DORCED Project nuai ah Puankhui zil ding May 23 in mi thum kila June kha in puankhui zil panta uhi. Pathian vualzawlna ziak a hiai puankhui zilna pan thei i hihman in kipahthu gen in lohching leh gahsuah tak a hon ziltheihna ding un amaute thumna in phawk ni.

DORCED huhna khateng a pe gigete ban ah, khalui in EBCC Bethlehem Upa bial No 4 te apan Rs. 950/- leh EBCC Hiangtam Lamka a Panpihtute apan Rs. 1,000/- hong lut a kipahhuai mahmah, Pathian in amaute tamsem in vualzawl zel hen.

Dorka Khawmpi Lian 41-na hun zang dingte i thumpih ding deihna in hiai ah i tuangsak hi:

Ahun ding : September 7- 10, 2017 (Ningani – Nipini)
Amun ding : Gospel Centenary Hall, New Lamka
Thupi ding : “Na omdan uh Khrist Tanchinhoih toh kituak sak photphot un” (Phil 1:27)
Thugenpi : Rev S Vung Minthang, General Secretary EBC
Bible Study : Rev Kumam Suresh Singh
Seminar Thupi di: Resource Persons
1. Nektak zonna a ginomna,
Mobile leh Internet toh kisai Dr Niangsangching
2. Materialism Miss Muani Tombing
3. Mou leh Tek toh kisai Mrs. Vungkhawlching
4. Naupang/Ta-le-Nau kepna toh kisai Mrs. Lily Tombing
5. Midang toh kal kizopna
(relationship) mohpuakna limsak Ms. Manzavung Thomte
5. Khristian Numei, Gamtat Khohei
kilawm Mrs. Lalhlimpui
Pathian vualzawlna tang ding in thumna toh kisakhawl chiat ni.