Tutung Dorcas Corner ah DORCED Project toh kisai in hiai anuai a thute i kizasak hi:

I. DORCED Project nuai a Puankhui (Tailoring) toh kisai: Dorka Pawl in DORCED Project nuai a Puankhui zilna June 2017 a i na pat uh kha 7 a zilnung un a zilna uh zouta uhi. Amauten Dorced Project a i chawm naupangte School Uniform khuina ding in Dorcas Hall Compound a General Secretary tenna (Quarters) lui January 16,2018 in Rev Gin malsawm, Director SD leh DCSC ten Pathian kiang a latna nei in puankhui i zilsak nungak thumten Naupangte form ding khui panpah uhi. Amaute leh hiai i project thumna ah phawk zel ni.

Puankhui khawl (Machine) toh kisai: Puankhui zil ding athak lak ding toh kisai in Financial Year thak April 2018 a pat kisawm hi. I puankhui lelte leh a zilthak dingte zat ding Puankhuina Khawl (Sewing Machine) poimoh mahmah ahihman in kuapeuhmah a thoh utte ading in thoh theih gige ahi. Tua i neihsa omlou ahihman in Puankhui zilna hon ding a kigen tung a pan CDSC memberte lak ah nu Thangkhawm, Nu Biaki, nu C Engzam leh nu Chingzaniang ten khawl thoh ding chipah ua kipahhuai mahmah hi. Mimal hiam Pawl min hiam a a thoh utten thohtheih ahi chih i kizasak hi. Ahihtheih leh Rs. 10,000/- chiang leh a tunglam leng hon thoh theih uleh kipahhuai mahmah ding hi. Hiai toh kisai a Dorced Project huhna ding in Nu Hauzaniang leh a inkuanpihten a pasal/a pa uh S Thongchinthang, Memorial ding in Rs.20,000/- (Khawl nih lei theihna ding) hon thoh ua, a thoh masa pen ahi uhi, kipahhuai i sa mahmah. Pathian in amaute vualzawl zel hen.

Award toh kisai:
EBCC Central Delhi Dorka Pawl in DORCED chawm naupangte supportna khateng a a piak gige ban uah, kum 2017 a DORCED chawm Naupangte Final Exam a 85% tunglam marks mute Award piak ding toh kisai in Rs.10,000/- hon thohnawn ua kipahhuai i sa mahmah hi.

II. DORCED Supportna toh kisai: DORCED supportna khateng a pia bang, amau lemtan dandan a pia bang Pathian vualzawlna ziak in bangzah hiam i omta ua amaute ziak in kipahthu i gen hi. Pathian vualzawlna i donte uh i thohkhawm siausiaute un Naupang School kai zoulou ding tampi i panpih ua amaute leng kipak mahmah uhi. Tutung inleng bangzah hiam DORCED Supportna pethak a om nawn ua, Pathian tung leh amaute tung a i kipahthu genna in Dorcas Corner ah i taklang ding:

i. MEV Society Hiangtam Lamka in Christmas gift in Rs. 2,000/-
ii. Manipur Evangelical Baptist Convention (MEBC) Dorka Pawl apan in October to December, 2017 ading in Rs.3,620/- pia uhi.
iii. Nu Hauching EBCC Zion in khateng a a thoh ding in Rs.1,500/- pia hi.
iv. Baby Zamremmawi, Nehrumarg EBCC Central Lamka in Rs.1,525/- pia hi.
v. EBCC Mumbai Dorka Pawl in Rs. 5,000/- huhna hon pia uhi.
vi. Nu Diani, EBCC Lamphel in Rs. 2,000/- pia hi.
vii. Nu Singkhum, Zellangveng EBCC Hiangtam Lamka in DORCED huhna khateng a Rs. 500/ a pang ding in January apan hon pia hi.

DORCED Project nuai a support naupangte awlmohna ziak a Antangpham phamtute tengteng, Pawlpi leh mimalmal supportna a sum leh van a petute tengteng Pathian in hon vualzawl chiat hen.