Kumthak mel hon musak i biak Pa Pathian tung ah lungdam thu gen kawm in, simtute tengteng Kumthak Chibai ka hon buk hi.

Tukum 2018 sunga naupang sinsaktute makaihtu ding in, EBC Headquarters in, BCD Year Calendar 2018 hon bawlkhia hi. Hiai bel, ahi bangbang a zuih ngitnget ding chih hipah zawlou in, hon lamlahtu ding hizaw ahihdan sinsaktute’n i theih chiat ka lamen hi. Calendar a i muh mah bang in, tu kha pen Kisakkholhna Kha chih minvuah ahi. Tua dungzui in, sinsaktute’ adia kisakkholhna a poimoh dan saulou in enkhawm le lunggulh huai ka sa hi.
A kigenzel mahbang in, sinsaktu ading in kisakkholhna sang a poimoh zaw a om kei. Sunday School Sinsaktu ading in zong hiai thu adik veve hi. Ahi a, hiai i gen chiang in bel piangthaksa sinsaktute kiang a thugen bang a kingaihtuah i hi. Sinsaktu piangthak lou i omkhak zenzen leh bel pianthakna poimoh masa ahihdan ka hon taklang ngal hi. Khalam pianthakna tellou a kisinsakna a lauhuai a, gam zapi a kang thei hi. Tuabang ahihman in, sinsaktute’n i khalam dinmun i velthak uh zong poimoh hi. Ahihleh, kisakkholhna toh kisai sinsaktute’n bang ngaihdan i nei ua le? A poimoh dan theilou i om uh ka gingta kei a, himahleh, hun tam zaw ah poimoh mahmah i chih te kimaih khanak hi in ka mu zaw hi. Tuni in, athak in, kisakkholhna kichi sinsaktute’ adia poimoh chih mai hilou a “alou theilou” ahihdan chian thak le lunggulh huai hi.

Tuin, naupang sinsaktute kihanthawnna ding in dotna thum leh a dawnna sauloute i enkhawm ding:
1. Bangziak a kisakhol ding? Atamzaw te’n hiai dawnna ding in “Sinsaktu i hih ziak eivoi Naupangte i sinsak ngai a’ihchia” i chih pah uh ka gingta hi. Adiklou hi hetlou hinapi in, dawnna dikpen ahi kei hi. Kisakkholhna a poimoh dan theihchetna ding in sinsaktu in i dinmun theihchet poimoh masa hi. Saptuam sung a Naupang Sinsaktu kichite, Toupa Jesu Kris sik-leh-tang a Pathian’ belamnoute vaak leh chingtute ahi uhi. Kris sik-le-tang a dingte i hihman un kisakhol lou a, a belamnoute vaak a ching ngamlou i hi.

Tuamah ahi kisakkholhna a poimohna san.
2. Bang ding a kisakhol ding? Naupangte’ nopsak leh lim nadia kisakkholh di ahimasa kei a, naupangte’n Pathian’ thutak leh a hotdamna thu a theih leh pom theihna di uh lampi ngaihtuah kawm a kisakkholh ding ahi.

3. Bang chia kisakhol ding? Pathian Ni a hun khat i zatpih theih zel a manphat dan theikawm a, Seppatni zingsang apan Kiginni nitak tan kisakkholhna hun a zat ding ahi. Class room ah Sinlai Bu en a buai nawnlou ding khop a i Sinlai Bu i theih tai ding ahi. Tuaban ah, Sinlai Bu toh Hotdamna thu bangchi’n ka gawmkhawm thei dia chih i kidot gige ding ahi.

BCD Year Calendar 2018, Local BCD chih in a tansuak ding in Flex Poster 4x3 feet in kibawl a, a tang nailou te’n mahni Division Office chiat ah na ngaihven di’n kon theisak ngal hi.

