuahna) March 8, 2018 zingkal in CDSC Adviser Rev Paukhanmang Guite, Director of Ministries makaih in Dorcas Jubilee Guest House ah kinei hi. Term thak a hon makaihtu ding CDSC member thakte thumpih zel ni.
DORCED Award 2017: DORCED chawm naupangte lak a kum 2017 Final examna a 85% tunglam marks mute DORCED Award Ebenezer School ah Student 7 in 85% tunglam mark mu ua, Singngat Hill Model School ah mi 2 in mu ua, Mizoram Division ah mi 3 in mu hi. Tutung a Award sang tengteng 12 pha uhi. Award sangte mi khat Rs. 1,000/- chiat sang ding uhi. Hiai Award ding EBCC Central Delhi Dorka Pawl in a hon thoh uh ahi. Kipahhuai mahmah Pathian in thupina teng tang hen. Kum 2018 final exam a 90% tunglam Mark muten Award sang nawn ding uhi.
DORCED Project Tailoring Training - DORCED Project nuai a puankhui zilna (Tailoring Training) Dorcas Hall Compound sung a April 2018 a pat nawn ding kisawm hi. Himahleh a mun ding zohsiang ahihma puankhui zilna kipan taktak theilou ding hi. CDSC thupuukna bang in tutung in puankhuai zil ding mi 5 lak kisawm hi. Genthei leh haksa sadeuhte zilsak ding tup leh ngim himahleh tutung in a lunglut mahmah, tunung chiang a leng a poimoh bang a midang hilhsawn leh sinsak thei ding mite zilsak phot ding chih Committee deihdan ahi.
DORCED huhna pung zel: Khalui in DORCED huhna hiai anuai ate apan hong lut hi:
1. Nu Ngaikhodon, Bungmual in khateng a Rs. 500/- a pang ding in January 2018 apan ding in hon pia hi.
2. EBCC Sinjawl Dorka Pawl in DORCED huhna ding in a sum tang in Rs. 2,900/- hon khak ua, huan maipuang, maisan, malta, bal leh a dang dang Dorcas Hall ah hon khak uhi. Tuate sumsuah vek nung in a sumtang leh van mante gawmkhawm in Rs.4,100/- EBCC Sinjawl Dorka Pawl in hon khak uhi.
DORCED i pankhawm siausiau ziak un tagah leh gentheite lak a nasepna in masawn zel a kipahhuai i sa petmah hi. Pathian in thupina tang hen.