BYF, BDF, BCD Corner | KTZ

    KTZ
    BYF, BDF, BCD Corner

    Youth Leader's Conference

    Central Baptist Youth Fellowship Committee in Year Plan a aneih sepsuahna hi ding in heutute lemsakna toh a hongtung ding October 27-29, 2017 sung EBCC Sinzawl ah BYF Youth Leaders’ Conference – Phase I neih ding sawm ahi. Hiai Youth Leaders’ Conference – Phase I in Thanlon, Singngat leh Mizoram-te huam ding hi. Program toh kisai a tangpi hiai anuai a bang in hong kitaklangh hi.

    I. CONFERENCE MIN:
    BYF YOUTH LEADER’S CONFERENCE – Phase I

    II. CONFERENCE NEIHNA MUN DING LEH AHUN DING:
    1. Amun ding in EBCC Sinzawl, Thanlon Division.
    2. October 27-29, 2017 (Friday to Sunday)

    III. CONFERENCE IN A TUP:
    1. EBC Headquaters, Division leh Local chih a Tuailai makaite thu leh la a kithuahkhawmna.
    2. Khristian Tuailai Makaihna (Khristian Youth Leadership) toh kisai a kisinsakna.

    IV. CONFERENCE A TELDINGTE:
    1. Division thumte (Singngat, Thanlon leh Mizoram) apan TBYF Committee Member teng
    2. Division thumte (Singngat, Thanlon leh Mizoram) apan DBYF Member teng.
    3. Headquarters apan CBYF Member teng leh EBC Central Choir member teng.

    V. RESOURCE PERSON DINGTE:
    1. Thugenna DS thumte apan (Singngat, Mizoram leh Thanlon DS teng)
    2. Kisinsakna EBC Headquarters lam apan.

    VI. LAMPAI DINGDAN TOH KISAI:
    1. Division BYF leh Local BYF in akul leh poimoh bang a ahong kingaihtuah ding uh.
    2. Headquarters in Division te kiang ah kul leh poimoh bang a Local te toh kithuzak a a na zek khawm ding un huhna tamlou chiat piak theih dan a om diam chih awl a ettouh ahi ding hi.

    VII. INNTEKNA LEH ZINTUNNA:
    1. Inntekna bangkim Local BYF, EBCC Sinzawl in ahon laksak ding ua nget ahi.
    2. DBYF, EBC Thanlon Division in a kul leh poimoh bang in a na kithuahpih ding.
    3. Zintunna leh giahna Localten arrangement honna bawlsak bangbang uh set ding.
    4. Refreshment bangkim Headquarters in a sik ding.

    VIII. GAHMUH DING A LAMET:
    1. Tuailai makaite’n gam leh nam, khotang, saptuam, leh innkuan sung a mohpuakna phawkthakna om ding.
    2. Thutak leh diktatna a kimakaihna tungtawn a saptuam leh khotang kilamthakna leh kitunding thakna om ding.
    3. Jesu Khrist nungzui muanhuai hihna leh Ama min thupina ding a ahoihlam leh Laisiangthou toh kituak a kikhekna tun sila heutu hi ding a kipiakthakna om ding.
    4. Pathian Biakna leh Phatna nuam leh suaktatak a zatna in tuailaite Pathian thu leh khalam a dangtakna hon tun ding.

    Program lohchinna ding leh gahsuahna ding in thumna ah phawk chiat ni.