2018 BCD CALENDAR:
1. January: Kisakkholhna Kha/ Preparation Month
a. Nipi skul lut patni: 21st January, 2018
b. Sinsaktute Orientation: 13 & 14th January or Local chih lemtan bang in
2. February: Laisiangthou Kha/ Bible Month
a. Devotion Hun te ah (Khatvei bek) “Laisiangthou” khangthu (History of the Bible) leh a muanhuaidan thupi a zatsawm chiat ding. Pathian Ni khat “Bible Sunday” a zat sawm chiat ding.
b. Classroom ah khatvei bek Laisiangthou Pathian Thu hing ahihdan sinsak ding.
c. Bible Month ahihtoh kiton a Primary apan tunglam te “EBC Doctrine” leh “Apostles’s Creed” sinsak chiat ding.
3. March: Khrist Gimthuakna Kha/ Passion Month
a. Devotion Hun te ah (Khatvei bek) “Jesu Khrist” tanchin Palm Sunday apan Good Friday sung Thupi a zatsawm chiat ding.

b. Classroom ah khatvei bek Passion of Christ chih Thupi a nei a Gethsemane Huan apan Khros tung a Jesu hong thuaknate Naupangte sinsak chiat ding.
c. 4-11th March sung EBC Saptuam Thupi “Nang Vualzawlna Hi in” chih pansan a BCD in the First “Be the Blessing” Week zatsawm chiat ding.
Laisiangthou pansan theih ding khenkhat: Nasepte 20:35, Matthai 14:12-21.
d. Ni poimohte:
i. The First “Be the Blessing” Week: 4-11th March
ii. Palm Sunday: 25th March
iii. Good Friday: 30th March
4. April: Thohnawnna Kha/ Resurrection Month
a. Devotion Hunte ah (Khatvei bek) “Khrist Thohnawnna” a poimawhna, a nasep leh a thupi dan sinsak ding.
b. Classroom ah “Easter Sunday/Resurrection Sunday” omzia sinsak chiat ding.
c. Ni poimohte:
i. Easter Sunday: 1st April
5. May: Pentecost Kha/ Pentecost Month
a. Devotion hun te ah (Khatvei bek) “KhaSiangthou” nasep leh a poimawhna, Khamuanpa Kha/Thutak Kha ahihdan sinsak ding.
b. Classroom ah “Pentecost Day” omzia (The Coming of the Holy Spirit) sinsak chiat ding.
c. Akizat theihna mun te ah, 6th May (Pathian Ni) pen “Missions Sunday” a zat ding. Naupangte Missions nasep lam ah hanthawnna leh tawsawnna hun a zat ding. EBC missions khangthu leh tu-le-tu dinmun i sinsak theih leh hoihsem ding hi.
d. Local BCD chih in, lemtan bang chiat a Nute’ Nipini zatding: Nute’ manphatdan leh pahtawi ding ahihdan sinsakna/thilpiak/special items etc.
e. Ni poimohte:
i. Missions Sunday: 6th May
ii. Missionary Day: 7th May
iii. Nute’ Nipini: 13th May
iv. Pentecost Day: 20th May
6. June: Nungzuihna Kha/ Discipleship Month
a. Devotion Hun te ah (Khatvei bek) “Nungzuihna” a poimawhdan leh Jesu nungzui hih didan sinsak ding.

b. Saptuam Thupi mah pansan a “Naupangte Nipini” ading Thupi “Naupang Khrist Nungzui: Midangte Adia Vualzawlna” (Nasepte 20:35) chih zat chiat ding.
c. Local BCD chih in, lemtan bang chiat a Pate’ Nipini zatding: Pate’ manphatdan leh pahtawi ding ahihdan sinsakna/thilpiak/special items etc.
d. Ni poimohte:
i. Naupangte’ Nipini: 10th June
ii. Pate’ Nipini: 17th June
7. July: Nu-le-Pa te Pahtawina Kha & Kumkim Exam Kha
a. Devotion Hun te (Khatvei bek) ah May leh June kha a Nute Ni leh Pate Ni kizangkhinta te pansan a Nu-le-Pa te pahtawi a poimawh dan sinsak thak ding.
b. Classroom ah khatvei bek Efesate 6:1-2 pansan a Nu-le-Pa te thuman leh pahtawi ding Laisiangthou hon sinsak ahihdan naupangte sinsak ding.
c. July 15th tan a Local BCD chih in “Kumkim Exam” zoh fel chiat ding.
d. Ni poimohte:
i. GBC Sunday: 01st July
ii. Kum kim Naupangte Sandeskul Exam: 15th July tan a zoh fel ding.
8. August: Suahtakna Kha/Freedom Month
a. Devotion Hun te (Khatvei bek) ah India in Independence a muh bang a mikhialte’n suahtakna mu i hih dan sinsak kik ding
b. Pathian Ni khat “Freedom Sunday/Suahtakna Pathian Ni” a zatsawm chiat ding. Khrist tungtawn a khelhna leh khovel apan i suahtakdan sinsak thak ding.
c. Classroom te ah khatvei bek khelhna apan Khrist ziak a suakta i hihdan sinsak ding.
d. Ni poimohte:
i. Suahtakna Pathian Ni: August Kha a Pathian Ni khat.
9. September: Vualzawlna Kha/Blessing Month
a. Devotion Hun te (Khatvei bek) ah Saptuam’ Thupi “Nang Vualzawlna Hi In” chih pansan a naupangte midangte adia vualzawlna hihtheih dan sinsak ding.
b. Classroom ah khatvei bek “Nang Vualzawlna Hi in” chih thupi lakkhiatna Laisiangthou tang Genesis 12:2 sinsak ding.
c. 2-9th September sung EBC Saptuam Thupi “Nang Vualzawlna Hi in” chih pansan a BCD in the Second “Be the Blessing” Week zatsawm chiat ding. Laisiangthou pansan theih ding khenkhat: Luke 21:1-4, Luke 10:25-37.
d. Ni poimohte:
i. Second “Be the Blessing Week”: 2-9th September
10. October: Tuailaite Kha/ Youth Month
a. Devotion Hun te ah (Khatvei bek) naupangte kiang ah “Khristian Tuailai” hihna leh a poimohna sinsak ding. Naupang apat Tuailai suahna a khalam kikhekna poimohte sinsak ding.
b. Classroom ah khatvei bek “Khristian Tuailai Hinkhua” sinsak ding.
c. Ni poimohte:
i. Tuailaite’ Nipi Ni: 21st October
11. November: Kiveelkikna Kha/ Retrospection Month
a. Devotion Hun te ah (Khatvei bek) Sandeskul Sinlai te a poimawh dan sinsak thak ding.
b. Classroom ah khatvei bek Sinlai te tungtawn a naupangte’n khalam hinkhua
a di, a theihthak te uh kikupna hun bawl ding.
c. Ni poimohte:
i. Nipi Skul kumtawp exam: 11th November
12. December: Incarnation Month
a. Devotion Hun te ah (Khatvei bek) Pathian Tapa mihing ahong suah dan,
a thupi dan sinsak ding.
b. Classroom ah (class a kilak lai leh) “Immanuel” omzia sinsak ding.
c. Pathian Ni khat, kumnawn a piching lut di te hanthawnna leh khakkhiatna a zat sawm chiat ding.
d. Advent Khristmas akizattheih na munte ah naupangte zatpih ding; hiai hun ah Khrist hong pianna thu lem a lah (drama, skit), phatna laa sakkhawm (carol) leh adangdang te Sinsaktu te’n saitheih ding hi.
e. Ni poimohte:
i. Kumsim Khawmpi: 06-09th December
ii. Advent Khristmas Hun: 18-24th December
iii. Khristmas Ni: 25th December
iv. Graduation Sunday: Pathian Ni khatpeuh.
(Note: Atung a te zuih teitei ding chih hizawlou in, BCD Sinsaktute nasep panpih tu ding hizaw hi.) 